السلام عليكم
سامحوني نهدر بالدارجة انا قلت من قبل بلي كنت ساكنة في الشمال ومبعد انتقلت الى ولاية جنوبية لقيت سكان هده الولاية يعاودو الزواج عادي وكاين منطقة لي ماشي معاود الزواج يسميوه لعور المهم جاتني شوية غريبة بصح تقبلتها
الحاجة لي ماقدرش عقلي يتقبلها راهم يتزوجو بلا عقد مدني يعني قدام الدولة ماشي متزوجين mais قدام العايلة والجيران راهم متزوجين مازال ماعرفتش ادا يقراو فاتحة في الجامع برك ولا يكتبو ورقة بيناتهم يعني عقد عرفي حبيت نقرعج بصح الزوج ديالي كيما الرجال كامل مايهتمش بالتفاصيل وجابلي نص حكاية وانا واحدة كيما النسا كامل تحب تعرف كلش ورايح يقتلني الفضول
المهم واحد يخدم مع زوجي متزوج بهاد الطريقة وبماأن الزواج ماشي مسجل في البلدية يعني هي مازالت عازبة في الاوراق الرسمية هدا خلاهم في خدمتها ينقلوها الى ولاية اخرى ولات هي في ولاية وزوجها في ولاية أخرى ولاحظت بلي الزوجات الثانيات كامل خدامات للمشاركة في المصاريف تاع الدار. مازال مافهمتش كيفاش يقبلو يتزوجو بهاد الطريقة لوكان الزوج يموت ماشي تخرج من الحكاية بلاحقوق الزوجة الاولى هي لي تدي كلش
انا حبيت نسقسي الأخوات ادا ممكن يقبلو يتزوجو بهاد الطريقة وهل ممكن تتخلاي على حقوقك من أجل راجل ماشي مستعرف بيك رسميا.
اتمنى من كل الأخوات اثراء الموضوع بتعليقهن على هده الظاهرة وشكرا
( تقرير عن مشاركة سيئة )، و الموجودة أسفل كل مشاركة .
2014-01-21, 13:10
ظاهرة الزواج العرفي
العرض الشجري