لكل من رد على مشكلة .. عاجلة ...

[مشكلتي]

السلام عليكم جميعا
بداية شكرا لردودكم و لا الوم نقدكم لي على العكس اتقبل بكل صدر رحب و ان دل يدل على خوفكم على اختكم و هذا ما كنت انشده فيكم ... بارك الله في الجتيع
فقط اريد ان اوضح : كنت متأكدة الجميع راح يقول وين اهلك من الموضوع
انا نعتبر روحي فتاة بلا اهل وجودهم عدم في حياتي
اهلي يقتلني فيهم عدم الاهتمام بعد وفاة والدي واحد ماعلابالو بالاخر دور الرجال معدوم ؟؟
انا قبل هذا تقدملي رجل طلبت انهم يسألو عليه تعرفو شكون سالو اقاربو كنت نقلهم اسالو مليح يقولولي موسوسة ؟؟
تخطبتلو و تم عقد شرعي و طول هاذيك المدة نقلهم اسالو عليه قلبي يقلي كاين حاجة واحد ما اهتم و الا قال راني راجل و هنا نتحرى على خطيب اختي
و الحمد الله وحدو منعني لانو فعلا ظهر احساسي صحيح اضطريت انا نسال لي يسوا و لي ما يسواش و تاكدنا انو ............... لا اقول الا نجاني ربي سبحانه من كارثة

هذا اللي خلاني نتصرف وحدي ... فعلا انا دون اهل
راح تقولو غلطة لا هذا طبعهم و اذا حكيت اكثر ماراحش نسكت المهم انو ما كانش راجل يخاف على اختو و الوالد الله يرحمو و انا ليا ربي و وحدو يكفيني

تآمنو اذا قلتلكم اني خبرتم بالحكاية و ما خبرتش اهلي لانو عندي ثقة فيكم اكثر منهم

المهم اانا استخرت الف مرة و تحريت طلعت صديقتي تعرف فاملتو غير سمعت تخلعت و صارت تقلي شكون عرفك عليه و هل هو علابالو و هو لي حاب يخطبك و الا لمرا لي قاتلك و هبطت عليا بــوابل من الاسئلة سألتها صراحة علاه قلقتي خبريني واش كاين صراحة ردت عليا بنبرة اخرى و قاتلي لا لا قلقت لا والو
قاتلي هو وليد عمي مي ما نروحوش لبعضانا قاتلي لي نعرفو انهم ناس ملاح خواتاتو و انتي اسالي مليح مليح
قلتلها علاه تخلعتي قوليلي اذا هو خاطب و الا متزوج قاتلي ماعندي حتى معلومة و هي لي عطاتني في الاول ادق المعلومات و كانت صحيحة فجأة تغيرت

انا بكل الحالات ما عندي ما ندير استخرت و الموضوع وقف هنا و انا راح نجبد روحي بشكل نهائي

لي حبيت نقولو ايضا ماشي كل فتاة عندها اهل يخافو عليها و يهمهم امرها بعد الوالد هي و حظها
الحمد الله لي عندنا رب كريم وحدو ما يتخالاش علينا و الحمد الله لي عرفتكم من خلال هذا المنتدى
و مرة اخرى جازاكم ربي كل خير و الله شحال من مرة لقيتكم و كنت سبب في حلول مشاكلي
ربي يرزق كل واحد ما يتمنى

ملاحظة كانت هاذي مشكلتي عاجلة

[* الحلم سكر *]

و عليكم السلام
اختي انا فعلا في مشكلتك الاولى ** عاجلة ** ما عجبتـنيـش التناقض و خاصة لما لمرا حكات معاه في الهاتف مع انها تقول صديق زوجها
المهم حاجة مليحة انك سألتي اما الفتاة اللي تخلعت و من بعد غيرت رد فعلها و الله ما فهمت بالاك و بالاك ؟
اما حكاية اهلك انا نقلك مادام ربي معاك ما تخافيش
موفقة--

[محمد جديدي التبسي]

وعليكم السلام ورحمة الله وبركاته
ربي يعوضك خير أختنا لابد من وجود صديقات مقربات منك إن لم يكن لابد أن تنشئ هذه الصداقات لعل وعسى تكون سببا في التناصح والتعارف مع بنات جنسك طبعا وربما تجدين رزقك من الزواج حينها ويبقى أملنا بالله والتفاؤل هو السبيل للخير ربي يفتح عليك ..

[نارينا]

انا بكل الحالات ما عندي ما ندير استخرت و الموضوع وقف هنا و انا راح نجبد روحي بشكل نهائي
هذا هو الكلام المنطقي الفتاة لم تشأ اخبارك عن الخاطب لانها ابنة عمه ويبدو انهم على خلاف وهي خائفة ان تمت الخطبة ان تقومي انت بالوشاية بها للخاطب على انها اخبرتك معلومات "معينة" عنه ,,,,وممكن هي خائفة من ان تخبرك شيئا الان وتصبح هي السبب في حصول مالايحمد عقباه وبالتالي تخلق حساسيات بين عائلتها وعائلة عمها ان علموا بالامر والله اعلم

[الفاتحة]

ربي يعوضك في المستقبل بعائلة خيرا من عائلتك ...استخيري الله واكثري الدعاء والاستغفار وصدقيني لن تاخذي الا ماكتبه الله لك .

[Napia]

ربي يوفقك للخير أختي

[محبة الشريعة]

الله يجيب الخير

[meryoma.arabica19]

ربي يعوضك ما خير إن شاء الله

[hodahodahoda]

يجب على المراة ان تسال جيدا عن الرجل كما يفعل الرجل
الخوف من عدم الزواج قد يدفع المراة لقبول برجل كارثة

[محمد...عبد النور]

السلام عليكم أختي الكريمة
وفقك الله لكل خير و سددك و رزقك الزوج الطيب الذي تقر عينك به
و الله حين شاورتينا .....ما كان لنا الا ان نقول ما نعرف من جهتنا اما من جهتك فلم نكن ندري بعض ما ذكرتِ هنا من ان اهلك عديمي الاحساس و الاهتمام
شكرا على كلماتك الطيبة و أسأل الله الذي لا اله الا هو الحليم الكريم الرحيم الوهاب أن يرزقك و جميع الاخوة و الاخوات ممن يبتغون الحلال الازواج و الذرية الطيبة عاجلا غير آجل .....انه بكل جميل كفيل و هو حسبنا و نعم الوكيل و صلٍّ اللهم و سلم على الحبيب المصطفى و على آله و صحبه أجمعين
ســـــــــــــــــــــــــــــلام

[lachiche]

السلام عليكم و رحمة الله
بما انوا قلب هرب منوا غير بطلي
أظن ان القلب لا يخطئ و العلم لله