تارت بالفواكه من مطبخي

سناء ك · 2013-03-21, 21:42

جبتلكم تارت بالفواكه خفيفة ولذيذة من مطبخي الي تعجبها الصورة تخبرني وتطلب مني الوصفة
العجينة: - 125غ زبدة - حبة بيض
- ربع خمارة
- 2 مغارف سكر كبار
- فرينة
نجمع كل المقادير مع بعض لما نجمعها لازم تكون مثل عجينة صابلي طرية . من بعد نفتحوها بالحلال وتديريها في صينية ودخليها في الفرن نطيبوها كي طيب نخرجوها ونحطوها بجيه,
الكاسترد أو لاكريم باتيسياغ:
5 صفار البيض + 6 مغارف سكر + 3 مغارف مايزينة + نص ليتر حليب + مغرف لافاني والليمون اختياري يتخلطو كامل فوق نار هادئة ونخلطو بلعقل حتى تثقال
الفواكه:
تفاح + موز+ فرولة ,,, نفرشو لاكريم طبقة الأولى ونفرشو عليها التفاح يكون مقطع لرقائق ونزيدو نغطوه بلاكريم ونفرشو الموز يكون مقطع رقائق هو تاني ونزيدو نغطو الموز بلاكريم ونزينوها بالفرولة أخر شي ,, ملاحظة من الأحسن الفواكه تكون طازجة ,, أخر شي نحطوها في الثلاجة لتبرد مدة ساعة وبالصحة ولهنا عليكم

ام ملاك. · 2013-03-21, 21:53

هايلة الله يبارك يعطيك الصحة
اعطيلنا الوصفة اسرعي

سناء ك · 2013-03-21, 21:57

يبارك فيك ان شاء الله كي نكون قاعدة نحطلكم الوصفة أسفة راني مشغولة شوية

الأمنيات · 2013-03-22, 09:34

يا اختي بلا ما تسالي حطي الوصفة واحنا نقرور راه كامل الوصفات مليحة فقط طريقة التجربه تختلف
شكراااااااااااااااااااا

سناء ك · 2013-03-23, 18:38

اقتباس:

المشاركة الأصلية كتبت بواسطة الأمنيات

يا اختي بلا ما تسالي حطي الوصفة واحنا نقرور راه كامل الوصفات مليحة فقط طريقة التجربه تختلف
شكراااااااااااااااااااا

أوكي أختي راني حطيت الوصفة وأتمنى أن تجربيها . فقط اردت ان اوضح شيء لما حطيت الصورة من غير وصفة لاني كتير مشغولة بأمور أخرى لكن مرة أخرى ان شاء الله كل صور حلوياتي يكونوا بالوصفات