مشكلتي

مشكلتي · 2014-01-17, 15:29

السلام عليكم و رحمة الله تعالى و بركاته
أبدأ في طرح مشكلتي مباشرة
والدي انسان مقلق بزااااااااف و أحيانا يطلعلوا السكر تخيلوا في كل مرة يعادي فرد من أفراد العائلة راه قريب يعادي كل العايلة شخصيا لم يكلمني منذ 3 سنوات بداعي أنني رفعت صوتي عليه توسلاتي و كل محاولاتي باءت بالفشل من أجل أن يصالحني ، والدي لا يتكلم معي بالرغم من حبي الشديد له اخاف أن يصيبه مكروه هذي مشكلتي و من جهة أخرى تقدم بي السن و أصبحت أكبر بنات حينا أحيانا والدي يبدا يقول لأمي بنتك بايرة أسمع هذا المصطلح كثيرا من عندوا حين يكون غاضبا ، والدتي تتكلم معي ولكن هي الأخرى تجرحني أحيانا ، لي ماشافش الخير في دارهم كيفاه يشوف الخير في ديار الناس
الله يخليكم أدعوا لي دعوة صادقة في ظهر الغيب لعل الله يرزقني زوجا صالحا

ايمان نور الجزائر · 2014-01-17, 19:19

ياربي على هاذ الناس؟
يجيبو ولاد من بعد يعايروهم الولد اذا ما خدمش والبنت اذا ما تزوجتش
فعلا عيب عليهم الله يهديهم
على كل حال راهم والدين مهما عملو حقهم علينا كبير اسمعي وارميها موراك
راه من القلق الواحد يخرف
ان شاء الله ربي يسترك بزوج صالح وكل لبنات

اسهاء · 2014-01-17, 20:32

الله يرزقك من اوسع ابوابه و يفرج عليك همك
عليك بملازمة الاستغفار

الملتزم لله · 2014-01-17, 20:42

معليش اصبري برك

○•ميسون•○ · 2014-01-17, 21:03

هاذا أب مريض نفسيا و حاب يدير مشاكل لأي سبب

ربي يهديه

ربي يرزقك الزوج الصالح و يهنيك

tuba21 · 2014-01-21, 14:07

يا اختي والدك راه غالط مافيهاش كلام
هو من النوع العصبي و ربما المرض نتاعو يزيد عليه و بيدا يتعدي عليكم بتصرفاته ويجرحكم بكلامه
مي واش تحبي يبقى والدك و لازمك عليك تصبري عليه و تدعيلو ربي يهديه
و ان شاء الله ربي يجازيك احسن جزاء

naamane3 · 2014-01-21, 14:20

شوفي يابنت الناس
اولا طاعة والديك مطلوبة
وثانيا صالحي اباك مرة ومرات والف
ولا تملي حتى يعفو عنك
ثم اطلبي منهما الدعاء بدل الكلام الذي لا فائدة منه
واكثري الاستغفار والدعاء
والله المستعان

زهرة كل يوم · 2014-01-21, 14:30

ربي يحنن عليك والديك ويرزقك بابن الحلال يلي يفرح قلبك ويهنيك

pharma-93 · 2014-01-21, 14:53

ربي يهدي الامور بيناتكم وان شاء الله ربي يرزقك بالزوج الصالح واصبري هذا ماكان

مريم العدراء · 2014-01-21, 22:56

الله يهديه ويرزقك الزوج الصالح واكثري حبيتي من الاستغفار فهو مفتاح الرزق واصبري فإن الله مع الصابرين

ابوبكر17.00 · 2014-01-22, 08:55

السلامك عليكم
حاولي تصلحي حالك مع
ابيك مهما كان
سريع الغضب ، مايسمعش للناس ....إلخ
المهم لازم واحد يتوسطلك أخوالك أو أعمامك .......... إمام المسجد ...ربي يسهل
شغلك الشاغل رضى أبيك و أمك
ربي يكون في عونك

نارينا · 2014-01-22, 21:16

لازمي الاستغفار وترك الذنوب ليفرج الله همك والله يهدي والديك بايرة مش راح تخرجي تدبري راجل المكتوب يجي لعندك راكي مطلوبة مش طالبة .....ربي يفك اسرك وراح يعرفوا قيمتك كي يحل ربي مشكلك وتروحي

7anine 87 · 2014-01-22, 21:21

ربي ييصلح الاحوال ويرزقك الزوج الصالح عاجلا غير اجل

loulita mimi · 2014-01-22, 23:52

اول حاجة احمدي ربي و اشكريه انو عندك والديك
كاين اللي يتمنى ينطق كلمة بابا و ماما
كاين اللي يتمنى اب ولو حتى من بعيد
كاين اللي يقلك نحب يكون عندي بابا ان شاء الله يضربني صباح و عشية المهم نشوفو و نسمع حسو في الدار
صلي و ادعي ربي يحفظهم يمكن من الخوف عليك ولاو يجرحوك
لوكان تقيسك شوكة في يدك اول من يتوجع هوما
خممي في الحاجات المليحة القيلهم اعذار ادا كنا نلقو اعذار للاغراب
منلقوهاش لاقرب الناس لينا ؟؟ حتى لو جرحونا عمرهم ما يكرهونا
معرفوش يعبرو على حبهم برك
ربي يخليهملك و يرزقك الزوج الصالح

khawlita.dz · 2014-01-24, 00:35

تقبلى يا اختى عصبية والدك ولا تلقى بالا لما يقول فللربما كبر السن و المرض يؤثر عليه وايضا عصبيته
حاولى ان تصلحى علاقتك به فلربما يشعر انك لا تحبينه لهدا يتكلم هكدا
لا اقول معه حق وانما اقول انت اصغر سنا وانت الابنة فتقبليه و تقربى منه واصلحى علاقتك به فمهما كان قاسيا هو والدك
واكيد يكن لك كل مشاعر الابوة وان حدث لك شىء سيتالم ببساطة انت من صلبه

اتعلمين مهما كبرنا اولياءنا داءما يعتقدون اننا اطفال و صغار
ان شاء الله يسك
ادعى الله ان يالف قلبيكما وان يرزقك الزوج الصالح اللى يهنيك
اما والدك فلا تحملى له بقلبك فصدقينى ستشتاقين لكل لحظة و حركة منه ومعه ان اختفى يوما من حياتك
مهما كان فان حسه بالدنيا يعادل الدنيا بما فيها ولا تضيعى فرصة وجودك معه بالبيت
تقربى وتقربى حتى ينصلح الحال
بالتوفيق الله يهنيك