حالة حرجة

ام فروحة · 2015-03-22, 11:02

اللسلام عليكم ارجوا لكل ام تقرا موضوعي وتكون عندها فكرها ماتبخلنيش بيها لاني بامس الحاجة اليها بنتي من البارح وهي تتقيء حتى الان لم يبقى في معدتها اي شيء وذلك بسبب االاسنان هاذي اولى اسنان غادي تخرجهم عمرها 8 اشهر ارجوا لكل من تعرف ماهو الشيء النافع لها لاقوم بيه حاليا لاني لا استطيع ان اخذها للطبيب بسبب ظروف ارجا انا بانتظار الرد

ام فروحة · 2015-03-22, 11:22

انا في الانتظار الله يجازيكم راهي من البارح والاسهال فيها وكي نشربها الماء تتقياه خايفا تنشفلي من الماء

ميلار القدس · 2015-03-22, 13:48

شوفي اختي لعزيزة انا هكذا صراتللي مع ولدي حتي دخلتو للسبيطار قاتللي طبيببة راهو قريب ينشفلك دارولو السيروم واعطاتني الدوا المهم انت الا مق
دراش
تديها لطبيب اشريلها املاح اعادة التمييه راهم جد مهمين باه متنشفلكشي واعطيها قدما تقدري والا ماحيتش حتمسلها بالملعقة والا بالابرة وشرببها انا كنت نعمر الابرة ونفرغها في فمو وتاني لقيت اهنا وصفة نسست شكون مولاتها ان شا الله تكون في ميدان حسنتها نفعتني بزاف وهي انك ديري ما زهر ونشا وشوية عسل والا سكر وتخلظي مليح يكون مزيج سايل وتشربيها وحاولي تكتري من السوايل وان شا الله تلقاي نتيجة وبالشفا عليها

ام مريم الجزائرية · 2015-03-22, 13:57

اولا الى ماتقدريش على الطبيب اديها للسبيطار الى كان الامر مادي والى امر اخر ربي يسر
سميكتا تنشف الكرش ولا الروز ولا الجزر ولا وكليها الخضرة فيها بطاطا وزرودية والقيا كاين دومبيريدون مانعرفش حاجة طبيعية تحبسو ربي يشافيها شريلها الاملاح وشربيها تخافي تنشفلك

ام فروحة · 2015-03-22, 15:49

مشكورين خواتاتي راني وجدت هنا موضوع فيه عضوة قالت على الماء تاع الارز وانه لازم نحبسلها الحليب وصح كي شربتلها ماء الارز مارجعتاهش الحمد لله راني من البارح نشربها في الحليب وهي تتقياء فيه ودروك لحمد لله لمتقياتليش الله غالب في الصيدلية ملقيت جال لانه ساعد ولدي الاول بزاف هي راها يحكمها السطر من سنانها ادعولي برك ربي يشافيها ويبانوا هاذوا السنين لي عجبوا ببنتي

kikimnarim2 · 2015-03-23, 09:10

الى عندها السخانة اديها يشوفها طبيب احسن ممكن ماشي الاسنان والى هوما اعطيها تشرب بزاف مع الاملاح والدواء تاع القي شوفي compresses وامسحيلها بلايص التسنين حتى اربع مرات في اليوم بالسيروم باش تعاونيهم باش يخرجو والميكروب ما يروحش في كرشها ويعمل لها قي واسهال وربي يجيب الشفا

(( هبة الرحمن )) · 2015-03-23, 19:29

بما أنها تتقيا شوفي أنصحك بشراء sirop primperan
مهم جدا لأنك راح تشربيها قبل الأكل باش يُهيء المعدة وما تتقايش إن شاء الله
وبعدها غلي الأرز شربيها الماء نتاعه وزيدي وكليها منه
ابتعدي عن الحليب ليومين مادام عندها الإسهال
أنصحك بsirop الموز يباع عند الصيدلية مفيد جدا

بعيدة المنال · 2015-03-24, 13:12

ربي يشفيلك بنيتك ويعجل بتسنينها

hichamcameraman · 2015-03-24, 18:22

ربي يشفيلك بنيتك ويعجل بتسنينها
يارب امين

*سيرين نور عيني * · 2015-03-25, 10:20

salam hanouna dirilha lma ta3 rouz w habssilha lhlib
w tan dirilha gel assmou dolodent wla den pousse ynahilha star ta3 snan

rabi ychfiha

*عائشة* · 2015-03-25, 11:10

هذه اعراض تاع جداها مموش راح ينفع معاك الطبيب و الادوية لازم تديها للعجايز هوما اللي يدويوهالك خاصة اذا كانت عندهاla diare

ام فروحة · 2015-03-28, 20:47

حتى اليوم باه جات النت مشكورين خواتاتي ديت بنتي لطبيب لخطرش استعملت كل الوسائل ولكن ذكرلي الطبيب انه مشي سنان صاب عندها ميكروب في الامعاء وعطاني الدواء والحمد لله راها الان مليحة ورجعت كيماكانت تلعب وتزهي عليا الدار

(( هبة الرحمن )) · 2015-03-28, 21:32

الحمد لله على شفاء البنوتة
نصيحة مادام ميكروب
بدلي البيبرونة والسوسات
ومرة على مرة غليهم فالماء + ملعقة صغيرة بيكاربونات
إذا أعطاك مضادات حيوية ( أونتي بيوتيك )....حتى ولو البنت ريحت كمليهم لأن المضادات الحيوية لازم تمنح حسب المدة اللي حددها الطبيب وإلا الميكروب يبقى الداخل ويعاود يرجع ...
خرجي فراش البنت والماتلا والوسادة للشمس لأنها مفيدة جدا جدا وتقتل الميكروبات.
ربي يشفيها ويهنيك

*عاشق الحياة* · 2015-04-04, 21:22

يلزم تأخذيها او تأخذيه للطبيبة او الطبيب

لخطرش اذا تكمل هكذا راهي تجيها او تجيه الحمة

....