المحكمة العسكرية بقسنطينة

sekhara · 2014-01-20, 16:47

أطلب من الاشراف حذف هذا الموضوع

لانه أصبح غير مهم و لا فائدة منه

وشكرا

نجوى لحلوة · 2014-01-20, 16:55

قولي سع فاه راك جاي يعني وسيلة التنقل تاعك لاكان راك من البرج كيما كاتب

sekhara · 2014-01-20, 16:57

حذذذذذذذذذذذذذذذذذذذذذذذفففففففففففففففففففففففففف فف

نجوى لحلوة · 2014-01-20, 17:01

https://www.djelfa.info/vb/showthread.php?t=1239761
ممكن يفيدك هذا العنوان المهم لاكان تحب تفاصيل ادق من الدقيقة لي توصل فيها هنا قولي درك نشرحلك

نجوى لحلوة · 2014-01-20, 17:06

مالا كيما توصل لل5tv القديمة احكم طاكسي اخرى وقولو اديني للقصبة قدام el gazarna درك تلقاها لتم بعد

sekhara · 2014-01-20, 17:06

ههههههه شكرا لك على الرابط للأسف قرأته قبل قليل و لكن لم يفدني لاني بحثت في الغوغل ماب على منطقة القصبة في قسنطينة لكني لم أجدها

فقط وجدت قصر العدالة و لا اعرف اذا هي التي ساقصد ام لا .. شارع بن بولعيد

ممكن تساعديني و الله يجازيك بالخير

نجوى لحلوة · 2014-01-20, 17:17

اوكي يا خي منطقة القصبة توجد في وسط المدينة قريبة من قنطرة بولحبال او كيما نقولولها حنا القسنطينية قنطرة السبيطار مناه قريبة منو كي توصل ليها لاكان رايح في طاكسي مناه الحافلات يحبسو بعيد على هذه المنطقة يعني كون جيت تعرف البلاصة تقدر بصح مادامك ما تعرفش ماتقدرش قول للطاكسيور يديك للقصبة برك يوصلك في زوج دقايق بصح يطلب عليك شوية غالي راك تعرفهم ولاكان وصلت بكري وحبيت نعطيك طريقة شوية اقتصادية في المال بصح شوية شوية في الوقت كي تنزل في السانطيفي اركب في الحافلة لي رايحة لجبل الوحش وسقسي سع كيفاه تركب باهتروح لجبل الوحش تعود تغلط ومبعد كي توصل للفوبور اهبد تم وسقسي على التيليفيريك وكي تنزل من التيليفيريك في المحطة الاخيرة تكون في قلب المدينة سقسي على ثانوية رضا حوحو كي توصل ليها احك طاكسي وقولو وصلني للقصبة ولاكان تلقى وليد الحلال لتم ممكن يوصلك ليها راهي قريبة خلاص انت ما تسقسيش على المحكمة سقسي على الgazarna برك راهي قدامها

نجوى لحلوة · 2014-01-20, 17:18

لاكان مافهمتش نفهمك بتفاصيل اكثر وبالشي معليش

sekhara · 2014-01-20, 17:27

اوك بارك الله فيك أختي

ربي يجب الخير .. جازاك الله بالجنة

نجوى لحلوة · 2014-01-20, 17:32

ان شاء الله يعيشك اخي العزيز نطلب منك طلب صغير
الذعاء لعمتي المريضة بالشفاء العاجل ارجوك

sekhara · 2014-01-20, 17:49

momken ntraslo par ***** wela ********

sekhara · 2014-01-20, 17:50

الله يشفيهاااااااا يااااااااا رب

الله يشفيها أمك و ترجع كي الطير

sinopointic4 · 2014-01-20, 17:55

بالتوفيق...

souhiel · 2014-01-20, 19:08

احكم طاكسي من 5tv حتى gazarna وفك عليك

صالح القسنطيني · 2014-01-20, 19:09

انت جاي تسال على عنوان

و لا جاي للتعرف على فتاة

ربي يهديك.............

و المحكمة اي قريبة جدا من قنطرة سبيطار

و اانت ا تجي من سطيف

تنزل في بوصوف

تلقا ثم سيارات اوصولك للمحكمة ب 300 دج

و ربما اقل لان المسافة قريبة من بوصوف الى وسط مدينة

لا توجد سيارة اجرة بالمكان و الحافلات تنزلك بعيدا

لهذا خد سيارة مباشرة

و المحكمة مقابلة مباشرة للسجن العسكري نسميه نحن - حبس تاع قصبة