مطلوع هايل

[مليديا 08]

مرحبا
حبيت تشاركوني هاج المطلوع الشباب
المقادير:
1كغ فرينة، 2 م ص ملح، 2 م ك سكر، 8 م ك زيت وخلطي ظيفيلهم 2 م ك خميرة وطميها بماء دافيء وتكون العجينة يابسة ماشي خفيفة وخليها ترتاح 5 د وعاودي كسريلها الطليع وعاودي العملية 3 خطرات ثم قرصيهم ويجوك 5 خبزات صغار.
حليهم رقاق وديريهم فوق الغربال ( فكرة الأخت amina-31) وخليهم يخمروا
أنا عندي الطاجين تع الغطاء وعندو سنيواة مثقوبة، أنا نشد السنيواة ونقلبها على وجهها ونرد الغطاء ونشعل الطابونة مليح.
بعد ماطلع نقلب الغربال فوق ورق الطبخ ونزلق الخبزة داخل الطاجين ونرد الغطاء ونخليها تتنفخ، بصح متغفلوش عليها تمتم تحمار ونقلبها.
كي تطيب نلويها في طرشونة ونديرها في كيس بلاستيكي.
ان شاء الله يعجبكم.
قبل ما يخمر

بعد ماخمر