نهاركم زين اخواتي
ازف لكن احلى تحية معطرة
بعد مرور الاسبوعين من دورتنا والتفاعل الجد مرضي من مشتركاتنا
طبعا مازال الباب مفتوح لكل من ترغب في التعلم والمنافسة
اكيد هدفنا الاول هو التعلم...نرغب في التنافس...واضفاء جو من الحماس والحركة
حتى لا ننسى نذكر بمشوارنا من اول اسبوع
مسابقتنا بعنوان
دورة***ملـــــــــــكة الفنـــــــــــــــــــــــون***
الدرس الاول
** ملـــــــكــــــة الفنـــــــون** الدرس الاول--- الرسم على الفودان ---
الدرس الثاني
** ملـــــــكــــــة الفنـــــــون** الدرس الثاني--- الرسم على الساتان والبلاستيك ---
وهنا تجدن مواضيع عرض الاعمال وتقييمها
تطبيقات المشتركات لدرس الرسم على الفودان من دورة ملكة الفنون
تطبيقات المشتركات لدرس الرسم على الساتان والبلاستيك من دورة ملكة الفنون
بسم الله وعلى بركة الله نبدا درسنا الثالث والذي سيكون اخر درس في الجزء الخاص بالرسم على الاقمشة
الرسم على قماش البوبلين
الدرس من تقديم الاخت
fifi arch
كالعادة اخواتي نطلب دعواتك لاني في امس الحاجة ليها
بسم الله وعلى بركة الله نبدا
درسنا اليوم خفيف الظل ...راح يكون طفولي وفيه لمسة البراءة
راح نحاولو نعملو رسم لشخصية كرتونية معينة
وانتم لكن حرية اختيار الشخصية وفي ماذا تطبقوها
انا اخترت شخصية ميكي ماوس وانو نطبقها في فراش بيبي
ياالا تبعوني
اولا الادوات لي نحتاجوها
قماش بوبلين...الوان...لماع...فرشاة....كالك لنقل الرسمة...ودونتال للتزيين
الرسمة...اخترت كبيرة للدرا وصغيرة للمخدة
الان ننقل الرسمة على القماش
بعد نقل الرسمة نقوم باعادة رسم كل حدودها بواسطة اللون الاسود باستعمال فرشاة رقيقة
انا هنا حبيت نستعمل الوسيط البركاني باه نمد بعد لرسمتي...اكيد ممكن تستغني عنو
نطبق الوسيط البركاني في المكان لي حابة نمد ليه بعد ونخليه يجف مليح
بعدها نبدا بتلوين الرسمة حسب الرغبة وتان المتوفر من الالوان...واكيد قبل جفاف اللون نرش اللماع حتى يلصق فيه
كي نكملو نخلو الرسمة تجف مليح
بعدها ننفضو القطع نتاعي باه اللماع الزايد كلو يروح ونبدا في الخياطة على حساب الرغبة في العمل لي راح نقوم بيه
الان بعد لا كملت والرسمة جفت كالعادة وفي اي عمل رسم على القماش حتى يتثبت العمل مليح ومايروحش بالغسيل نقوم بعملية الكي
انا هنا لانو استعملت الوسيط البركاني لازم عملية الكي تكون بخفيف حتى نخليه يطلع في راحتو
بعد عملية الكي شوفو النتيجة
هكذا نكون كملت العمل نتاعي وهاوليكم جاهز
ولانو ماعندي اطفال صغار في الدار انا عملتو هدية وحطيتو في بلاستيك وشوفو كيفاه كان
الان حبيت نمدلكم بعض اسرار الرسم على الاقمشة
هكذا نتائج نكونو عرفناها من دروسنا الثلاثة
اسرار الرسم على القماش
استعمال الكالك الخاص بالقماش لانو يساعد في نقل الرسمة بشكل نظيف
عند تحديد الرسمة باللون الاسود...بعدها في تلوينها نبتعد عن الحدود حتى يكون العمل واضح وانيق
بالعادة الالوان نضيفولها مادة اسمها vernis تخلي اللون اكثر ميوعة واسهل يمشي على القماش ويلمع اكثر
الوسيط البركاني يتفاعل مع الحرارة واثناء الكي لابد مانرصوش على المكواة ياسر باه نخلوه يتنفخ في راحتو
اي عمل من اعمال الرسم على القماش لازم ليه عملية الكي حتى تثبت الالوان وماتطيرش بالغسل
حذاري في الرسم على البلاستيك لا نستعمل الحرارة لانو اللون يثبت وحدو
خلو الالوان تجف براحتها قبل الخياطة او الكي والا تخربطو كل عملكم
هكذا ننهي كل دروسنا في الرسم على الاقمشة ...ونتمنى تكون افادتكم ولو بالجزء القليل وحبيتو هاذ الفن
لانو في المرحلة القادمة من دورتنا ان شاء الله ننتقل الى فنون اخرى واعمال اكيد راح تنال اعجابكم
تحياتي للجميع
ملاحظة هامة
الاخوات مطالبات بتطبيق الدرس وترسل التطبيقات للمشرفة fifi arch قبل يوم الخميس على الساعة 20.00 ليلا ان شاء الله...فقط ضروري لازم يكون التطبيق في رسم كرتوني
( تقرير عن مشاركة سيئة )، و الموجودة أسفل كل مشاركة .
2014-11-08, 13:59
** ملـــــــكــــــة الفنـــــــون** الدرس الثالث---الرسم على القماش---
** ملـــــــكــــــة الفنـــــــون** الدرس الثالث---الرسم على القماش---
السلام عليكم
.gif)
العرض العادي
