السلام عليكم
*****
قالك واحد الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش شحال للكيلو"
*****
واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة
*****
قالك واحد جزائري لقى وحدة مصرية قالها واش مدايرا في حياتك
قالتلوا :انا بقرا في الكلية (باللهجة المصرية)
قالها :انا ثور في السوناطراك
*****
قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت
*****
قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟؟
*****
واحد معسكري إشترى سيارة وشيك و نزل على مدينة عنابة قام العنانبة بدهم يزبطوه ويسرقولو السيارة ‘ فقالولو انت اسمر تلبق تمتل في فلم الرسالة
وحطو حجرة كبيرة فوق بطنو وحملو السيارة والمصاري وطاروا
لما إجت الشرطة سألوه : مين عمل فيك هيك؟؟
قاللهم : هاذي أكيد جماعة ابو سفيان
*****
بيقولو الخلايلة والمعسكرية إلتقوا
وإتفقو يجمعو كل النكت إلي حكوها عنهم ويرموها بالبحر
لما رمو الكيس شو صار
طلع السمك ميت من الضحك
*****
كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي
*****
واحد يبيع لفطاير وكان كل يوم يفوت عليه واحد ويقولو: عندك 1000 فطيرة؟ يقولو:لا ودايمن يعاود نفس الشخص السؤال: عندك 1000 فطيرة؟ وفي نهار قال صاحب الدكان والله نوجدلو 1000 فطيرة ونربح من عندو. وغدوة جا الشخص وقال: عندك1000 فطيرة؟ قالو: نعم قال: والله وتبيعهم نعطيك واش تحب
*****
قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي
*****
قالك خطرة الرئيس مريكاني والفرنسي والجزائري كانوا في طائرة الرئيس المريكاني قالهم انا نعرف ورانا من خلال ناطحات السحاب - الفرنسي قال انا من خلال برج ايفل - الجزائري كان داير ساعة في يدوا خرجها من التاقة مين ردها ماصابهاج قالهم راني في الجزائر ( خونولو الساعة )
*****
قالك واحد لمعسكري راح للعسكر قالك في الليل قالوا شكون يطفي الضو و بداو يضربوا قالهم لمعسكري انا نطفي الضو وبدا يدير كرسي فوق كرسي حتى وصل لمبولا وبدا ينسف باش تطفى
*****
وحد العجوزة دخلوها تقرا في محو الأمية
المعلمة كانت تقري فيهم. ...دخل عمر الى القسم
و خرج عمر من القسم
لعشيا سقساها وليدها: يما واش قريتو اليوم
قاتلو يا وليدي عمر هذاك خلانا نقراو
نهار كامل وهو داخل خارج
*****
وحد معسكري راح لحنوت و حب يشري حليب. قال للبياع "أعطيني عصير بقر يا خو"
*****
واحد قروي شاف امو حامل قالها هدا شكون قالت خوك قالها وعلاش كليتيه
*****
قالك واحد يغير على مرتو بزاف شاف خطرة دبانة تدور فوق مرتو قالك قتلها هذيك الدبانة قاتلو مرتو وشبيك يراجل هذي غير ذبانة قالها...بلاك ذبون
ارجو ان تنال اعجابكم
أرجو تقيــــــ الموضوع ـــــــــــم
( تقرير عن مشاركة سيئة )، و الموجودة أسفل كل مشاركة .
2009-06-01, 13:52
نكــــــــــــــــــــــ ارجو تقيم الموضوع ـــــــــــــــــــــــــــــــت
العرض العادي
