ساعدوني في حملي

[monamimi]

السلام عليكم انا الان بالشهر الثامن فهل استطيع شرب التيزانة او النعناع او زيت الزيتون او العسل و التمر لاسهال الولاة ام لا ؟
و اذا كانت ليكم خبرة قولولي وش نديرلجعل البيبي ياخذ الوضعية الصحيحة للولاة لانو سمانة اللي فاتت رحت لطبيبة و قاتلي الطفلة راهي مقلبة رجليها لتحت و راسها الفوق و الله راني خايفة و مانيش عارفة وش ندير

[Maria dadi]

سلام
حبيبتي ماتتقلقي ما والو راهي كي يوصل الوقت تعدل روحها وحدها لكن عن تجربة امشي كثيرا وإذا استطعت اذهبي الى الحمام
وشربي حليب دافىء بالشوكولا راهو يساعدك في حل الولادة لكن ابتداءا من الشهر التاسع ومولي التمر عادي راهو مليح
امشي فقط تلقايها عدلت روحها ورب يتملك على خير

[أم مبين]

شوفي حبيبتي كي يقرب موعد الولادة راها الرضيع يتسقم وحده وننصحك بالمشي راه مفيد لدرجة لا تتصور وكدلك الحمام الدافي ونعطيك وصفة جربيها ورايحة تدعيلي لما تحسي بوجع الولادة لكن لازم يكون وجع الزيادة حكمي شوية زيت خروع مع شوية عسل حر وشربيهم راه الطفل يخرج بلا ما تحسي بألم الفضيع انا جربتها والله لكانت زيادتي ساهلة ما حسيتش كامل

[nihale89]

ما تخافيش حنونة في اخر لحظة للولادة قادر يتقلب زاف صرالهم هكا
اما لتعدبل الوضعية عليك بالسجووووود

[monamimi]

يعطيكم الصحة تعيشوا على ردودكم ان شاء الله ربي يسهلي

[ساندريلا]

ربي يسهلك اختي اكثري من المشي و اكل التمر لانه مفيد جدا لانقاص الام الولادة و جاء ذكره في القرآن الكريم
اما التيزانة فما زال وقتها حتى تدخلي الشهر التاسع اشربيها فهي تساعد على فتح الرحم

[عاشقة النبراس]

شوفي يا اختي الزيت زيتون انا من الشهر الخامس بديت نشربه وندهن بيه بطني راهو مليح وما عليك والو والتمر من الشهر الأول كل يوم ناكل 07 حبات في الصباح واحيانا ناكل 07 في المساء ننصحك نصيحة صغيرة نصحتهالي وحدة وطبقتها كي حكمني الوجع باه نولد رحت دوشت دوش ساخن شوية رغم انها ولادتي الأولى وما كنتش قادرة حتى نوقف على رجلي وبعد الدوش نشفت مليح ودهن منطقة أيفل الظهر عند وين يحكم الوجع نتاع الولادة بزيت الحبة السوداء وشربت فنجال عسل تصوري كرحت للمستشفى مباشرة قالت لي الطبيبة الكول راه محلول 04 دوا نصف ساعة وولدت ولله الحمد والمنة وشفت نساء عندهم 04 ايام باقين في المشفى انا ما مشيتش ياسر في الشهر الثامن لأنو يقولوة بلي شهر خطير شوي والطبيبة نصحتني ما نمشيش فيه ياسر بصح في التاسع درت راييي ميناج وقاطو وغسيل فراش ومشي يوميا يوميا لأكثر من الساعة ... وربي يفرحك

[nouha nounous]

ربي يسهلك و يسهل لجميع الحوامل امين يا رب

[ايمان2009]

كثري من الصلاة يا اختي البيبي يدي الوضعية الصحيحة اما المشي والتيزانة خليهم كي تدخلي شهرك لانه ضرك مازال عليك الحال تخافي تزيدي في الثامن

[أمآآآآني البنفسج]

لا تقلقي أختاه سيأخذ البيبي وضيعيته تلقائيا

أما لتيسير الولادة فعند دخول شهرك التاسع

أكثري من الحمام و المشي الطويل و اشربي زيت الزيتون

و كذلك الدقلة مليحة بزاف للتيسير

و ربي يسلك أمورك أختي ... ماتخافي ماوالوا ربي رايح ييسر من عنده

[أم أحمد عبد الصمد]

ربي يسهل لك الولادة ، خلي حتى الشهر التاسع واشربي زيت الزيتون و أكثري من تناول التمر

[شرشورة2]

الله يسلكك حنونة مين تدخلي شهرك شربي زيت الزيتون و ربي مافيه غير الخير

[jana jiji]

ربي يسهلك اختي بالنسبة للبيبي تقدري تروحي للعجوز للداوي دواء العرب كيما نقولو تسويهولك اما بانسبة لتسهيل الولادة كي تكوني فا الشهر التاسع تقدري تشربي تزانة نتاع بصلة حشاك تطبخي البصلة فالماء وتشربي المغلى نتاعها لان البصلة فيها مادة لزجة وربي يسهلك