ساعدوني بخبرتكن

~~asala2~~ · 2014-02-11, 14:57

السلام عليكم انا البارح جربت رولي تع الاستاذة mounie dz
مدرتش ورق الزبدة لانو مش متوفر في المحلات عادي درت زبدة وفرينة وملسقش الحمد لله بصح خليتو طاب حتى ولى احمر مقدرتش نروليه الحقيقة كليناه بلا تزيين لانو رائع https://www.djelfa.info/vb/showthread.php?t=1180458
هاهو الرابط حبيت اليوم نعاودو بصح راني خايفة لانو انا لما نفشل في حاجة خلاص نكرهها بصح هدا قلت نحاول حتى نجيبو حبيت نسقسيكم سيداتي كينجي نلفو فوق السارفيات المشمخة ندخلها هي بين الطبقات ولا نعاون بيها الدورة برك
2/ عندي مول كيك هداك الطويل حبيت ندير فيه مسكوتشو فاني كافي تع ninafret في بلاصة المول المدور العادي نسقسيكم اذا يصلح عاديعني يجي طويل
3/ حبيت نجرب الميرانغ تع ام اماني ولكن عندي مشكل انو الفرن عندنا ميزيد مينقص للحرارة يطيب مليح بصح منتحكموش في حرارتو
قلت مدام الميرانغ لازم ليها حرارة خفيفة باش تطيب من الداخل ومتبقاش مايهة هل الفرن عائق امام ميرانغ ام اماني? اللي تطيب شوية على حمام مائي لوكان ندخلها للفرن وهو بارد ومن بعد نولي نشغلو باش ميكونش سخون عليها يعني منسخنوش من قبل
هاهو رابط رولي اخر فيه نفس حجم البلاطو اللي استعملتو للرولي ونفسو اللي داراتو mounie dz هل الكمية تع الخليط ميناسبهاش البلاطو علما انها جات شكل ةاحد وذهبية من الفوق وهل كينجي نروليها نقلبها اي الوجه تاعها يولي التحت وا عادي كيما راهي او الخلل الوحيد هو اني طيبتها اكثر من اللازم
دمتن ذخرا لنا جعلكن لله من سيدات الجنة وجمعنا في الفردوس شكرا لكن امهاتنا الفاضلات*** الرابط في الاسفل اتمنى ان تقارنن بين الروليين وتجبنني**

https://www.djelfa.info/vb/showthread.php?t=884854

wafa1208 · 2014-02-11, 15:53

اختي نجاوبك على السؤال الأول حسب معرفتي انا كي ندير بسكوي رولي و هو سخون و تجي داخلة فيم المنشفة و كي يبرد نحلو و نزينو بلاكيم باتيسيار ولا كيما تحبي كي تحليه يبقا حاكم لافورم كيما كان ملوي ان شاء الله نكون افدتك وتنجحي فيها

touta2010 · 2014-02-11, 16:06

ااختي الرولي عاوديه ان شاء الله يصلحلك السارفيات كل ما تلوي نحيها وكملي متلوهاش مع الرولي

المورانغ يحب فور نااااااااااااقص
اما المسكوتشو مشفتش تاع الاخت نينافرات سمحيلي منقدرش نجاوبك

~~asala2~~ · 2014-02-11, 17:47

شكراااااااااااااااااا يا اروع السيدات

ام سراج وملاك · 2014-02-12, 14:08

اختي انا نروليه بلا طرشونة كي نخرجو نخليه 10دقائق ونروليه ونكون موجدة واش حابة ندير فيه يعني مع تروليه ازربي حليه وديري كرام شونتي او معجون لي تحبيه وعاودي اغلقيه وديريه في ثلاجة يحكم روحو وكملي الديكور من فوق بصح في طياب متخليهش يطيب بزاف باش ميبسلكش عاودي متخافيش حتان يصلحلك انشاء الله

ام سراج وملاك · 2014-02-12, 14:09

اذا حبيتي نكتبلك المقادير نتاعي ساهلة وبسيطة

~~asala2~~ · 2014-02-13, 12:03

شكككككككككككرا ليك اخي اذا في الامكان المقادير معليش اكتبهالي