حان الوقت للتنظيف الموسمي يلا نتبادل الافكار

ام نسمة · 2013-09-07, 14:40

مرحبا هذا ثاني موضوع لي هنا خلال هذا الشهر
المهم حباباتي رانا في اواخر الصيف وبدايات الخريف المخيف برعوده ورياحه وععععععععععع نخاف من الرعد نموت
المهم ككل ربة بيت نسعى ان نقوم بتنظيف المنزل تنظيفا عميقا لاستقبال الشتاء بكل اريحية
هدف الموضوع هو اولا التشجيع حتى نبدء بالعمل معا وثاني شي هي ان نقوم بعمل خطط لتسهيل المهمة وانجازها باقل وقت واقل تعب لان العمل المنظم والمخطط له مسبقا يوفر الكثير من الجهد والوقت لصاحبه
لذا هيا معا نعمل جدول تنظيف عميق للبيت وكل وحدة تقولنا بواش بدات ولا واش راها تفكر تعمل في هذا الموسم
**بالنسبة لي فصل الشتاء هو فصل النوم والاختباء داخل الفراش الدافئ خاصة وقت القيلولة لان التعب يكون قليل عندما يكون البيت قد خضع لتنظيف شامل وعميق يبقى نطيب ونسيق ونغسل المواعين و جرية الى الفراش لانعم بوقت رائع خصوصا عندما تتهاطل الامطار الهادئة واسمع وقع ضرباتها على سطح البيت او الارض واشم رائحة التراب المبلول بماء المطر
تعطيني راحة نفسية كبيرة لان البيت نظيف معطر واولاد في المدرسة يعني وحدي في البيت = الراحة والهدوء
عن نفسي الان في هاته اللحظات امامي دفتر اعمالي اليومية وقلمي لاهم بعمل خطة مناسبة حتى انظم نفسي وانظم البيت قبل حلول البرد القارص
واكيد عندما انتهي سأكتب لكم ما توصلت اليه وانتن ايضا ارجوكن اكتبو كل ماتنون عمله هنا حتى نستفيد من بعض
اول شي غدا الدخول المدرسي وهادي او ل نقطة يعني راح اعمل في هدو ءبعيدا عن ضوضاء الاطفال
والباقي ساكتبه الان ومن بعد نرجع

ام نسمة · 2013-09-07, 15:22

مرحبا
اتهيت الان من وضع نقط اساسية للبدء في انجاز البرنامج
وحددتها كا الاتي
****1-وضع دفتر غير او كارني خاص فقط بالمشتريات المنزلي والمصروف الشهري وان اواظب على مراجعته وتسجيل ما ينقص لاجل الشهر المقبل يدرج في قائمة المشتريات
******2-وضع قائمة العطعام الاسبوعية حتى يسهل عملية شراء القضيان للبيت وتعدل كل سبت ويوم السبت من القائمة هو يوم حر يعني حتى لذالك اليوم نقرر واش نطبخ
ولا تنسو قائمة الاحتياط لضيوف الغفلة لازم تعملو جرد للمجمد وتعمروه بلوازم ضيافة مفاجئة وكل فتر وفترة تستهلكي ماجمدتي واعيدي الكر حتى لا نطيل ابقاء المواد داخل المجمد في حالة عدم وجود اي ضيوف
****2-فرز الملابس صحيح ليس وقتها لكن بالطبع لن نستعملها كلها حتى موعد البرد على الاقل نخففو عملية الفرز النهائية
*****3-تنظيف المطبخ تنظيف عميق مع فرز الاواني
*****4-تنظيف الغرف تنظيف عميق اعطي لكل غرفة اليوم باكمله لتنال حقها من التنظيف الدقيق
*****5- بما انو اولادي هاد العام واحد التحضيري والاخر الروضة راح اعمل نظام بيت داخلي صارم حتى يتعلمو الانظباط والنظام والنظافة التامة
اغسل الافرشة التي تحتاج للتنظيف
وعندما انتهي من كل هاته الاعمال اعيد من جديد وضع جدول تنظيفي يومي سهل ومريح على الاساس الجديد اللي هو بيت جميل ونظيف معطر
وعلى فكرة راح حاول اشتري اكسسوار جديد للبيت حتى اكسر منظره الروتيني ولو بغرض بسيط يضفي اليه نوع من التجديد ولا تغفلو عن الالوان الحرارية خاصة اللون البرتقالي اللذي يحسن من المزاج خلال فصل الخريف
**************************ماذا عنكم انتم ***************************

ام نسمة · 2013-09-07, 15:23

ولا تنسو انه فصل عمل مربى الشتاء بشتى انواعها

سامية حكيم · 2013-09-07, 16:08

شكرا على طرح الموضوع انا عن نفسي بديت الاسبوع اللي فات نظفت غرفت البنات ترحيبا بالدخول المدرسي هههههه والمطبخ بالطبع لانو متعب جدا واستغليت فرصة وجود بنتي ربي يخليهالي عوانتني في التنظيف ومازال غرفة ابني والصالون وربي يعاونا كامل

بتول8 · 2013-09-07, 18:19

موضوع مشوق و محفز الف شكر ,,,
يا ريت حل لمدخل المنزل عند تساقط الامطار الطين تاع برا كامل تدخل و الطفزات تع الرجلين منحكيلكش درت كل الحلول نشافات ,طابيات دون جدوى

ام نسمة · 2013-09-07, 19:15

اقتباس:

المشاركة الأصلية كتبت بواسطة بتول8

موضوع مشوق و محفز الف شكر ,,,
يا ريت حل لمدخل المنزل عند تساقط الامطار الطين تاع برا كامل تدخل و الطفزات تع الرجلين منحكيلكش درت كل الحلول نشافات ,طابيات دون جدوى

لا شكر على واجب عزيزتي
عند الباب عليك وضع مناشف من الخيش في الخارج يعني الشكاير تاع الخيش يمسحو فيها رجليهم راهي حرشة وتحكم كامل الطين وزيد حطي البيغات تاع الدار عند الباب اللي يدخل ينحي صباطو ويلبس بليغة الدار تكون نقية وكي يعاود يخرج يلبس صباطو عند الباب
لازم تعوديهم على النظام

ليلى القسنطينية · 2013-09-07, 21:11

شكرا على الموضوع يعطيك الصحة
صح راهو وقت التنظيف الموسمي
ربي يعينا ان شاء الله

salamamal · 2013-09-07, 22:25

اقتباس:

المشاركة الأصلية كتبت بواسطة زهورالفل

مرحبا هذا ثاني موضوع لي هنا خلال هذا الشهر
المهم حباباتي رانا في اواخر الصيف وبدايات الخريف المخيف برعوده ورياحه وععععععععععع نخاف من الرعد نموت
المهم ككل ربة بيت نسعى ان نقوم بتنظيف المنزل تنظيفا عميقا لاستقبال الشتاء بكل اريحية
هدف الموضوع هو اولا التشجيع حتى نبدء بالعمل معا وثاني شي هي ان نقوم بعمل خطط لتسهيل المهمة وانجازها باقل وقت واقل تعب لان العمل المنظم والمخطط له مسبقا يوفر الكثير من الجهد والوقت لصاحبه
لذا هيا معا نعمل جدول تنظيف عميق للبيت وكل وحدة تقولنا بواش بدات ولا واش راها تفكر تعمل في هذا الموسم
**بالنسبة لي فصل الشتاء هو فصل النوم والاختباء داخل الفراش الدافئ خاصة وقت القيلولة لان التعب يكون قليل عندما يكون البيت قد خضع لتنظيف شامل وعميق يبقى نطيب ونسيق ونغسل المواعين و جرية الى الفراش لانعم بوقت رائع خصوصا عندما تتهاطل الامطار الهادئة واسمع وقع ضرباتها على سطح البيت او الارض واشم رائحة التراب المبلول بماء المطر
تعطيني راحة نفسية كبيرة لان البيت نظيف معطر واولاد في المدرسة يعني وحدي في البيت = الراحة والهدوء
عن نفسي الان في هاته اللحظات امامي دفتر اعمالي اليومية وقلمي لاهم بعمل خطة مناسبة حتى انظم نفسي وانظم البيت قبل حلول البرد القارص
واكيد عندما انتهي سأكتب لكم ما توصلت اليه وانتن ايضا ارجوكن اكتبو كل ماتنون عمله هنا حتى نستفيد من بعض
اول شي غدا الدخول المدرسي وهادي او ل نقطة يعني راح اعمل في هدو ءبعيدا عن ضوضاء الاطفال
والباقي ساكتبه الان ومن بعد نرجع

إنطلاقا من كلامك، نحن في ضيافة إمرأة منظمة، قوية، وتقوم بأعمالها انطلاقا من إستراتيجيات مسبقة،.. ربي يكتر من مثالك.

ام نسمة · 2013-09-07, 22:28

اقتباس:

المشاركة الأصلية كتبت بواسطة ليلى القسنطينية

شكرا على الموضوع يعطيك الصحة
صح راهو وقت التنظيف الموسمي
ربي يعينا ان شاء الله

امين ربي يعينا ويعينك ان شاء الله لكن نريد افكار يلا

ام نسمة · 2013-09-07, 22:31

اقتباس:

المشاركة الأصلية كتبت بواسطة salamamal

إنطلاقا من كلامك، نحن في ضيافة إمرأة منظمة، قوية، وتقوم بأعمالها انطلاقا من إستراتيجيات مسبقة،.. ربي يكتر من مثالك.

ههههههههههههههههههه راك عاسني سلام

salamamal · 2013-09-07, 23:18

اقتباس:

المشاركة الأصلية كتبت بواسطة زهورالفل

ههههههههههههههههههه راك عاسني سلام

نحن هنا واقفون

Meriemchawiya · 2013-09-08, 23:06

السلام عليكم انا من جيهتي غسلت ماعن البيبليوتاك و فرزتو و وجدت فراش الشتاء يعني غسلت البساطات الي استعملتهم في الصيف و مزال نجمل قش الصيف

رحمة من المولى · 2013-09-08, 23:11

الله يعااااااااااااااااااااونكم

anna glauben · 2013-09-08, 23:59

والله موضوع شيق يعطيك الصحة أختي
انا راني بيدت نخمم
و قلت لماما غدوانبدا في الميناج
لانو انا طفلة وحدة في الدار
و دوكا راني متتبعت ليك و نصائحك

ام نسمة · 2013-09-09, 12:41

اقتباس:

المشاركة الأصلية كتبت بواسطة meriemchawiya

السلام عليكم انا من جيهتي غسلت ماعن البيبليوتاك و فرزتو و وجدت فراش الشتاء يعني غسلت البساطات الي استعملتهم في الصيف و مزال نجمل قش الصيف

مرحبا ايه امالا راكي ناشط الله يبارك ...........ربي يعاونك

اقتباس:

المشاركة الأصلية كتبت بواسطة anna glauben

والله موضوع شيق يعطيك الصحة أختي
انا راني بيدت نخمم
و قلت لماما غدوانبدا في الميناج
لانو انا طفلة وحدة في الدار
و دوكا راني متتبعت ليك و نصائحك

ربي يعاونك حبيبتي ويخليلك ماماك ويخليك ليها انتي تاني .........ياريت جا عندي طفيلة ياريت