مشكلتي الوحش البشري

[مشكلتي]

السلام عليكم خاوتي

مشكلتي شوي صعيبة واسمحولي على الهدرة لي راح نقولها

لانها ماتدخلش في العقل مع انو دركا كلشي كاين

خصوصا اذا تعلق الامر باقرب الناس ليك وكان المحرم نتاعك

لانو هذي مخالفة لعادات والتقاليد ولكن انا ولله ماهي بيدي الحاجة هذي صرات بالعكس


المهم مشكلتي بدات كيما كنت في عمري 12 سنة (الان راني 22 سنة)

وقتها كان صيف ودارنا بعثوني انا وختي صغيرة لدار جدي باش نفوتو الصيف

وكنت ديما نحب نروح لدار جدي لاني كنت نرتاح وكان عندي خالي عزيز عليا بزاف وهو ثاني يحبني مي في الصيف هذاك ماعلاباليش وش بيه

رجع وحش بشري حيث انو كان يعاملني ماشي كيما بنت اختو لالا تقول صاحبتو اسمحولي في هاذ الهدرة وماتعتابروهاش وقاحة مي ولله هذا لي صرا كان يجي ويبقى يلمس في اجزاء من جسمي استغفر الله العظيم

ولله راني نكتب وانا مانيش حابة نتفكر هذوك الايام

حتى بدا بشوي بشوي يتغزل فيا ويقول كلام مايتوعبوش العقل البشري انا كنت صغيرة وكنت خايفة وكنت ديما ندير تيلفون لماما ونقولها راني حابة نرجع

وهو كان ساعات يدخل في ليل سكران ويدخل لوين راني راقدة ويقعد يمس فيا وحوايج مانقدرش نقولهم

حتى مرة قولتلو ماتزيدش دير معيا هكا قولتلو راني ماحبيتش نقول لماما ولا جدتي
قالي وعلاش وش راني ندير قولتلو انا مانيش صغيرة وهذي راهي حرام

المهم جات ماما وانا مخبية هذاك السر لحد الان ماقولتو لحتى واحد هذا وين راني نحكي فيه هنا


ودار جدي مارجعتش نروحلها رجع يجي لدارنا ويطارد فيا وانا نهرب منو ونبكي

وماحبيتش نقول لماما بيسك ماما تحب خالي هذا فوق الحدود وانا ماحبيتش نخلق مشاكل

ودركا راني كبرت وهو ماكانش مزوج تزوج عندو عامين

وانا بعدت على دار جدي حتى كرهتها في جرتو

والمشكلة دركا عندي بنت خالي واحد اخر لي هي بنت خوه

في عمرها 14 سنة راهي زوجت هاذ الوحش البشري راهي تقول بلي راني شوفتو بعيني راه يمس في بنت خوه وراهي تطلب في طلاق دركا

اكيد واحد ماصدقها ورجعو الناس كل تكرها وقالو بلي راهي تتبلى على راجل كيفاش يدير حاجة هذي في بنت خوه

لكن انا الوحيدة لي مصدقة الحكاية لاني كنت نحساب فيه تاب مي الضاهر لالا

وانا ساكتة وماقدرتش نهدر ونقول راهي تقول في الصح بيسك يديرها

وبنت خالي هذي نية شوي مانيش فاهمة كيفاش ننصحها خصوصا اني جامي حكيت معاها وهي على نيتها يعني ممكن تصعب الامور عليا

تعيشو قولولي وش ندير

وماما وجدتي ديما يقولولي سقسي على خالك مي هوما ماعلابالهومش وش دار فيا

وبقاتلي هذي عقدة في حياتي لدرك


انصحوني كيفاش ندير

[مراد سابقا7]

أولئك الصنف من الناس

لا ينفع معهم السكوت

كان من الفروض في اليوم ألأول الذي تحرش بك أن تخبري أهلك ليربيوه

كاينة ناس متفهمش غير القوة

أما الآن وقد أنتهت مشكلتك فلا دخل للك في مشاكل الآخرين

[khawlita.dz]

يا لطيف
عليك التحك على الفور واخبار على الاقل والدتك او اى شخص تثقين به
هى طفلة بريئة ويجب عليك حمايتها بانك تعرفين ااحقيقة ارى ان تتجهى لوالدتها وتخبريها بالحقييقة ربما لم تصدق زوجته لانها غريبة اما انت فابنه العائلة ولا اظنهم يكدبوبنك كما ان شهادة اثنتين من غير المعقول ان تكون ملفقة
ولا تحسى باى نوع من التردد هدا الشخص لا يستحق لقب انسان وبما انه يفعل هدا مع طفلات عائلته فما ادراكم ما يفعل بغيرهن خارجا
هدا الشخص لا يستحق اى رحمة او تساهل وتدكرى دائما بانها طفلة فلا تسمحى ان يحدث لها ولمثيلاتها ماحدث لك تصرفى بمسؤولية ولا تخافى من احد يجب ان يردعه و يفضحه احد لعله يتوب او على الاقل تفتح بقية العوائل الاعين على بناتها ولا يتركوهن فريسة له
الله يهدى الناس و يستر على ولايانا فى زومن اضحى القريب يفترسك قبل الغريب

[نورالهدى بيولوجيست]

لاحول ولا قوة الا بالله

[yousra14]

هذه فرصتك لإخبار أمّك بالحقيقة المرّة استغلّيها على الأقل يصدّقون تلك المسكينة وتمنع أخريات وأجرك على الله .
فكّري ماذا يسفعل سكوتك في ضحيايا أخريات ــ لاااا قدّر الله ــــ
حتى وإن لم يصدّقوك على الأقل لفتّي الانتباه وسيصبح تحت مجهر المجتمع تكلّمي فمشكلتنا السكوت عن المنكر .كان الله في عونك وحفظك من كلّ سوء .

[أم أماني أريج]

والله يا اخيتي موقف صعب لا تحسدين عليه
لكن مادمت تعرفين حقيقة ذلك المسمى خالك يجب أن تظهري الحقيقة للعيان فعلى الاقل هناك مسكينتان ستتأذيان بسكوتك وهذا السكوت سيكون له حتما ضحايا أخرى
كوني شجاعة وتوكلي على الله واحكي لأمك واحتسبي الأجر إن تعرضت لأي سوء
وبالتوفيق

[نارينا]

يا أختي عليك بتفادي هذه الوحوش البشرية والله لا سقسيتي عليه..... غير هو فالعالم قريبك؟؟ المهم حذار من الاقتراب من هكذا اشكال لا تخاف الله قاطعيه ولا تردي عليه حتى السلام ولا تظهري ذلك لافراد عائلتك ....وصراحة كان عليك التقرب من امك واخبارها بحقيقة هذا الوحش لتفادي وقوع ضحايا اخريات في قبضته وتتسرب الفضيحة لعائلتكم وينظر لكم بعدها الناس كأفراد سيئين ....كان الله في عونك اختي

[حورية38]

والله يا اخت حكايات ولينا نسمعو بيها عجب نظن كان تصارحي امك او اخت اكبر منك واعية على الاقل تحافظي علي بنت خالك وفي نفس الوقت كاين زوجة راهي نظلمت من عايلتك على خاطر ماكانش لي امنها وانت الوحيدة القادرة على اثبات صحة كلامها واهدري مع بنت خالك من جهة توعيها ومن جهة تتعاونو باش تفضحوه هدا راه تمادى على خاطر ما كانش لي وقف قدامو كانو امهاتنا يقولونا الخال في مقام الوالدهو لي يوقف في كتافك نهار يظلمك الغريب حتى ولا الخال //لما يستهالش هاد الكلمة// هو لي ينتهك الحرمات حسبي الله ونعم الوكيل وربي يحميك ويحمي كامل البنات

[رَكان]

طلبت الرأي ؟؟؟
إليكِه...
توقفي عن الصمت ...فإن الصمت مسؤول عن..تسجيل مزيد من الأسماء على قائمة ضحايا من تخلوا عن بشريتهم ..لأجل رغباتهم الحيوانية ..
إحذري فقد يكون صمتك أنت بالذات ...مطية لجريمة قد تقع يوما ما ...جريمة أشد فضاعة مما ذكرتِ...أتمنى أنك فهمت ما قصدته...

[وصال سلام]

حسبي ا لله ونعم الوكيل في كل واحد تجرا يعمل المحرمات مع بنات المحارم

لا حول ولا قوة الا بالله

ربي يفرج عليك خيتو وربي يكون في عونك لازم يتحطلو حد هاذ الحيوان

[مياسم الصمت]

أنظري اختي الكريمة

الساكت عن الحق شيطان أخرس

وانت مسؤولة أما الله اولا ومسؤولة امام اهلك

وسيسألك الله يوم القيامة عن هذه المسؤولية

فلا تكوني كمن يقول نفسي وبعدي الطوفان

الطوفان قد يجرف الكثيرات

فمثل هكذا............
لن أسميه انسان فالانسانية تتبرأ من هكذا فظاعة
هذا النوع لا ينثني
لا يهمه ان يرتكب المحرمات حتى مع المحارم
أستغفر الله ولا حول ولا قوة الا بالله

وحتى امك وقبلها جدتك ستتبرآن من هكذا ابن او أخ ليس فقط تخسرانه
ولن تكونا نادمتين على ذلك أبدا

أنت تخافين من الفضيحة امامهم هؤلاء أهلك أخيتي سترك

تخلصي من خوفك وتحملي مسؤليتك امام الله تحاسبين عليها يوم القيامة

تخلصي من خوفك قبل تزايد ضحايا هذا المنحل فمثله ليس لا يرتدع قد يتمادى الى الاسوء والأسوء

عندها ستتحملين معه وزر سكوتك وخنوعك

تخلصي من خوفك أخيتي

الله معك

أستغفر الله ولا حول ولا قوة الا بالله

يا رب الطف بنا ولا تفتنا

[fidele04]

السكوت ماشي مليح على بيها البلاد خلات كل واحد يدير حاجة ماشي مليحة و نسكتو و نقولو المهم تخطى راسي حتى شوفي وين صبحنا الرشوة التحرش الكدب و و و و و و و و

[عميروش الحر]

هدا الشخص ليس خالك ولا تقربك به اي صلة وهو ليس اخا لوالدتك افضحيه ولا تستحي

[الأزرق الملكي]

لم يعد شيء غريب في دنيا هناك من يفعلها من ابنته وهناك مع اخته العياذ بالله
هذا كله بسبب الجهل و صغر العقول وبالنسبة لي ناس مراض
هذا ليس سر كما تضنين هذا حرام ولايجب اخفائه .
اذا كنت تخفين عن والديك فأنت تشلركينه في هذا ..كان عليك اخبار والديك من أول يوم لاشيء يستدعي التأجيل
النصيحة أخبري ولديك لأنهما الوحيدين لي يشوفو مصلحة تاعك

[oumhana]

صباح الخير على الجميع : أختي حذاري أن تتكتمي على موضوع كما هذا قولي الحقيقة ليماك وإذا تحتم الأمر وسمع باباك متخفيش خاطر إذا متكلمتيش هذا الوحش راح يزيد إيدير أكثر و يظلم بنات أخرينـ إذا بصمتك راح تشاركيه في الجريمه .تحدايه واهدري اشهدي بلي زوجتو قالت الحق مدام انت ضحيه وعلابالك بلي مراهيش تكذبـ على كل حال أشهدي فالدنيا خير من الآخره سقسي على لي يكتم الشهادة واش هو عقابو مع ربي أنقذي ما يمكن إنقاذه و حتى ولا يماك داها نيف مع خوها قولي واشهدي الله انك بلّغتي و الله الموفق و حسبنا الله و نعم الوكيل.