مواقف من ايمات القراية

[Nour Al Hayat]

السلام عليكم الموضوع باين من عنوانو كل واحد يحكينا على موقف مضحك او محرج صرالو ايمات القرايا وراح نبدا بروحي الاولى
مرة وقت الاضراب والمتوسطة كامل مضربة غير قسمي انا علاكش القسم الي نقرى فيه ديما منحوس والنهار دخلت للقسم وقالولي بلي الاساتذة الكل مضربين فرحت وبديت نعيط ونغني في القسم والكل فارحين وقبل مانخرجو جات المراقبة وقالتلنا بلي كاين زوج سوايع فرنسي مع انو هاداك النهار مانقروش فرنسي زعفت وقلتلهم راني رايحة واذا ساقست عليا تاع الفرنسي قولولها ماعلابالهاش بلي رانا نقراو جيت باش نروح اومبعد قلت والله مانخلي البنات وحدهم واليتلهم واقنعتهم باساليبي الجهنمية الخاصة انهم يروحو ونخلو تاع الفرنسي تقري الكراسة الفارغين خرجتهم كامل البنات والولاد حنى خارجين حكمنا العساس ووماحبش يحلنا الباب الولاد دبرت عليهم وقلتلهم صوتو من الحيط تاع الصتاد وراحو وحنا معرافناش واش نديرو اومبعد تفكرت الباب تاع دار المقتصد صوتينا من فم المزية الحيط كان مكسر شوية وخرجنا منو المهم جات تاع الفرنسي وما لقاتناش طلعتلها الاطونسيون وقررت تنقصنا كامل خمسة نقاط في التقويم وتديرنا كامل استدعاء ولي الامر ورحت لليكول من غدوة سمعت بواش راح ادرينا تاع الفرنسي ديسيديت انلسق الحكاية في المراقبة تاعنا الجايحة وهذا بعد اخذ اراء البنات والولاد وبعد مشاورات ومناقشات طويلة وحطينا الوم كامل على المراقبة وقلنا بلي هي ماجاتناش للكلاسة ورانا خرجنا مع الكلاسات الاخرين الي راحو والمراقبة زادت كرهتنا اكثر من قبل ولت تتزكرنا على اي حاجة مي المهم منعنا من تاع الفرنسي ومشاكلها
راني نسنى في مشاركتكم