طريقة تعطيرالكاوكاو...وانقاص من مداقه وزيته

[كريمة حجاج]

السلام عليكم حبيت نوصللكم طريقة نقلتها من قناة سميرة tv عجبتني بزاف وهي كيفاش نقدرو ننزعو الريحة القاطعة تاع الكاوكاو وايظا المداق تاعو ونقدرو نستعملوه في كل الحلويات بدل اللوز .......اولا نشريو الكاوكاو مقشر ونرحيوه ......ومن جهة اخرى نحطو في القدرةالماء يكون بزاف ونزيدو نحطو3حبات قارس يكونو مقسومين على2 ونزيدونفرغو علبة كبيرا تاع لفاني في القدر ونحطو الكسكاس ونفرغو الكاوكاو فلكسكاس ونخليوه يفور مليح تم انزعيه من القدر و فرغيه في قصعة واسعة وخليه شوية يبرد وكرري هاد العملية 3مرات يعني فوريه وبرديه 3مرات وفي اخير خليه يبرد مليح في قصعة وفرشيلو كارط يكون كبير وخشين شوي وفرغي الكاوكاو فوق الكارط واطوي عليه الكارط مليح وتقليه بقصعة اخرى يعني حطي فوقو حاجا تقيلة مليح باش يتعصر من زيت تاعو وخليه يبات ليلة كاملة وهاكد عاودي نفس الطريقة لمدة 3 ايام وفي كلي مرة غيري الكارط اخر حتى ينشف من زيت تاعو كامل وهاكدا يفقد الزيت تاعو ورائحة ايظا وحطيه فوق الميزان اوزنيه لكل كيلو كاوكاو نقسيلو300غ وعوظي 300غ لينقستيها ب 300غ نوادكوكو وهاكدا تكوني تخلصتى من الريحة تاعو ويصبح جاهز للتحظير الحلاويات تاع اللوز بلا واحد مايفيق انشاء الله نكون افدتكوم سلام