مشكلة

مشكلتي · 2014-01-19, 20:20

السلام عليكم و رحمة الله و بركاته
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله
المشكلة قد تبدوا لكم صغيرة لكن هي بحجم كوكب الارض بالنسبة لي
عندنا دار و الحمد لله و عايش مع ابي و امي و إخوتي و جدة و عمتي
المشكل ان جدتي و عمتي اناس جاهلين جامي قراو و الكارثة روسهم و قلوبهم فولاذ قاسيين لدرجة متتصوروهاش و تاني قاصرين في زوج لكن عمتي تققدر تقوم بأعمال المنزل
امي اكثر من 20 سنة و هي هازتهم و جدتي معليش كبيرة بالصح عمتي شيكوووووور متطيب متسيق مدير والوا النهار و طول و هي قاعد تتشوكر الصباسا يا محاينك تاكل و تنوض مامبا متغسلش الطبسي لي كلات فيه و الحق هي مهيش محتومة على امي و كي تحكيلي امي كيما تزوجت قالتلي داروا فيا التير
المهم كرهناهم مام الشيخ كرهم و كل يوم المشاكل معاهم و احنا الحقيقة عندنا دار وحد اخرى لكن تكسرت شوي و هوما محبوش يسكنوها المهم انا تعقدت منهم صراحة
اعرف انه ابتلاء من عند رب العالمين لكني انا لدي احلام في الزواج و تكوين اسرة لكين ليس معهم أكيد يهبلوا بنت الناس ولا ولادي المهم حجرة في السباط
افكر في شراء بيت في الجزائر العاصمة بيت بسيط لكن كيف اترك امي تتعذب معاهم و هل هوما محتومين عليا
إنصحوني يا خاوتي راني نقلق من جيهتهم

فارس وجواد · 2014-01-19, 22:22

و الله يا أخي حيرتني و لم أعرف ما تريد منا أن نقول لك.
هناك أشياء في هذا المجتمع جزء لا يتجزء منا حتى و لو اعتبرناها مشكل لكن ما عسانا نفعل .
مهما كان فهم اهلك و عائلتك .

قطر الندى13 · 2014-01-20, 09:43

ربي يفرج عليكم

ابوبكر17.00 · 2014-01-20, 11:22

السلام عليكم
كان الله في عونكم
واحد ماهو محتّم على الآخر
و أمك ماتسمحش فيها حذار
و أبوك وين ؟؟؟؟؟؟؟؟؟؟

tuba21 · 2014-01-20, 22:47

جداتك لاعلينا مي عمتك ماهيش محتمة علي حتي واحد لا علي امك و لاعليكم انتم و خاصة راهي انسانة شرانية
نظن راك كبير حاول احكي مع عمتك بارسكو انت وليد خوها و ماش رايحة تكون حساسيات بينكم
حكي معاها بالعقلية و فهمها بلي راهي غالطة و حاول ماتجرحهاش بالكلام باش تسمع منك و تقتنع
ربي يكون معاكم وربي يهدي عمتك

b.mayssouna · 2014-01-21, 11:51

السلام عليكم
انت راكي تشوف غدوة بشكل لكن نسيت انو ربي هو لي يقدر وواحد ماعلابالو بالغيب
انا نقدر ننصحك بنصيحة وحدة برك
اياك وتخلي امك ايااااااااااااك

♪سٌموّها الشَامخ♔ · 2014-01-21, 14:44

ربي يفرج عليكم
المشاكل الأسرية لا يكاد يخلو منها بيت

هاذي هي الدنيا

pharma-93 · 2014-01-21, 14:51

ربي يفرج عليكم هذا واش قدرت نقلك

نارينا · 2014-01-22, 21:25

انا امي ربي يرحمها خدمت بيت شيخها وعماتي المطلقات اكثر من 20 سنة لكنها كانت كتومة ولم تخبرنا بمشاكلها القديمة واتت ابنة خالتي في احد الايام وحكاتلي ماعانته امي منهم ومن ظروفها القاسية ولما صارحتها قالت ان عجوزتها اي جدتي كانت ناس ملاح وكانت ممتنة لامي اللي هزت الدار على ظهرها وذلك الامتنان جعل امي تنسى وتتغاضى ويوم احتضار جدي نادى امي وطلب منها السماح عوض ان تطلبه هي ........حاليا احترم كل عماتي ولست حاقدة عليهن وكلهن يشكرن امي خلال حديثهن والله يجازي اللي دار الخير واللي دار الشر يهديه

loulita mimi · 2014-01-22, 23:45

علاه متخدمش الدار الثانية اللي عندكم في مقام ما تروح تشري دار و تدي معاك يماك و تتزوج و تعيش حياتك عادي

الفاتحة · 2014-01-23, 11:44

أخي مهما كان هاذوك أهلك وهما نساء وضعاف حرام عليكم لوكان تتخلاو عليهم أخي أعمل الخير وأكيد راح تلقاه عند ربي ...الله يهديك ويهديهم