مستلزمات المولود

[طموح1948]

السلام عليكم
ارجو من الامهات االمساعدة
انا قريبا ان شاء الله اصبح ام لهذا اريد هستلزمات المولود والمستلزمات التي احتاجها
ان شاء الله يزق كل محرومة

[monamimi]

مبروك عليك انا ايضا حامل و هدا اول حمل ليا راني في الشهر السابع و بديت نشري في حوايج بنتي
شريت 3 تريكو و 3 قرونيار و 2 تريكو تع اللحم و 2 براسيار
و تقاشر و صباط و 2 بونيات و 2 سليب و زورة و درا خشين تاع coutton
و طبعا سرير و porte bébé,,,,,,,,,,,,,,,
بلاما ننسا cosmétique شريت الصابون شومبوان الريحة البودر الزيت coton tige ,,,,, من ماركة جونسون
و مازال حوايج ناقصين كي نخرج نزيد نشريهم ان شاء الله

[نهى اسطاوالي]

انا شريت 3 قرونيو وشريت 3 تريكوات تبو وشريت 3 تريكوات بيديهم وواحد كروازي وردي طبعا كلش وردي ههه من السخفة تاع البنات وشريت 2 سراول تاع قطن و 2 بونيات و كاسة وبافات و جوارب مع حذاء خفيف وشريت رضاعة للحشاوش ههههه وشريت صابون خاص بالرضع وشريت جونسون ريحة وحليب وزيت وشريت سوسات بصح القبيحة نتاعي ماحبتش تحكمها باينة واعرة ههههه وشريت ايضا حقيبة كبيرة مع اخرى صغيرة اما السرير فعندي واحد اشتريته لابني الاول وهو جديد والشيء نفسه بالنسة للكونغورو والبورت بيبي اه نسيت شريتلها ايضا بانيو صغير للحمام مع مشط وفوطة كبيرة واخرى صغيرة ولي كوش مولفيكس مع ليلانجات و كوفيرطة وخدمتلي امي براسيار تاع صوف هايل بالشابو
وجدتلها زريعة البسباس والكمون والكروية وحبة حلاوة لازم ههه فادوها روووووووووعة على فكرة بنتي الان عندها 3 اشهر

[نهى اسطاوالي]

وفي العقيقة شريتلها روبة شااااابة مع ليبا فيهم تشرشيف ربي يحفظهالي ويحفظلكم اولادكم يااااااااااارب

[sarfai]

wana èandkhol fe chaheri raba3 mazel mawdjedte walo rani èaira cha nechri ma3raftech mnine nbda surtt raièa nzied enchalah fe saif wa7da sabeti gateli beli malazemche nkater pcq bébé tem tem yekber wessateni bech nechri 3 tbdilate bark rabi ya3tikom waçfa zina wyslkom 3la khir weli 3andha rabi ykhalihomleha weli rahi metmniethom rabi yefra7ha nchallah golo amiiiiiiiiiiiiiine

[rosa sd]

السلام عليكم
في الأول اشتري الا الضروريات واستناي الهدايا ومن بعد شوفي واش خصك اشتري كل حاجة في وقتها احسن لخاطر معلابلكش حجم الطفلة كي تزيد على خير وانت ربي يعطيك وقفة ساهلة ان شاء الله,وكيف يكون نموها بلاك تكبر بالخف والملابس يولو مايجوهاش(اذا اتركي مبلغ من المال على جنب من اجل مستلزمات الطفلة عندما تحتاجي شيء ابعثي من تثقي بذوقه ليشتري لك ماتحتاجه الطفلة)
ربي ان شاء الله يسهلك الولادة ويرزقك بنوتة صالحة يارب

[ساندريلا]

الاخت نهى اسطاوالي تروسو تاعها راه كاااااااامل ماعنه ما يخصك اختي انا شريت نفس الاشياء و العدد تقريبا لكن في الازرق
لكن بخصوص الصابون انا استعملت لابني صابون حجرة و كريم ديكسيريل و الحمد لله عمره 14 شهر و لا مرة تحسس او تهرا لحمو
ربي يعطيك و قفة ساهلة انشاء الله

[nouha nounous]

انا تني حايرة نشاالله ربي يسهللنا يا رب

[ليلك الروح]

ربىيكمل لكل وحدة انا .........رانى فىالشهر السادس عندى ولد ان شاء الله يما قاتلى ما توجدى والو حبت هى تديرلى كلش بصح شريت 2 تروسو لى يلبسهم كى يزيد فيهم كلش حتى حزام تاع السرة و لحيف لى تخرجيه بيه تاع قطن ويخرجو ارخص من تشرى كل قطعة وحدها وشريت كوسميتيك جونسن كوفرى وتقاشر وصباط ومازال نزيد نقص حوايج

[منهاج]

السلام عليكم

مبرووك عليكم وانشاء الله ربي يسهللكم ويجيبلكم سويعة ساهلة وعقوبة لي مازالو

نصيحة ما تكثروش ن قش المولود الصغير لانو كلشي يجيبوهولكم كادو شفتها في ولد خويا كلشي جابوه وبالزيادة

خاصة اذا كان المولود اول مر ة

مبروك