يريد خطبتي

مشكلتي · 2014-01-28, 14:17

السلام عليكم اهل المنتدى انا عندي مشكلة عمري 19سنة تعرفت على واحد عمرو 23 سنة حكينا ومن اول مرة قالي حاب نروح معاك لبعيد وان شاء الله نخطبك بقينا نحكو ومرت الايام وكل يوم يقولي والله ناويك انا صدقتو للعلم شافني مرة واحدة فقط من بعد قالي لازم نتلاقاو نهدرو من بعد نجيب والديا ونجي انا باش نجربو قوتلو نقول لخويا يعيطلك قالي ايه انا نعرف واحد كي شغول خويا عيطلو قالو انا خوها قالو هاد سمانة نجي نخطبها قالو اوك من بعد صراو مشاكل قالي لازم نشوفك باش نجي نخطبك واش رايكم نتلاقا بيه ولا لالا وراه منو صاح ولا يكدب وكيفاش نقولو راني حايرة عاووونوني

يونس معبدي · 2014-01-28, 19:12

وعليكم السلام ورحمة الله

اقتباس:

انا باش نجربو قوتلو نقول لخويا يعيطلك قالي ايه انا نعرف واحد كي شغول خويا عيطلو قالو انا خوها قالو هاد سمانة نجي نخطبها

بعدما مرت الأيام ..اليوم باش تجربيه
طالما انه مستعد يحكي مع خوك ..علاش حتى تكذبي وتخلي شخص آخر يحكي معاه
الخطبة و الزواج ليس لعبة أختي الكريمة
اذا كان هو يريدك في الحلال فقولي له الباب مفتوح تفضل ..خاصة وانه شافك مرة كما تقولين بالاضافة الى الأيام الخوالي معه..
يعني اذا كان مقتنع بك فأعتقد انه لا مفر من ان يتقدم بشكل رسمي
اما نتاع نجربو ونتلاقو اولا ..اخاف ان تكوني من الخاسرين في النهاية ولك في قصص أخواتك من الذين انتهجوا نهجك عبرة

سطايفية بكل فخر · 2014-01-28, 19:43

اختي بداية نغلطك نت لانك كذبتي عليه
واش رايحة تكون ردة فعلو لما يعرف الحقيقة مخممتيش
الزواج عمرو ليتبنى على الخدع اختي
وزيد وعلاش هو راهو حاب يتلاقاك قبل ميخطبك على الرغم انو بيناتكم هدرة وشافك من قبل واش راهو ناوي
وانت علاش خايفة منو لهذي الدرجة مع انك سبقتي وشفتيه
اسئلة بزاف اطرحيها على روحك ولقايلها الحل لي قانعة بيه
ونصيحة ديما حطيها في بالك كما تدين تدان ومدامك انت لي بديتي في الكذبة اختي ,,,,,,,,,,,,,,,,,,,, نخليلك نقاط تعرفي التكملة
راجعي روحك مليح والاحسن تقوليلو الحقيقة وتصارحو بعضاكم قبل مطيح الفاس في الراس
وزيدي صلي صلاة الاستخارة
اعتذر على ردي ان ضايقك ولكن كان لازم نقولولك
احتراماتي اختاه

yousra14 · 2014-01-28, 19:54

وعليكم السلام ورحمة الله ..

لا هو و لا أنت مستعدّان للزواج لا عقليّا ولا نفسيّا
وخاصّة هو 23 سنة هل يستطيع فتح بيت ويكون مسؤولا عنه ؟

حذاااااااااااري والذهاب إليه فستكونين من الخاسرين مثل ما قالك
الأخ يونسي .
أمّا قضية كذبت عليه ما كذبت عليه هذا امر تااافه أمام ما

تفعلين بنفسك
هو إذا كان ناويك حقيقة يعرف بيتكم ويعرفك قابلة انتهى الموضوع من الآن عزيزتي لا كلام ولا سلام وهذا هو الاختبار الحقيقي له إذا كان يريدك فعلا أم مجرّد تسلية عابرة فحاذري .......
والسلام

أم عروة · 2014-01-28, 20:09

السلام عليكم ورحمة الله وبركاته،،

لالا تذهبي إليهِ أخية، إن كان يريدكِ حقا هو من يأتي لبيتكِ يمكنه رؤيتكِ هناك
إن ذهبتِ فستهلكين عزيزتي،،
هذو ذئاب بشرية والله المستعان

اقطعي علاقتكِ معه فورا وبلا تردد، وان كان متمسكا بك فليأت لبيتك
ثم إنّ علاقتكما محرمة وما بني على المعصية والفساد لا يأتي إلا بالفساد
هداكِ الله

والاستخارة لا داعي لها، لأنو الاستخارة تكون في الاختيار بين أمرين محتارة بينهما وكلاهما مما يحبه ربنا
ولكن هنا العلاقة راهي معصية، وليست جادة كخطوبة أوووو يعني تستخيري الله لتعصيه أم لا؟؟؟؟؟

صانكِ الله وحفظكِ من كل شر وسوء

nesrine16 · 2014-01-28, 20:13

انا صاحبة الموضوع حكيت معاه مند ساعتين وقالي عندي طفلة منعرف لا يكدب ولا صح ما نعرف لا كان مزوج انا من الصدمة قوتلو فاصي نيميرو قالي اوك راني نبكي

yousra14 · 2014-01-28, 20:25

هو يمحي رقمك وأنت امحيه من رأسك وابكي من الفرح إليّ نجاك منه الله .
والحمد لله على سلامتك ولا تكرّريها حفظك الله

ولد حمد الباتني · 2014-01-28, 20:25

باينة ماتتلاقايهش هبلتي ول ؟
وزيدي هذا ذر 23 سنة فعمرو واش يخطب هذا
تمسخير وخرطي

ولد حمد الباتني · 2014-01-28, 20:27

ابعثيلو هذا الي كي خوك ...

* الحلم سكر * · 2014-01-28, 20:29

اقتباس:

المشاركة الأصلية كتبت بواسطة nesrine16

انا صاحبة الموضوع حكيت معاه مند ساعتين وقالي عندي طفلة منعرف لا يكدب ولا صح ما نعرف لا كان مزوج انا من الصدمة قوتلو فاصي نيميرو قالي اوك راني نبكي

يتـمسـخر بيك يا نسرين على خاطر نحبك سامحيني انتي وصلتي روحك و صغرتيها قدامو و قدام هاذاك الاخر لي تكلم معاه اخطيك منهم و من العلاقات و الله راح تندمي
راني نتحدث معاك على اساس اختي الصغيرة لمرا ما تسعى غير قينتها و نيفها و حلي عينيك حبيبتي تحطي راس والديك في الارض هو و اللي حكى معاه و غيرهم من وراك يقولو عيك ................................

ارجعي على هادي الطريق و اشغلي وقتك بامور تفيدك
راح تقولي واش درت و بالاك تبانلك كبرت الامور و الله اذا خممتي فيها هكذا راكي ما تعرفي والو على الرجال و الاهم اعرفي مليح قيمة لمرا وين راجل غريب حتى صباح الخير ما تقوليش هالو و اللي يحبك زوجته قلو عندي والدين و مرحبا بيك في دارنا
ز اللي يحبك عشيقة و يتشرط عليك باه يخطبك قوليلو جابتني مرا و رباني راجل ماشي باه نحط راسهم في الوحل
و اللي يرضاها على اختو راح يرضاه عليك ؟؟؟؟

ربي يوفقك و يهديك للصواب و يا ليت تفهمي لي بين السطور
ســــلام

محمد جديدي التبسي · 2014-01-28, 20:54

لا للعلاقات أختي لا تحزني وابتعدي عن هاته العلاقات من يريدك يأتيك لبيتك ويتحدث مع ولي أمرك
أنت في سن صغيرة ولم تري من الدنيا الكثير فإياك من الذئاب البشرية
لا تثقي في رجل يحدثك بالهاتف أو في الإنترنت أبدا أبدا حتى لو كان كل حديثه آيات وأحاديث وفتاوى
لا تستعجلي الزواج وامض في حياتك وتعلمي دينك فبه فلاحك ...ربي يرزقك الزوج الصالح

أم عروة · 2014-01-28, 21:33

إذن قد ظهر على حقيقته!!!
احمدي الله تعالى الذي نجاك منه
قوي صلتك بالله تعالى وأكثري الدعاء
ثم إنك لتزالين صغيرة اتوكلي على ربي وأكيد سيطرق بابكم من يستحقك
صدقيني اختي ان لزمت بيتكم سترين سيكثر الخطاب وهذا بفضل الله تعالى يجازي عباده الصالحين
لا تأت السعادة الزوجية بالحرام صدقيني
يسر الله أمرك وأزاح همك ورزقك الزوج الصالح

agro44 · 2014-01-28, 21:35

رانا دايما نعاودو الكلام

حرام في حرام

وما بني على باطل فهو باطل

انت راكي في سن 19 الناس انتوع الصح - انتوع زواج - راهم حاطينك على العين و يراقبوا تصرفاتك واني
راكي حاسبتها لعب
واحد كي خوك واحد يحبك ووووو

انت فتاة فلا يليق بك الا ان تتمسكي بمواقفك الرزينة التي فضلك الاسلام بعا ولا تجعلي نفسك
وسيلة للهو

وانا حاب نسألك سؤال ؟

كيفاش الراجل يخلي المرا تجري وراه وتدير معاه الحرام وووو

بسسب بسيط وهو انو في البداية يؤثر عليها عاطفيا
وخاصة كي ايقوللها نحبك او انت لست كمثلك وارى فيك الزوجة وووو

في الحقيقة الكلام المعسول ساهل

كاش نهار شفتي في الطريق زوج ميعرفوش بعضاهم خلاص وبداو في الزنا ؟؟ الحيونات او ماشي هكذا
كامل يبداو بالملاقات و النضرات ومن ثم تتطفر

الله يهديك اختي

واعلمي انه عندما مان في عمرك 4 اشهر في بطن امك كتب الله لك رزقك واجلك و الزواج من الرزق
فلا تتعجلي

فالحلال لا ينال بالحرام

mayouchfifi · 2014-01-29, 00:00

الزواج عمرو مايهرب مازالكي صغيرة وحتى هو صغير وكيفاه يولي يخمم كون يفيق بلي كدبتي عليه خمي مليح قبل اي خطوة

naamane3 · 2014-01-29, 11:26

راكي غير تخلطي فالامور
اولا ما لازمش تحكي معاه خلاص
ثانيا شكون هذا اللي مثل أخوك هاذي مانعرفوهاش
ثالثا هو معول يوصل معاك لبعيد
وبعيد هذا لن يكون الا في الحرام يعني
راه ناوي على بنت الكلب
اقطعي واستغفري والله لن يضيع من لجأ اليه وتاب