مشكلتي شكلوا

[مشكلتي]

السلام عليكم
جيتكم اليوم نحكيلكم مشكلتي ان شاء الله تفهموني و تساعدوني اللي تقدروا معليش تلوموني تعاتبوني تنصحوني قابلة هذا ما نحوس منكم
كنت مخطوبة منذ عامين لكن كتب ربي ما تكملش على خير تفارقنا كنت نحبوا كنت نشوف كلش هايل الناس وا ش تهدر انتي خير في كلش مش من مستواك و زيد خاصة هوما على قد احوالهم و الناس تخمم بمنطق غالط لازم لازم لازم.......مي انا ماعلاباليش بيهم للعلم اللي كان خطيبي يكون منا و في الانفصال هوما السبب قالوا حنا احوالنا ما هناش و الطفلة تكبر ليه ليه و الناس ما ترحمش ما نحبوش نظلموها
فاتت مدة و ذرك حبوا يرجعوا خاصة كي تحسنت احوالهم انا قلت نسامح خاصة نعرف الظروف و معيشتهم و طريقة تفكيرهم مييييييييييي
مشكلتي انوا الشخص ما عادش قادرة نتقبلوا في شكلوا هو متمسك و متحمس و يدير غير باه يرضيني كي نخمم رايحة نعيش معاه العمر كل نخاف نقول نظلمو و نظلم روحي هاذي مش لعبة حياة علابالي ما رانيش كاملة الكمال لله و الا فائقة الجمال يقولوا الراجل ما يتعايبش حاولت نتخطى هاذ الافكار لكن ما قدرتش
قولولي كيفاه ندير واش نقولوا كيفاه نتصرف خاصة قبل كنت قابلة الحب مخليلي كلش مقبول

[yousra14]

هو صحيح أخلاق الرجل تغطّي على شكله غير المقبول ...
ولكن ما حدث معك من فسخ للخطبة ربّما فرصة حتى تري الأمور بنظرة مغايرة كما قلت .
مادمت نفسك لم ترتح له فلا ترغميها على القبول وارفضي وعوّضك الله بشخص ترتاحين له نفيسيّا وتواصلي معه حياتك .
سهلة جدّا الجواب هو لااااااااااوانتظري نصيبا آخر ولا تظلميه ولا يظلمك والسلام عليكم

[nour73]

اول شيئ ما تسمعيش أراء الناس ممكن والديك لانهم اكثر ناس يحبولك الخير متخليش اراء الناس تاثر عيك خليه قرارك انتي لانو مستقبلك و انتي لي راح تعيشي معاه وماهوش بالامر السهل باش يدبرو عليك و يقولولك بطلي و انتي كنتي رادية انا عن نفسي استخيري ماكانش احسن من صلاة الاستخارة و ربي يجيبليك لي فيها الخير

[نارينا]

صلي صلاة الاستخارة والله سيقرر مكانك ويوجهك للحل الصحيح قلتي ان الحب غطى على شكله غير المقبول والان تغيرت الامور وانكشفت لك حقيقة شكله فعلى ما اعتقد ان حبك له انتهى فلولاه لما تفطنتي لما ترينه انت مشكلا الان فكري جيدا فالنفور علامة غير مبشرة خاصة ان كان بعد الاستخارة

[ما وراء الطبيعة ؟؟؟؟]

يرورى أن عمر بن الخطاب رفض شابا تقدموا لإبنته بسبب شكلهم

فسأله الصحابة لماذا قال لهم لا تزوجوا بناتكم للرجل الذميم فهي تعجب كما يعجب الرجال

أختي توقفي من الآن أحسن أذا لم ترتح له نفسك وإلا وقعت في الخيانة مستقبلا لا قدر الله

[ابوبكر17.00]

السلام عليكم
نصيحتي لك صلاة الإستخارة
و كل شيئ بالمكتوووووووووووووب
أمّا عن الشكل أعتقد أنه لا يهم مقارنة بالأخلاق و الحلال

[oumhana]

لي شباب مراحش يدخلك للجنه هاذي رسمي و الذميم مخلقش روحو بيدو ربي لخلقو .شحال من واحد شباب و طبايعو خاسرين و زيد تقدري لا قدر الله تتزوجي واحد شباب و يمرض ولا تصرالو حاجه من عند ربي ويولي كما الذميم يعني باختصار الزين ما بنا دار و نا الصح الصح نضن عندك مشكل مأثر عليك مشي قضية الشكل برك و الله أعلم.

[أم شروفة]

لم أفهم اختي لماذا في الأول وافقتي على شكله.و الان تشترطين .وافقي و تزوجيه.أنا زوجي مش جميل وفي فترة الخطبة الكل كانو يقولون كيفاش تعيشي معاه وبعد زواجي راني نشوف فيه اجمل وأروع رجل في الكون.صدقيني شكل الرجل اخر شيئ ان كان طيب

[حورية38]

الجمال جمال الروح والخلاق واش تديري بواحد شباب والاخلاق 0000000000 ولا واش يظمنلك تديه شباب وربي يجيبلو حاجة ترجعو ما ينشافش برك علاش من لول قبلتي والان لقيتي سبة الشكل انا نظن من داخلك كاين سبب للرفض ربما الخوف ا ماكنتيش مقتانعة بيه كزوج وهنا الرفض احسن حل وربي يرزقك ما خير

[نورسين.داية]

السلام

المسألة التي تثير الحيرة كيف لم تري شكله في المرة الأولى ؟
و اليوم أثرتي الموضوع

نصيحتي حاجة ميش مقتنعة بيها لا داعي لظلم الغير .....
وفقكي الله أختي

[mariana1]

استخيري أستخيري ,أستخيري واللي فيه الخير يسهلو ربي

[مريم العدراء]

ما خاب من استشار وما ندم من استخار
عليك بالاستخارة اختي

[فانيسا]

خممي مليح وصلي استخارة و ربي ايسهلك

[كلمات مبعثرة]

كنتي تحبيه وماعلابالك بكلام الناس واليوم راكي تستنجدي بالناس لانه ماعجبكش شكلو

وددت لو فهمتك ولكن للاسف مافهمته من كلامك انك اصبحتي تحبين شخصا اخر فاتقي الله حتى انتي قلتيها لستي ملكة جمال والا سيعاقبك الله بمن سيرفضك لشكلك..
لوكنتي تعرفتي عليه الان وقلتي ماعجبنيش من حقك ترفضيه ادا ما ارتحتيلوش اما تصاحبيه عامين وتحبيه ويحبك ثم تقولي ماعجبنيش شكلوا شوفي مبرر اخر....ويااما انتي ضعيفة الشخصية تسمعي بزاف لكلام الناس حتى آمنتي بلي نتي خير منو ووليتي تشوفيه مشي في المستوى...

[hodahodahoda]

يمكنك الرفض باي سبب