مسمن او ملوي الميلفاي

أم فاطيمة · 2014-02-25, 08:30

اليوم جبتلكم مسمن جديد و يحمر لوجه و بمقادير موجودة في كل بيت نبدء على بركة الله
300غ فرينة زائد مغرف قهوة خميرة الخبز و مغرف سكر و ملح حسب الحاجة و نلم بالماء الدافئ حتى نتحصل على
عجينة طرية نقطعها على 10كورات صغار مثل لي في الصورة و نخليهم يرتاحو نصف ساعة
نحضر في صحن خليط يتكون من فنجان سمن ذايب و فنجان زيت و 4 مغارف كبار سميد رطب و 1خمارة القاطو

ندهن مكان العمل بشوي زيت و نحل الكورة رقيقة

و ندهن كامل الورقة بالخليط المحضر مسبقا مثل في الصورة

و نجمع الجوانب مثل المسمن العادي

حتى نتحصل على مربع صغير نتركة جانبا و ناخذ كرة اخرى و نحلها رقيقة و ندهنا بالخليط و اضع الحبة السابقة في الوسط و اجمع الجوانب بنفس الطريقة

اتحصل على هذا الشكل اترها جانبا حتى اكمل جميع الحبات لي عندي

و نحلها رقيقة

و اسخن الطاجين جيدا ثم نقص على نار خفيفة باش طيب من الداخل

و نحمرها من الجانبين مع التقليب

و هاهو جاهز

و شوف من الداخل يجي مورق

ملاحظة يقدري تحشي 3 حبات في بعضهم و تفرصي رقيق باش يجيك مورق و ما يتعجنش
و كل وحدة تدخل تدعيلي بالشفاء

enar · 2014-02-25, 08:37

بارك الله فيك على الوصفة و ان شاء الله راني نجربها و ننجح فيها كيما انتي الساجية هاهاهاهاهها

almazalina22 · 2014-02-25, 08:39

صبااااااااااااااااااااح الخير والله واش تساليني راني نشرب في تيزانة وخاصني غير هو ههههههههههه يعطيك الصحة بصح قوليلي العجينة فرينة برك بلا سميد وكي يبرد يبقى مليح لاني نحب ندير كمية مليحة منو وشكرا على الوصفة الله يعطيك ما تتمناي

omomnia15 · 2014-02-25, 08:42

الله الله عليك خرجلك روعة

دائمة الحمد · 2014-02-25, 08:43

صباح الخيرات ام فاطيمة وعدتي ووفيتي الف شكرعلى الوصفة

لكن مع الاسف ديما تطلعلي صورة وحدة في مواضيعك ما فهمتش السبب

أم فاطيمة · 2014-02-25, 08:47

اقتباس:

المشاركة الأصلية كتبت بواسطة enar

بارك الله فيك على الوصفة و ان شاء الله راني نجربها و ننجح فيها كيما انتي الساجية هاهاهاهاهها

شكرا حنونة على الكلام الزين انشاء الله تجربيها و تدعيلي

اقتباس:

المشاركة الأصلية كتبت بواسطة almazalina22

صبااااااااااااااااااااح الخير والله واش تساليني راني نشرب في تيزانة وخاصني غير هو ههههههههههه يعطيك الصحة بصح قوليلي العجينة فرينة برك بلا سميد وكي يبرد يبقى مليح لاني نحب ندير كمية مليحة منو وشكرا على الوصفة الله يعطيك ما تتمناي

المازة راهي غير الفرينة وحدها و كي تدهنيها بخليط السميد تحسبيها معجونة غير بالسميد و تقدري تكثري و ديري كل 2 في ساشي و مين تسحقيهم تجبديهم و ديكو نجليهم قبل و تسخنيهم في الطاجين تقولي هذا وين خدمتيهم

oum anas 69 · 2014-02-25, 08:47

يعطيك الصحة حبيبتي لكن تمنيت نشوف الصور للأسف ماظهروليش

x ام رحاب x · 2014-02-25, 08:48

يعطيك الصحة حبيبتي هايلين والله يشافيك ويعافيك ويرفع ضرك حبيبتي طهور انشاء الله

حسيبة2010 · 2014-02-25, 09:11

بارك الله فيك وربي يشافيك و يعافيك إن شاء الله

2014-02-25, 09:24

اممممممممم وصفة رائعة يعطيك الصحة

almazalina22 · 2014-02-25, 09:26

شكرا حبيبتي على التوضيح الى التطبيق وربي يشافيك ويعافيك انت وجميع المومنين يارب والصور راهي تبان من اول مرة ممكن المشكل عندكم ديرو تحديث بلاك يبانو او اخرجو وعاودو ادخلو موالفة تصرالي بصع ما تديروش عودة ادخلي من العنوان انشاء الله تستفادو بااااااااااااي وشكرا

soua3d · 2014-02-25, 09:26

الله يبارك وربي يخليلك هدوك اليدين و يفرحك آمييييييييييييييييين

بريق الامل& · 2014-02-25, 09:43

يعطيك الصحة ربي يشفيك

ام محمد78 · 2014-02-25, 09:46

رائعة يعطيك الصحةربي يشفيك شفاءا لا يغادر سقما

R I A D · 2014-02-25, 09:49

يعطيك الصحة ام فاطمة مسمن و عليه الكلام