مقروط الكوشة من عند يراسمين 26 الى الرغبات فيه

yarasmin26 · 2013-10-02, 11:24

لاحظت الاخوات كاين الي ينجحلها المقروط وكاين الي لالالالالا
المشكل انتاعو الاول هو السميد
والسر انتاعو هو قدما يقعد في العلب قدما اجيك شباب ولذيذ هذه المعلومة الي لازم تعرفوها كيما تشوفو المقروط الي ديروه في التلفزة الاشهار على السمن نبدا على بركة الله
المقادير
2 كيلات سميد متوسط يعني تاع الطمينة ومصير على حبة واحدة او اشري تاع علبة تاع 1 كغ او 2 كغ
وزيدي كيلة فرينة مصيرة مليح + 2 م ك سكر احرش+1 م ك لفاني+ 1/2 كيس خمارة الحلوى { الخمارة على حسب كمية السميد} انا كيلت بالغرفية تاع الشوربة وانتم كيما تحبو
+ كيلة فيها الزبدة ذايبة + زيت { يعني في الكيلة ديري الزبدة اكثر من الزيت} وقعدي تبسي فيه مليح بيدك ختى الزبدة تتداخل فيه مثل الصورة

وديريه في صحن وغطيه بالكيسوديريه في الثلاجة ايبات ليلة كاملة
غدوة من ذاك حليه في صحن وخليه يرتاح
وجدي العقدة فيها" الكوكاو او اللوز مرحي وسط+ شوية سكر+ لفاني +رشة قرفة+ورشيه بشوية ماء الزهر لازم الحشو ميكونش جاري
*** وجدي كوب فيه ماء + ماء الزهر وحطيه قدامك
***خذي حفنة من خليط السميد وبداي ترشي غير بشوي كيما الفتيل فقط بدون عجن الخليط كي تشوفي تشمخ لميه بيد فقط
ومبعد شكلي حربوش

نأخذ العجينة ونعملوها بهذه الطريقة

ثم ديري الحشو انتاعك تاع الكوكاو ثو لميه وخليه حربوش
والمبتدات ايديرو كيما هكذا

نستعمل كيس بلاستيكي لتسوية الحرابيش
اضغطي هنا لمشاهدة الصورة بحجمها الأصلي
ثم قطعيه مثل الصورة بالقالب او بيدك مقروطات وسويها من الجانبين

ثم ديريهم في السنوى حبة حذا اختها باه ميخسروش في الشكل ومتنتفخش بزاف شوفو الصورة توضح اكثر

منقول

تكبير الصورة معاينة الأبعاد الأصلية.

ثم طيبيهم في كوشة سخونة من قبل يطهي من الاسفل ومن الفوق حتى يحمار شوية خرجيه من الفرن وخليه في السنوى سقيه بشوية عسل دافئ ومخفف بماء الزهر+ عطر البرتقال يباع في قارورة صغيرة الحجم 50 دج وخليه يشرب في السنوى ويتعسل مرة واحدة فقط وترفديهش حتى غدوة من ذاك ارفدي الحبة بسباتيلspatule او اي شيئ ايساعدك باه الحبة متتفتش في يدك وديريهم في ليكسات ثم في علبة وقدما يبقى قدما ايجيك اشباب ويقدم لظيوف و اذاشفتى انشف من العسل عسليه بعسل خفيف غير قدما يتلمع فقط لانه يتفتت في يدك خذاري

هذه المعلومة خاصة بالناس الي تحب تحتفظ بالمقروط

بالتوفيق للجميع وانشاء الله اجربوه ونتجحو معاه والصور منقولة لتنبيه فقط

مسعود رحاب · 2013-10-02, 11:38

الله يبارك باين بلي بنين بزاف
ربي يحفضك

أم إناس · 2013-10-02, 12:17

ماشاء الله ممتاز أنا نحب بزاف شكرا

فايزة1207 · 2013-10-02, 12:45

اللي يجي من عندك كله حلو عسل

طير الرحمة · 2013-10-02, 14:15

يعطييك الصحة اختى كتيييير كنت نبحث عن تفاصيل عمل المقروط دايما نعمله ويجى يابس ما نعرف علاااه يمكن فقط تقولي لي شحال
قياس الماء وماء الزهر يعنى كوب مثلا نتمى لك التوفيق فى حياتك

yarasmin26 · 2013-10-02, 14:18

اقتباس:

المشاركة الأصلية كتبت بواسطة طير الرحمة

يعطييك الصحة اختى كتيييير كنت نبحث عن تفاصيل عمل المقروط دايما نعمله ويجى يابس ما نعرف علاااه يمكن فقط تقولي لي شحال
قياس الماء وماء الزهر يعنى كوب مثلا نتمى لك التوفيق فى حياتك

ايه كوب مخلط ماء+ ماء الزهر وكي تفرغي رشي فقط الخليط متفرغيش الكمية كاملة