قاطو ساهل بنواد كوكو والشكلاطة والذوق خيالي

[Simassim]

السلام عليكم ورحمة الله صح رمضانكم
اول مرة نكتب موضوع في المنتى كنت نتابع من وراء الكواليس فقط
واليوم جبت لكم قاطو هايل ساهل من نهار لي دقته ولى عندي ادمان عليه ههههه

يخرج هايل ويعطي كمية مليحة وزيد ساااااااااااااااهل
ذوق شكلاطة و نوا كوكر والليمون امممممممممممممممم
المقادير
250 غ فرينة
300 غ سكر
125 نوا كوكو
4 مغارف صغار كاكاو
1لفاني او زست ليمون او برتقال او ممكن تخلطيهم
1 خمارة حلوى
خلطي كلش مليح أنا استخدمت روبو
ثم ضيفيلهم
250 غ زبدة دائبة
3 بيضات طلعيهم بالفوي

خلطي الكل حطيه في بلا تاع الكوشة أنا درت نصف المقادير دارتلي بلا تاع 23x30 cm منحبهاش غليظة بزاف
طيبي ها في كوشة 180 تأكدي بالسكين ادا طابت او مزال
وجدي مربى وعصير نصف ليمونة خليهم يغلو شوية وكي تخرجي القاطو وزعيه عله وخليه يشرب
ذوبي شكلاطة وحطيها فوقها وخليها تبرد وزوقيها بالشكلاطة بيضاء او نواد كوكو قطعيها مربعات
وشهية طيبة ان شاء الله تجريبها وأعجبك
تقدري تحيطها في مول سيل يكون يجيو حبات صغار ظراف والتزين يكون أحسن
ملاحظة اخيرة كلما قعدت الذوق تاعها يكون أحسن
أنان حضرها واللي يبقى ونخدم بها تيراميسو يجي روعة خير من القاطو ناشف

الصور مازال ماتحملتش كلها ان شاء الله تضيفها


هادا الشكل تاعه مازال منشفتش الشكلاطة وهنا درتها في مول ميني كابكايك


الصور هبلتني وماطلعتش هادي صورة من العم غوغل