نحتاجكم اجيبوني عاجل بارك الله فيكم

[maissa54]

السلام عليكم اخوتي والله انا في حيرة كبيرة انا فتاة عندي 26 سنة يعني في سن الزواج تقدملي ابن عمتي والله هو انسان طيب لباس بيه لكن المشكلة اني مكستحيل نتوقعها ما عندي حتي ميل اتجاه نتخيلو كي خويا راني مخنوقة ما قدرتش قلتلهم لا لا درك الاب نتاعي يلومني قالي تبقاي هكا واكي كبرتي..........وانا ما نيش خلاص حابة خلاص وعمتي تغشت......انا خايفة من ربي هل عندي الحق نرفض وهو عبد صالح بلا سبة الا لاني ما رتحتش ما نقدرش خلاص نتقبلها مستحيل وخوفني الاب تاعي اكي كبرتي بلاك ما يزودوش يجيو يخطبوك..... انا عندي امنيات طموحات في زوج المستقبل انا نتمنا ويبقي الامر كله في يد الله هذا ولد عمتي راني مخنوقة لا نقبل تحتمت وخلاص اني مشوشة.توسوست بارك الله فيكم اعطيوني رايكم وهل نقبل وانا مش فرحانة اني درت استخارة بارك الله فيكم اعطوني رايكم بمجرد التفكير نتخنق وكفاه رايحين نديرو مع عمتي الى تغشت...وانا في 26 سنة لكن جيتو في بلاصتي

[yousra14]

اثبتي وصمّمي على رأيك ولا تختنقي ولا تغتمّي
وانتظري نصيبك سيأتيك ولن ياخذه منك احد

ردّ يالك تتزوجي به من أجل إرضاء أيّ أحد لأنك الوحيدة التي ستدفع الثمن غالي وربما تطلقين لاا قدر الله
أسعدك الله ولا تنسي انت لست كبيرة لا تقلقي

[omhadil]

شوفى اختى هذه نصيحة اخت لاختها
امر الزواج ليس لعبة القرار الى تخذتيه راه صائب واحسن مافعلتى
يعنى اليوم خير من غدوة تولى فى الطلاق لا قدر الله
اما بخصوص عمتك فهميها بلعقل
واما بخصوص ابوك الى قالك كبرتى ومايزيدوش يجوك الخطابة فهو غالط فى حسابو لانو هذا راه مكتوب ربى
وكل واحد ربى الى يرزقو
وكيما يقولو مكتوب حد ما يديه حد
انشاء الله يرزقك ربى بواش تتمناي اصبرى واحتسبى
وانتى ماعندك حتى ذنب عند ربى

[محمد جديدي التبسي]

عمتك تغضب أيامات وترجع خممي في نفسك فقط لأن الأمر يتعلق بحياتك ومستقبلك
ربي يفتح عليك

[فخورة بحجابي]

نقولك استخيري وعاودي وعاودي حتى ربي يفرجها عليك واذا راكي خلاص مقتنعة بلي ماكيش قابلة فعليك بالالتزام بقرارك رغم كل الضغوطات خير من تعيشي حياتك كاملة ندمانة .

[بتول8]

ماراكيش غالطة و الزواج مش بالغصب و قلبك دليلك و نصيبك حيجيلك

[وجدان تقوى الله]

الزواج مكتوب ليس بيد حبيب ولا بيد عدو لكن مدامك مكيش مرتاحتلو متديهش من بعد تندمي لانك تسالي ربي راجل راهو يعطيهلك في الدنيا ولا الاخرة

[fatih84]

لحقيقة انك انت ...بينك و بين نفسك ...و اي فتاة تتمنى صفات معينة و لها صورة مسبقة عن الرجل الذي تتمناه شريك حيلتها .......انت اعلم بما تريدين من شريك حياتك ان يكون ربما شروط و معايير ....و اشياء لم تجديها في هذا الشخص .......و رفضك له الأن مستحيل بعد الزواج ....إحتمال كبير تندمي ....الحل شخص اخر .

[maissa54]

بارك الله فيكم على الرد والنصيحة ربي يجازيكم كل خير والله ريحتوني شوي

[hodahodahoda]

يا اختي اعطي لنفسك فرصة مادام هذا الشاب صالح لعل الله يخلق في قلبك شيئ ما نحوه

قد كنت تنظرين اليه كاخ انظري اليه الان كزوج
انظري للامور الحسنة فيه فكري انك ممكن لا تجدين رجلا اخر في اخلاقه
الاحاسيس تدخل القلب ببطئ لا تتسرعي فتندمي
عندما ترين زوجته مستقبلا و كيف يعاملها و كيف يدللها مادام انسان صالح
ستتالمين كثيرا
فكري جيدا

[نارينا]

يا اختي مدام درتي صلاة الاستخارة وعتي مخنوقة معناها مفيهاش خير ومش معنتها راه صالح يعني رح تعيش انت معاه لباس ممكن لقدر الله تديه ومتجيبوش اولاد او راكي تعرفي قول الرسل عليه الصلاة والسلام باعدو تصحو او تكثر المشاكل بين العائلتين وكي تقولي عمري 26 ضحكتيني مالا وش يقولو بنات الثلاثين ادعي ربي يفرج عليك مزالك صغيرة وباباك ربي يهديك الرزق والمكتوب في علم الغيب عند ربي محقوش يقول متزيديش تزوجي هذا شيء في علم الغيب ومكتوبك راح يجي يجي

[maissa54]

يعطيكم الصحة على الرد ربي يجازيكم خيرا والله غير ريحتوني

[كلنا راحلون]

السلام عليكم والله في عونك

[tuba21]

يا اختي مريت بنفس الوضع و عادي جدا
انا اصلا ضد جواز الاقارب لعدة اسباب
وخاصة المقربون جدا
ماكيش حابة تترتبطي بيه رغم انه لايوجد شيئ يعيبه و هدا حقك
قولي لا و لا عليك
اما فيما يخص السن ,حطي في بالك بللي الزاوج مكتوب
و جامي تقولي انايا كبرت نقبل و خلاص راكي رايحة تعيشي حياة كاملة ماشي يوم او يومين
و ربي يرزقك واش تتمناي

[بنت لبحر]

ربي يكون في عونك

مدام صليت الاستخارة خليها على ربي