خطيبتي والمشاكل

[مشكلتي]

حبيت نكتب مشكلتي في هدا المنتدى حتى نقدر نستفيد من نصائحكم
انا شاب عمري 27 سنة ملي كنت صغير والعيلة تقولي تتزوج بنت عمك وهي قدي فالعمر . وكي كبرت روحت للجامعة وشفت البنات نتاع الجامعة فقررت انو نتزوج خير من بنت عمي نعرفها مليح ونعرف عمي من نوع المتشدد وقلت في بالي منلقاش مشاكل معها هي حبست قرايتها في سادسة اساسي. وقاعدة فدار تخدم على بابها املا قررت اخطبها ومدهالي عمي وكي حبيت نهدر معها قالي عمي متهدرش معها حتى تعقد و تقرا الفاتحة املا قرينا الفاتحة وتزوجنا شرعا وعقدنا فالبلدية وروحت لدارهم باه نهدر معها وباباها كان موجود وهي حشمت باه تهدر معايا وانا حشمت اخطر باباها موجود معنا . وعلى هدا قلت لعمي لكان نتلقاو برا خير وماتكونش وحدها وكي عاد عمي دار فيا ثقة روحنا للمطعم انا وهي واختها
وهي اول مرة تدخل مطعم بحياتها وبانتلي تخلعت من كلشي وواحد شاب كان قاعد جانبنا وكان يخزر فيها والمشكل انها ثاني منحتش عينها من عينه فعصبت بصح مقدرتش نهدر اخطر اختها كانت معنا ورجعتهم لدار ومقدرنا نهدرو والو ومبعد بقيت سمانة مسقسيتش عليها وجات لدار باه تستقسي عليا وانا عصبت عليها وقلتلها علاه تخزري فهداك شاب وبدات تبكي وحلفت بلي ماكان في بالها والوا . وقلت في بالي نسمحلها هاد المرة وخرجت معها مرة ثانية بدات تدخلي الحوانت وتشوف فلابسة وشريتها طايور وزدتلها سباط ومافرحتش اخطر حابة تشري كع الحانوت وكانت تدخل برك للحوانت ليخدموا فيها رجال وتبدا تهدر معهم وتضحك معهم حتى نعصب ونخرج وتتبعني وتبدا تجيبهالي منا ومنا .
خطيبتي عينها زايغة بزاف تخزر بزاف فرجال وتموت على القش. انا ندمت كي خطبتها
بصح كيفاش ندير هدا عمي لكان نقولوا نخليها راح تصرا مشكل عائلي مع بابا. وانا محبيتش نقولوا بلي بنتك هكا وهكا خايف نديرلها مشكل مع بباباها قولوا لي كيفاش نخليها بلى مايصرا والو
وسلام عليكم

[ryma221]

يا اخي لا تسيء الظن بها ممكن كي عادت اول مرة نخرج جاتها حاجة غريبة فهمها غير بالعقلية و ان شاء الله تسمعلك و تتفهم
ربي يوفق بيناتكم

[SarSouRa28]

سلام اخي مع كل احترامي بصح جابلي ربي انت انسان موسوس بلبزاف طفلة كون تحب دير الشر مديروش قدامك يعني كاين بنات ......ويلعبوها على رجال ويعودو يشرفو فيهم ملائكة وهن شياطين انا جابلي ربي طفلة هذي كانا طبيعية في تصرفاتها واذا انت ناس ملاح وماكش حافر وين طيح غير كمل معاها ياأخي انت راك شفت بنات بزاف ومن كثر مشفت الفسق و....معدتش دير ثيقتك في حتى وحدة وخير دليل انك خطبت بنت عمك لعمرها شافت الضو ودير في بالك بلي مراكش رايح تلقا ملاك طاهر تعيش معاه كامل فينا اخطاء والكمال لله لكن الانسان الذكي ليدير ثيقتو في ربي هو لميخيبوش ماشي نهار كامل وهو يطلع ويهبط وشيطان يعاون فيه قالك كن تقياً كيوسف تكن لك طاهرةً كمريم ربي يتمملك على خير افرح بخطبتك وبمرتك وابتعد عن الافكار الشيطانية لرايحة تديك للهاوية حتى وتخلي بنت عمك رايح تلقى اخرى لتبقى تتوسوس وتشك فيها وتزيد تبطل تاني

[ABDOU ELE]

ســــــــــــــــــــــــــــــــلام

هذا راجع انها ليست متعودة على الخروج..............عندما تتعود ستنسى.........و اذا كنت متضايق جدا فالحل بسيط ......لا تاخذها للخارج مرة اخرى فلا ترى رجال و لا ترى قش

[yako02]

ربما اخي هذي الطفلة الحرمان من الخرجة هو دارلها هاكدة انت بطبيعتك تعرف لبنات تاع الجامعة يعي موالفين برا شايفين و كل شي يجيهم عادي و خطيبتك على حساب ما قلت راهي من السنة السادسة مخرجش و متعرفش مليح الدنيا و راهي برك فرحانة لانو الان راهو عندها زوج تخرج معاه و تكون مرتاحة معاه في تصرفاتها و اذا هدرت مع مولا الحانوت هذا لا يعني انها مشي مليحة حاول تفهمها و قلها انو هذي الامور تزعفك و تعصبك منها و تخليك انت تتصرف امام الغرباء و اذا شفتها مسمعتلكش لكلامك هادا شيء اخر يعني انها متمردة و مصدقت خطبت و رايحة تتزوج باش ترتاح من التشدد لي ما رسو عليها باباها ..........نصيحتي صارحها و قلها على الامور لي تعصبك اذا سمعت الكلام هنيئا لك و اذا لا يا اخي الباب لي يجيك منو الريح سدو و استريح حتى و لو كانت من العايلة


و الله اعلم

[أم شروفة]

تستاااااااهل أكثر من هاك.على خاطر بنات الجامعة.احنا شايفين و شريفات و عفيفات يا اخونا

[nilly]

واش تستنى يا خويا من طفلة عمرها ماخرجت , وهدا >نب ماشي دنبها دنب ابوها لمارس عليها كل انواع التسلط وقيد حريتها وكل هدا من الجهل لانه في نظره طفلة كي تخرج تجيب العار للعيلة ومادارش في باله بلي الانسان مهما كان جنسه يحتاج الى الحرية وهدا شي لمفهموش باباها . واعظم البنات ليغلطوا هن البنات اللواتي مرسوا عليهن بمثل هدا التشدد.واد جيت راح تحاسب طفلة هادي حسب باباها قبل.
ااول مرة تخرج خرجت معاك اكيد راح تكون مخلوعة من العالم الخارجي لانها هادي وين راهي تكتشف العالم الخارجي. واظن كيما قالوا الاعضاء لقبلي لكان جات ماشي مليحة ماتدريش هادا شي قدامك لكان تدير موراك وانت مراح تعرف والوا وتلعبهالك شريفة ومتدينة كيما باقي البنات . وانا نشوف تصرفاتها تصرف طبيعي ماتقصد بيه والوا . لكان انت عمرك ماخرجت ومبعد فجاءة تشوف دنيا اكيد راح تنخلع. حتى لوكان مولف تخرج في بلدك بصح لكان تروح لفرنسا مثلا راح تنخلع اخطر راح تلقى دنيا واحدة اخرى . هي ثاني هكدا شفت ناس برا شفت الحونت وهي موالفة تشوفهم غير فتلفزيون بلاك . وبلا ماتدير اي حاجةى في بالك وانا في رايي لازم تعودلها الخرجات حتى توالف الغاشي ولازم تبين لها بلي انك تتعصب من تصرفاتها ملزمش تخبي عليها اي حاجة صارحها بكل ماتحس بيه كيما راك تصارحنا دركا وعندك كل الحق انك تامرها تتخلى عن مثل هاته تصرفات واد ماسمعت لهدرتك هادي حاجة اخرى وعندها حل اخر . اما اد سمعت منك فنقولك مبروك عليك وعرس مبارك ان شاء الله ولعقوبة درية صالحة

[بلسم غرام2018]

يا اخي لا تسيء الظن بها ممكن كي عادت اول مرة نخرج جاتها حاجة غريبة فهمها غير بالعقلية و ان شاء الله تسمعلك و تتفهم
ربي يوفق بيناتكم
واستخر الله

[ibrahimm]

المشاركة الأصلية كتبت بواسطة nilly

واش تستنى يا خويا من طفلة عمرها ماخرجت , وهدا >نب ماشي دنبها دنب ابوها لمارس عليها كل انواع التسلط وقيد حريتها وكل هدا من الجهل لانه في نظره طفلة كي تخرج تجيب العار للعيلة ومادارش في باله بلي الانسان مهما كان جنسه يحتاج الى الحرية وهدا شي لمفهموش باباها . واعظم البنات ليغلطوا هن البنات اللواتي مرسوا عليهن بمثل هدا التشدد.واد جيت راح تحاسب طفلة هادي حسب باباها قبل.
ااول مرة تخرج خرجت معاك اكيد راح تكون مخلوعة من العالم الخارجي لانها هادي وين راهي تكتشف العالم الخارجي. واظن كيما قالوا الاعضاء لقبلي لكان جات ماشي مليحة ماتدريش هادا شي قدامك لكان تدير موراك وانت مراح تعرف والوا وتلعبهالك شريفة ومتدينة كيما باقي البنات . وانا نشوف تصرفاتها تصرف طبيعي ماتقصد بيه والوا . لكان انت عمرك ماخرجت ومبعد فجاءة تشوف دنيا اكيد راح تنخلع. حتى لوكان مولف تخرج في بلدك بصح لكان تروح لفرنسا مثلا راح تنخلع اخطر راح تلقى دنيا واحدة اخرى . هي ثاني هكدا شفت ناس برا شفت الحونت وهي موالفة تشوفهم غير فتلفزيون بلاك . وبلا ماتدير اي حاجةى في بالك وانا في رايي لازم تعودلها الخرجات حتى توالف الغاشي ولازم تبين لها بلي انك تتعصب من تصرفاتها ملزمش تخبي عليها اي حاجة صارحها بكل ماتحس بيه كيما راك تصارحنا دركا وعندك كل الحق انك تامرها تتخلى عن مثل هاته تصرفات واد ماسمعت لهدرتك هادي حاجة اخرى وعندها حل اخر . اما اد سمعت منك فنقولك مبروك عليك وعرس مبارك ان شاء الله ولعقوبة درية صالحة

هذي الحرية لي تتكلمي عليها رجعتكم سلعة بين الشباب

نصائحك مفيدة لازم يعلمها الخرجات و عادي تهدر مع صاحب الحانوت

[مريم الصابرة]

السلام عليكم اخي
والله يعني انا لقيتها غريبة اطوار كيفاه هذي مع راجلها وتهدر مع مول الحانوت وتضحك وفالمطعم تخزر فالراجل هذي حكمتها الخلعة كي خرجت او واش شوف خويا هذا شرف ومستقبل وقيمة وانا مش نحرش فيك او نقولك اول مرة تخرج ماكانش منها هذا الامر الامية تعرفو اللي عمرها ولا خرجت تعرفها نورمالمو معاك تحط عينيها فالارض سواء معاك او مش معاك انا من رأي ما تخليها ما والو زيد مدلها فرصة واحكي معاها بتشدد وقولها باللي المرة هذي راح تخليها اما كان خرج منها تصرف هاك او هاك ما تقول لبابا لا العائلة لا لافامي راك قاري ومتنور وتعرف مش على جال العائلة تضيع مستقبلك مع مرا ممكن تخرج معاها وعينيها فالرجال عيب
معليش اول مرة نديروها ما تعرفش احكمها احكي معاها بتشدد وهددها بالطلاق واكيد ما تعاودهاش وهذي تحب تشري القش حبسهالها عندها حقها مهرها وهدية كان إنت تحب قولها ما عنديش وخليها الراجل هو يسقم المرا ومن المفروض من ضرك وريلها عقليتك وخليها وديرلها تجربة وعاود اخرجو بعدما تفهمها كل شي كان عاودتها من رأي خويا ثم من حقك لانو كبيرة المرا تهدر مع الرجال وراجلها معاها موفق

[محمد جديدي التبسي]

أحييك على اختيارك أخي
من النادر وجود فتاة مثلها لا تفرط فيها حاول إصلاحها وتعلمها على يدك أحسن
ربما ستعاني من طلباتها الكثيرة لكن أظنها كالطفل الصغير الذي يحتاج رعاية وحزم
وستكون لك كما تريد بإذن الله ربي يوفقك

[الفاتحة]

عيب عليك , من خلال كلامك أنت تتصيد أخطاء عفوية وتصرفات فطرية للفتاة ، محاولة منك التخلص منها ، في البداية تتكلم عن بنات الجامعة وتعمم بلغة الأغبياء، ثم تاتي وتذكر ان ابنة عمك ذات المستوى السادسة ، ماعجبك والو ـ لاعجبوك الجامعيات ولا عجبوك الاميات - تتفرعن- ثم تأتي وتتهم الفتاة بأفعال يمكن بحسن نية فعلتها نصيحتي لك راجع نفسك ماذا فعلت في ماضيك حتى تفقد الثقة بكل من حولك بهذه الطريقة ، عموما كل ماستفعله من ظلم في حق هذه الفتاة المسكينة سيخرج فيك إن شاء الله.

[عصـــام]

السلام عليكم أخي ، بخصوص ما طرحتك في ما تسميه مشكلة ، أعتقد أن البنت ليست على البنية الثقافية الكاملة مع كل احترامي لها كإنسانة قبل كل شيء ، فعليك بالأخذ بهذه التدابير لكي لا تندم في تصرفات مستقبلية في حياتك الزوجية :
- عليك بطرح فكرة الصدق والتفاهم وتبادل الاحترام معها .
- يجب عليك ألا تدخل الشك في قاموسك الانفعالي .
- حاول قدر المستطاع أن تجلس معها في أماكن أخرى غير المطعم مثل حديقة عامة ...الخ .
- كرّس لها دائما ًمواضيع تتعلق بأسرار نجاح الحياة الزوجية ...إلخ .

والله الموفق في الأخير .

[bonbon]

بصراحة يظهرلي العكس

انت ماعجبتكش عقليتها الساذجة البسيطة او انك شفت مستواها ما يتوالمش مع مستواك وليت تحوس على اتفه الاسباب باش تخلق مشاكل

راك تقول راهي تحوس على محلات يبيعو فيهم رجال باش تدخل؟؟؟؟ بيناتنا علاه كاين محلات بزاف يبيعوا فيهم نساء حتى تخير بين هذا و هذاك؟

كن منطقي يا اخي

[khawlita.dz]

المشاركة الأصلية كتبت بواسطة مشكلتي

حبيت نكتب مشكلتي في هدا المنتدى حتى نقدر نستفيد من نصائحكم
انا شاب عمري 27 سنة ملي كنت صغير والعيلة تقولي تتزوج بنت عمك وهي قدي فالعمر . وكي كبرت روحت للجامعة وشفت البنات نتاع الجامعة فقررت انو نتزوج خير من بنت عمي نعرفها مليح ونعرف عمي من نوع المتشدد وقلت في بالي منلقاش مشاكل معها هي حبست قرايتها في سادسة اساسي. وقاعدة فدار تخدم على بابها املا قررت اخطبها ومدهالي عمي وكي حبيت نهدر معها قالي عمي متهدرش معها حتى تعقد و تقرا الفاتحة املا قرينا الفاتحة وتزوجنا شرعا وعقدنا فالبلدية وروحت لدارهم باه نهدر معها وباباها كان موجود وهي حشمت باه تهدر معايا وانا حشمت اخطر باباها موجود معنا . وعلى هدا قلت لعمي لكان نتلقاو برا خير وماتكونش وحدها وكي عاد عمي دار فيا ثقة روحنا للمطعم انا وهي واختها
وهي اول مرة تدخل مطعم بحياتها وبانتلي تخلعت من كلشي وواحد شاب كان قاعد جانبنا وكان يخزر فيها والمشكل انها ثاني منحتش عينها من عينه فعصبت بصح مقدرتش نهدر اخطر اختها كانت معنا ورجعتهم لدار ومقدرنا نهدرو والو ومبعد بقيت سمانة مسقسيتش عليها وجات لدار باه تستقسي عليا وانا عصبت عليها وقلتلها علاه تخزري فهداك شاب وبدات تبكي وحلفت بلي ماكان في بالها والوا . وقلت في بالي نسمحلها هاد المرة وخرجت معها مرة ثانية بدات تدخلي الحوانت وتشوف فلابسة وشريتها طايور وزدتلها سباط ومافرحتش اخطر حابة تشري كع الحانوت وكانت تدخل برك للحوانت ليخدموا فيها رجال وتبدا تهدر معهم وتضحك معهم حتى نعصب ونخرج وتتبعني وتبدا تجيبهالي منا ومنا .
خطيبتي عينها زايغة بزاف تخزر بزاف فرجال وتموت على القش. انا ندمت كي خطبتها
بصح كيفاش ندير هدا عمي لكان نقولوا نخليها راح تصرا مشكل عائلي مع بابا. وانا محبيتش نقولوا بلي بنتك هكا وهكا خايف نديرلها مشكل مع بباباها قولوا لي كيفاش نخليها بلى مايصرا والو
وسلام عليكم

بغض النظر عن طريقة تفكيرك بالزواج وما قلته هده طريقة تفكيرك لكن اظن انك انسان شكاك يعنى كل المحلات تقريبا يبيع بها الرجال و من الطبيعى ان تطلب الزبونة من البائع وتحادثه بما تحتاج الا ان كان ت طريقة واسلوب الكلام غير محترمة او شىء من هدا القبيل وانت فضلت ان ترتبط بامراة غير متعلمة فكان خيارك فما دنبها هى نعود لموضوعك
زوجتك تنقصها ثقافة التعامل مع الاخرين
والتعامل مع الناس فلربما كل محيطها هو عائلتها وكل ما تعرفه من الدنيا هو جدران بيتها
هو قدرها وهى وضعيت وجدت نفسها بها واسلوب حياة فرض عليها فتربت هكدا
لا تظن ان عينها زائغة فمما سردت ارى انها سادجة ولا تفكر بما فكرت به انت ببساطة ربما هى ترجمة
للضغط الممارس عليها فحاولت ان تغير حياتها ورانخلعت كما تقول
تدكر قبل كل شىء انها كانت خيارك وانك عاقد عليها ففكر جيدا ان كنت تستطيع مساعدتها وتعليمها حتى تتكيف مع اسلوب حياتك فاصبر عليها ولتتحلى بالمرونة والحكمة بالتعامل ولتخبرها دائما وبود بان هدا الاسلوب او داك السلوك لا يليق فالناس ليسوا جميعهم بسداجتها و برائتها ربما
وتجنب اسلوب اتهام النوايا فهو يكسرها و يعقدها اكثر وانما حول مسايرتها و تعليمها
وان لم تناسبك يا اخى فالزواج مشروع حياة باكمله وعليك التروى والتانى والتفكير بعمق و بدون انانية
لكن لا تظلمها
ببساطة لانك من اختارها اولا وانت تعرفها وتعرف طريقة حياتها
وثانيا لانها ابنة عمك
ثالثا لان ظروفها ليست عادية للتقبل وربما يتقبل اهلها طلاقها وهى تعيش حياة مماثلة ببكل ببساطة كانت ضحية لوالدها النتشدد اولا و ثانيا هى ضحية لك لتسرعك بطلبها والان تفكر بتطليقها
بالتوفيق الله يوفقكم يا رب
استخر الله وبادنه راح تلقى الحل المناسب