**حلوة السيقار الاقتصادية لضيوف الغفلة روووووعة**

faizarbh · 2014-01-23, 11:35

السلام عليكم
أخواتي الكرام ليوم جبتلكم هاد الوصفة التقليدية كحل ايلا جاوك الضايف راهي تسهل عليك و راهي اقتصادية و بزاف لذيذة

بسم الله

المقادير:
2 حبات بيض
نصف كأس زيت
4 ملاعق كبار سكر
فانيليا
مبشور قشور الليمون
1 كيس خميرة حلوة
فرينة

طريقة التحضير:

نخلط البيض مع السكر و مبشور الليمون ثم نضيف الزيت و نخلط

ثم نضيف الفانيلا و الخميرة و الفرينة حتى تتلم العجينة و تصبح طرية .
(ما تكون يابسة ما تكون طرية بزاف )

نشكل أصابع من العجينة و نقليهم في زيت مسخن مسبقا
على نار متوسطة

بعدما يحمر لونهم ننزعهم و مباشرة نضعهم في صحن و نفرغ عليهم عسل بارد بواسطة ملعقة و لا نكثر العسل لانهم سريعي الشرب راح يتشربو و يدخلهم العسل بسرعة.

و ممكن بدل العسل نرش عليهم سكر رطب ( سكر قلاص).

و يقدم
بالصحة و الهناء

شكرا لكل متتبع و أرجو دعوة خير أخواتي

إلى اللقاء