مُعدل 17 .. هل أستَطيع ؟

[اميرة قلبي]

السلام عليكم و رحمة الله تعالى و بركآته
وآش راكم ؟
أممم اتخذت هدف الفصل الاول بعد المعدل الكآرثي 13,45 ... و قررت أني نجيب 17

المهم بزآف أساتذة سقساوني على أهدافي القريبة الأجل و قلتلهم معدل 17 قالولي ما تبقايش تجري مورا النقطة . و لكن انا الهدف هذا مصممة نوصلو و عارفة باللي نوصلو .

حبيت نسقسيكم اعطوني النقط اللي لازم نجيبهم بالتفصيل في كل المواد باش نجيب 17

علماً أنو جبت ف الفيزياء 12,5 و العلوم 18,5

أمم مجرد لفتة منكم و كلمة طيبة تخليني نشق الطريق للهدف نتاعي .
شكراً .

[Wissam li]

ربي يوفقك اختي و ان شاء الله تحقي لي في بالك

[لينة الصغيرة]

أهلاااااااا أختي

هذي غيبة ... واش راكي ؟

هل وصلتكي رسائلي ؟

[اميرة قلبي]

ان شاء الله يارب دعواتك Wissem :
°°°°

لينة ، نعم وصلتني و لكن تعرفي باللي ما نقدرش نرد لحد الان

خصني قائمة النقاط :'(

[max8]

17 معدل قليل تقدري تديه بكل سهولة
كون ترقدي و ما تقرايش كامل تقدري تديه
إذا بغيتي تتعبي تدي 18

باختصار يمكنك الحصول على 17 أو أكثر بقوة إرادتك

[nacera1962]

السلام عليكم اختي اولا معدل 17 ليس بالحلم الصعب المنال لكنه يعتبر ثمرة جهد و عمل : لاكزي على المواد العلمية لان معاملها اكبر قومي بحل قدر كافيمن التمارين لا تيأسي بل تذكري دائما حلاوة النجاح .
وفقك الله

[جيهان عاشقة الفيزياء]

ان شاء الله تديه
اخي ماكس ممكن سؤال واسفة على التطفل

[لينة الصغيرة]

أولااا و كرد عن موضووعك ... طبعا تستطيعين الحصوول على معدل 17 إبذن الله
فقط اجتهدي و ثابري و ستنالين كل ماا تتمنينه
ثانيا : أشكرك عما فعلته معي ... جا المشروع يهبل..جزاك الله خيرا
ثالثا: أحتاج مساعدتك في مشروع الفرنسية طبعا إذا حبيتي
تقريبا كيما الإنجليزية .. قالتنا الأستاذة ديروه على شكل حصة تلفزيونية و يتحدث عن الأنترنت pour et contre l'internet يعني يليق يكون argumentatif
مثال أنا مقدمة البرنامج و نضيف 7 و نسألهم : هل أنت مع أو ضد الأنترنت و لماذا ؟ و هوما يجاوبوني مع les arguments
وقالتنا معليش واحد يقول أنا مع و ضد ..
إن شاء الله تكوني فهمتي المطلوب و أتمنى أن تساعديني
في إنتظار ردك

[belly14]

مرحبا....سادخل في صلب الموضوع مباشرة......أولا توقفي عن السؤال فالإجابة تكمنن في درجة ثقتك بنفسك....ثانيا إجعلي الدراسة همك الوحيد ....عند المراجعة لاتدعي شيئا يغيب عنك و لا تتوقفي عن الشؤال إذا لم تفهمي شيئا..........كوني جشعة في الحصول على المعلومات...........تخلصي من كل ما يعيق طريقك:الأصدقاء الذين لا يملكون اهداف و كسالى صاحبي الأذكياء لتتعلمي منهم...إبتعدي عن التلفاز فهي ستقلص معدل ذكائك و سعة مخيلتك.........قلصي ساعات نومك قدر المستطاع و تناولي القهوة و الشاي للتبقي مستيقظة....من سهر الليالي كسب المعالي
لا شيء مستحيل ...تسلحي بالصبر......و تجاهي كل من يحاول ردعك

[اميرة قلبي]

و عليكم السلام و رحمة الله تعالى و بركاته
نشكر كامل اللي ردو و حاولوا يساهموا ف الموضوع ولو بالقليل .
الارادة راهي عندي و الله و نحب الدراسة لدرجة ما نتصورهاش مشكلتي شوية عجزانة يعني نجي عيانة نقول نريح شوية و نبدا نولي غير درك شوية درك شوية حتى يطيح الليل و يبدا النعاس ، و مبعد نقول نوض الصباح نقرا يجيني البرد ههههه و هذاك الرقاد كيما العسل .
أيضا نجي نحل تمارين ، و لكن المشكلة اني نحصل خطرات تقريباً نحط في بالي نحل 5 تمارين نحصل فيهم ف الخمسة ، و ماعنديش شكون يساعدني ف الدار -__- .
مشكلتي انو نبغي نقرا بزااف و لكن ما نحلش تمارين ، فيا وحد الحرقة في قلبي تاع المنافسة ، نشوف اي وحدة بانت نقول انا ليه عليها ، و نروح نقرا بصح نحبس خطرات بزاف .
نقطة ضعفي رياضيات و الفيزياء . و الفيس بوك تباً ضيعلي حياتي كامل . و الله ماراني عارفة
صنعت وحد القائمة تاع نقاط لازم نجيبلهم باش نجيب 17 مي ماعرفتش واش ندير النقاط
انا حطيت هذا الموضوع باه نطلب منكم تعطوني النقاط هاذو اللي نجيبهم في كل مادة باش نديرهم الهدف نتاعي .
و شكراً

[اميرة قلبي]

لينة : ما تتكليش عليا حنونتي انا ندير اللي عليا و نحاول باش نساعدك و لكن ما تتكليش عليا خاطر انا فان عندي بحوث قاويين و راهم متراكمين عليا و المراجعة تاع الفروض و الواجبات الله يستر برك مينتا نخلصهم . بلاك نديرلك موضوع مبعد ف الليل و نولي نحطلك فيه المعلومات بشوية ، علما اني ما نعرفش الفرنسية بزاف

[Rinizemi]

حتــى تتحصلي على 17 حــاولي قدر المستطاع الحصول على نقاط اكثر من 17 في كل المواد
وهو سهل جدا كما قال الاعضاء ماعليك سوى الاجتهاد

[ASMA PINK]

السلام عليكم
يا اخية اعلمي انه لا شيء مستحيل تحقيقه انا ايضا اطمح لمعدل 18 وسانافسك على تحقيق هدفنا
ما عليك سوى ان تفجري طاقاتك وتؤمني بقدراتك واعلمي انه لكل مجتهد نصيب وما الله بظلام للعبيد
اسال الله ان يثبتك
بالتوفيق ان شاء

[لينة الصغيرة]

المشاركة الأصلية كتبت بواسطة اميرة قلبي

لينة : ما تتكليش عليا حنونتي انا ندير اللي عليا و نحاول باش نساعدك و لكن ما تتكليش عليا خاطر انا فان عندي بحوث قاويين و راهم متراكمين عليا و المراجعة تاع الفروض و الواجبات الله يستر برك مينتا نخلصهم . بلاك نديرلك موضوع مبعد ف الليل و نولي نحطلك فيه المعلومات بشوية ، علما اني ما نعرفش الفرنسية بزاف

السلام عليكم
إلى أختي الغالية...فعلا سامحيني ... أثقلت عليك كثيرا
+ أنا مانيش تاكلا عليك 100% ... فقط أنا حبيت تساعديني ولو بأفكار قليلة ... لا بأس إن كانت بالعربية ...
نحب إضافات في الحصة .. باش تكون مميزة

و بالنسبة للمشروع خدمتو و وجدت الأسئلة لكن بقالي غير المقدمة...ماعرفت كي نبداها ...+ كيفاش ننتقل من شخص إلى شخص في الأسئلة لأني سأستضيف 7 اعضاء ..
و إن كانت لديك أشغال كثيرة .. فلا بأس
لن أعطلك عن دراستك أبدا
موفقة ..

[Amira Mimita]

المشاركة الأصلية كتبت بواسطة اميرة قلبي

و عليكم السلام و رحمة الله تعالى و بركاته
نشكر كامل اللي ردو و حاولوا يساهموا ف الموضوع ولو بالقليل .
الارادة راهي عندي و الله و نحب الدراسة لدرجة ما نتصورهاش مشكلتي شوية عجزانة يعني نجي عيانة نقول نريح شوية و نبدا نولي غير درك شوية درك شوية حتى يطيح الليل و يبدا النعاس ، و مبعد نقول نوض الصباح نقرا يجيني البرد ههههه و هذاك الرقاد كيما العسل .
أيضا نجي نحل تمارين ، و لكن المشكلة اني نحصل خطرات تقريباً نحط في بالي نحل 5 تمارين نحصل فيهم ف الخمسة ، و ماعنديش شكون يساعدني ف الدار -__- .
مشكلتي انو نبغي نقرا بزااف و لكن ما نحلش تمارين ، فيا وحد الحرقة في قلبي تاع المنافسة ، نشوف اي وحدة بانت نقول انا ليه عليها ، و نروح نقرا بصح نحبس خطرات بزاف .
نقطة ضعفي رياضيات و الفيزياء . و الفيس بوك تباً ضيعلي حياتي كامل . و الله ماراني عارفة
صنعت وحد القائمة تاع نقاط لازم نجيبلهم باش نجيب 17 مي ماعرفتش واش ندير النقاط
انا حطيت هذا الموضوع باه نطلب منكم تعطوني النقاط هاذو اللي نجيبهم في كل مادة باش نديرهم الهدف نتاعي .
و شكراً

و الله يا ختي غير نفس المشكل معايا نتفنين نقول دوك نود مي نعجز و ما نحلش تمارين و كيما قلتي الفايس بوك هاداك مشكل كبيـــــر ربي يكون يكون فالعون و خلاص و ان شاء الله توصلي لمبتغاك