هاد الحلوى هادي سنين و انا كنديرها و خصوصا لبنتي ياسمين كتحماق عليها واليوم غادي نقدمها بالصور المفصلة نتمنى تعجبكم
انا عملت 2 ديال الاشكال و هاد الحلوى اغلبية كندير عيني ميزاني و لكن غادي نحاول نعطي المقادير مضبوطة ان شاء الله
بالنسبة للمقادير غادي نتاجو : الحليب و الفلان و البسكوي و القهوة و الزبدة و كاوبيل و مايزينة و الفاني ( اختياري )
بالنسبة لنصف لتر حليب كندير : 3 معالق كبار سكر و 2 معالق كبار مايزينة و 1 فلان انا هنا درت ديال الفريز و فاني
ثم كنخلطت كلشي بالحليب و نديرو يغلي بحال يلا كنوجدو الفلان بلا ما يعقاد
ثم كنفزك البسكوي ف نسكافي مدوبة و نستفو فمول مستطيل ( انا درت 2 طبقات من البسكوي )
هنا ملي وجد درتو فوق البسكوي و دخلتو للفريكو يبرد و يشد راسو
بالنسبة لكريمة القهوة غادي نحتاجو :
كأس ماء -2معالق سكر - 2معالق مايزينة -2 معالق نسكافي -2 معالق كاوبيل - 2 معالق زبدة
و باش الكريمة مديرليش كويرات درت الما الكاصرولة و طلقت مايزينة مزيان ثم ضفت نسكافي و كاوبيل و السكر عاد ضفت الزبدة و رديتها فوق العافية حتى عقادت
نخليكم مع الصور
و هاهي و جدات و عقدات
ثم كنضيف الكريمة فوق الفلان البارد
و هنا ملي بردات مزيان
و هنا عاودت درت طبقة اخرة من البسكوي مفزك فالقهوة
زوقتها فقط بشوية ديال الكوك و الفريز غير قبلو عليا
و هكدا كتجي من الداخل
نتمنى تعجبكم و تجربوها كتجي خفيفة و كيحماقو عليها الوليدات من عام لفوق عن تجربة ههههه 
( تقرير عن مشاركة سيئة )، و الموجودة أسفل كل مشاركة .
2011-08-21, 11:48
اعجبتني و نقلتها لكم بعد ان جربتها
العرض الشجري