... [ عاجل ] , لذوي القُلوب الرحيمَة ....

[مختلف]

.

قُولي أحبكَ , كيْ تزيدَ وسامتِي ..

---

يا أختي الكريمة ,
حبيناك من الصغر ,
وأنتِ رايحَة غير تبشاعي

لم نرى الوسامَة التي نُحب
صدقنا كل التاريخ المُزيف
وحفظنا كل الأناشيد المخلدَة
ولكنْ ,

( لم تزدد وسامتُك )
بل إزدادَ ضغطُنا

----

أختنا الكريمة هي الجزائر ,
ومكلاه ندخلوا في نقاش هل الجزائر ( مذكر ولا مؤنث )

----

المهم يا ذوي القُلوب الرحيمة
كاشْ واحدْ وطني مخلص
ويكون باباه شهيد ولا مجاهد
ميهمش مام تولد بعد الــ 62
المهم عندو ورقة مُجاهد

يرقيني , باه كاشْ ميرجع حب البلاد كيما قبلْ
ونولي مواطن صالح ونحب '' إصلاحات السيد رئيس الجمهورية ''
ويكون عندي أمل في 2047 كاش ما يصرا وتتبدل الحالة

,

منعرفْ ,
مي جاني شعُور تاع موليتش قادر نشوف البلاد بصورة مليحة
وين نروح
تشرق أو تغرب
كل الإدارات والطوابير و الصابوطاج و الفوضَى
لا شيءَ يبشر بــ ( ريح وين راك رايح )

----

تبقى مسألة وقت فقط ,
ونظرة حذرَة لتحديد لمُستقبل باه الواحد ميخرجش على والُو بركْ
ويبقى فالغربة و زيد مستقبل مش مستقر

,

ونصيحة للي عمرهم خمس سنوات فما أقل
تعلموا لـــ ' anglais

والبقية
ربي يصبرنا معاكُم
وداوموا على دُعاء :
( اللهم إجعلنا من الجالية المقيمة بالخارج , رانا فدينا )
,

طلب أخير :

هل لديك قصة تجربة من غادر البلاد , الصعوبات ونظرته بعد الهجرة ؟


----

وكل عام وأنتم هُنا