شوفو واش زدت خيطت لسمسومة ......1

[stayfiya]

السلااام عليكم

هاذي مدة ماشفتكمش و ماسمعتوش خباري واشراكم واش حوالكم توحشتكم
بصح كي دخلت للمنتدى بعد غياب لقيتو كااااالم شوي و ولى الروتين و حبيت نبدل الجو و جبتلكم 1/4 ورشة بالمعنى وريشة كيما لي فاتتها في انتظار الورشة الرابعة للسطايفية ههههه
يا سيدي تعرفو سمسومة بنت خويا تحب تلبس كيفي و تحب تعاندني مالا منين نلبس وحد الليكات تلصق فيها و تقولي لبسيهالي
مالا فضلي شوي كتان قلت نخيطلها واش راهي ساخفة
هادي نتاعي لي نلبسها انا

و هذا الكتان نتاعها لي لقيتو

ما يهزش بزاف ياااا ربي 15 سم من فوق و 40 سم من تحت و طرف تيلو نديروه دوبلير اووكي
وووو شوي بيي نديروه بروتالات

هاني كيفاش فصلت الطرف الفوقاني قست قداش في التور نتاع صدرها و زدتلو شيييييترح


و في الجيبون او الطرف التحتاني فصلت من فوق بقيس الصدر و هبطت ايفازيت شويييييييه
و فصلت الطراف ب 15 سم في عرض كل واحد و الطول انا كان ماعنديش الكتان بزاف بصح لكان تحبي يجيوك النقشات بزاف عرض الفولة يكون ب عرض الطرف لي رايحة تركبي علية في 2 شوفي معايا ضك تفهمي





و بعد ما تخلصي خياطة الجزء التحتاني


تلصقيه في الفوقاني و تركبي من فوق البروتالات لي خدمتيهم بالبيي



و الله خي خلصتها لسمسومة تشوفو الفرحة لي فرحتها و تقوللنا ما تغسلوهاش كل ما نجيو نبدلولها تقوللنا لبثوهالي هههههه
و هاهم تصاورها سمييييو ههههههه











وهذا ماكااان اونفان مزال الخير راني وليت و معايا الجدييييد ههههه
و السلاام عليكم و رحمة الله و بركاته