كيفاه نبلوكي العام

تفاؤل وامل · 2014-01-14, 13:34

راني حابة نسقسيكم والي عندو اجابة مايبخلش عليا ويجاوبني بالتفصيل الممل .اولا انا نقرا سنة اولى جامعي تخصص ادب عربي وراني سجلت باه نعاود الباك يسمى راني نعاود فالباك ليبر وفي نفس الوقت نقرا فالجامعة المشكل اني ما قدرتش نقرا زوج حوايج في نفس الوقت وراني حابة نبلوكي العام بصح راني خايفة لانكون روطار لاخاطر عندي 4شهور وانا نقرا ادب عربي وسؤالي هو اسكو نقدر نبلوكيه ضرك مور ليكونطرول ولا مستحيل واذا نقدر قوليلي واش يلزملي الوثائق واذا مستحيل .اني نخمم نحبس القراية فالجامعة طول ونعقب الباك والعام الجاي باذن الله نسجل بالباك الجديد .ارجو الرد وجزاكم الله خيرا

sarah_sb · 2014-01-14, 14:19

و الله يا اختي ما عندي حتى فكرة ان شاء الله تلقاي لي يعلونك

* عبد الجليل * · 2014-01-16, 16:30

السلام عليكم
مادام رايحا تعاودي الباك احرار امالا من درك ابلوكي العام والهاي بالباك لانو اذا جاو ليكونطرول ماراح ديري والوا
اها راني نصحتك والقرار الاول والاخير يرجع ليك وحدك
روحي قدمي طلب في الادارة التابعة لديبارتمون نتاعكم بتجميد السنة
قبل لازم نقولك اذا ديتي باكك الجديد راح يروحلك الباك تاع هاد العام ولا كيفاش راح ديري ؟؟
وربي يكون في عونك موفقة باذن الله

الجميلة انا · 2014-01-31, 00:02

اختي ماعليك غير تعملي demande و هذا الطلب تحطي فيه السبب اللي رح تبلوكي بسبتو اذا كان السبب مقنع رح يقبلو و يطلبو منك تسلميلهم بطاقة الطالب و ورقة التسجيل الاصلية يعني الي سجلتي بيها ادب

و كان على الفترة انا اظن انها فاتت خلاص لكن حاولي و اذا لقيتي معارف

و ربي يعينك اختي