نبداو بالعنوان انا راح نحكي على التوسويس اما لمحابيس الله يطلق سراحهم ان شاء الله كتبتهم برك عجبتني الرنة تاع المحابيس والvيس وانعل بليس ولاسويس ..
نرجعو للموضوع حسب الاحصائيات التي قام بها معهد الافروتوسويس فان نسبة الموسوسين
في بلد الجزائر تبلغ نسبة 99 بالمية ممثلة في جميع شرائح المجتمع الواسع وهداك الواحد بالمية مزالت قايمة الابحاث
لحد كتابة هاد السطور باه نكتاشفو هاد الطفرة .
*******************************************
مع اشراقة يوم جديد والجو ربيع والحالة باهية في دول لي عايشة حياتها تسمع غير Good morning .. bn jour .
. وناس تتبسم والحياة حلوة غير سه سه .. واحنا في المعهد تاعنا لقينا هاد الحالات :
محمد قال صباح الخير ..
الرد كان كالاتي :
قدور : شبعنا من صباح الخير اهي عندنا باشكاير اعطيهالنا دراهم
عيسى : يا ودي فهمنا بلي تسانلي صون ميل روح برك تحت نيفو قالها .. والمسموعة صباح النور خويا راك مليح
وردة تقول لصاحبتها : ايه او قال صباح الخير او باين مربي الكبدة عليك سير سمانة الجاية
يجي يخطبك ومبعد ما يجيش ايا صاحبة وردة تكتب كامل رجال خداعين .. حبسي حبسي قال برك صباح الخير
المسعود يحكي لصاحبو : والله او قالي صباح الخير حيرني علبالك موش من عوايدو تبانلي افار طفلة
ولا دراهم سير واش رايك انت .. صاحبو موسوس كثر منو يقولو اني سمعت بيه يدور بصحبتك ..
العشية يروح المسعود لمحمد يقولو اسمع والله ونسمع بيك دور بيها غير صباح الخير ونقطعهالك
************************************************
المعهد الافروتوسويس توصل الى ظواهر جامي صرات في بلاد نذكرو شوي منهم في عجالة ..
انتوما برك قولولي هذا لي يبيبيلك كل يوم بنيميرو بريفي واش حاب يقول ؟؟؟ .
. هذاك لي كيما قالو حبابنا تاع الفايس بوك باباه خسر عليه سبع ملاين ختانة وهو داخل باسم طفلة وش نديرو معاه ؟؟ وهذاك اللي يقلك كنت نتاستي فيك برك حاب يقول هو تورنيفيس تاستور .. ولا هو في اللجنة لي دخل للخدمة ويدرلي في تاست ...
وهذاك اللي يكوناكتي بالميكرو ويطل عليه خوه ولا باباه ويهبط لا باج ويبقى يدير اكتياليزي في البيرو ..
واش كنت دير اااه يا واحد البوندي .. وحبيبنا لي وجهو مصافر مريض وقالولو او عندك كادنة وظال يجري من طالب ل طالب
**********************************************
تانيك البنات وشحال يتوسوسو من او هذا وحدو سوجي ونقسموه لاجزاء والمعهد تاعنا توصل ان الجزايريين
ما يعيشوش الحب وقصة الحب فيها 85 بلمية رايحة غير توسيس وشكون منال وهاديك لي دارتلك جام البارح على 8 تاع صباح اي باينة تعشق فيك
وووووو خلي انتوما كملو الباقي
المعهد ديما توصل ان اغلب لولاد كي تديرلو وحدة اعجاب ولا جام يحساب فيها قاتلو نحبك ايا من داك اليوم وهو يعشق فيها ويسموه الحب من اول جام اخخخخ
من بين القضايا اللي حيرت المعهد هي ان الدولة وموسوسة من الشعب يعني الدولة الوحيدة في العالم لي موسوسة من شعبها هي بلاد المحابيس هادي .
. انت تروح تجوز كونكور يدمونديو فيك 4 شهادة جنسية رغم ان في لاكارت ناسيونال في البيرمي في عقد الميلاد والعزوبة والزواج وفي جبهتك مكتوبة
جنسية جزائــــــــــــــــــــــــــــرية ويكتبوها ديما طويلة وباينة بالصح هكاك
ويتوسوسو منك لازم تروح المحكمة وتخسر دراهم تنابر باه يامنوك بلي راك جزايري ... كون جات عندي جنسية المانية راني مقابلك محسوب
في النهاية معهد الافروتوسويس مزال يقوم بالابحاث في هادي الظاهرة اللي كون نكملو نحكيو فيها مش راح نسكت وخفت نطول عليكم وتوسوسو مني .
. كيما واحد المرة واحد صاحبي يحكيلي على واحد قالي نحكي معاه نحكي معاه ونضربها بتوسويسة ..
لكن رغم انكم موسوسين ايا الوجوه الشاحبة الا انكم شعب رائع وهايل ومنقدروش نعيشو بيكم ولا بلا بيكم -_-
ومرحبا بيكم في معهد الافروتوسيس للانضمام او الاضافات المهم مكانش لي يديلي الكرسي
تحيـــــــــــــــــــــــــــــــــــــــــــــــ ــــــــــــــــــاتي
( تقرير عن مشاركة سيئة )، و الموجودة أسفل كل مشاركة .
2016-05-06, 18:28
التوسويس في بلاد لمحابيس {ليحب التقرعيج يتفضل }
العرض العادي
