صور بعض الماكولات المشهورة في مكة المكرمة

[ninafret]

حبيت نشارككم هاد الصور لعشايا في مكة المكرمة وفعلا اكلهم لديد جدا خاصة الارز والفراخ المعمولة بخلطة لديدة جدا ومشوية على الفحم
ادا عجبكم شكل الروز نزودكم بالطريقة ماتخافوش عليا سالت صاحب المطعم وحشمتو حتى عطاني الطريقة هي غريبة علينا لكن الدوق رهيب











السلام عليكم لكل من طلبت وصفة الارز على الطريقة الخليجية
في كوكوط او طنجرة حطيملعقة زبدة او سمن مع ملعقة زيت زيدي معاهم ثلاث ملاعق دويدة او فارميسال وحركي فوق النار حتى تكتسب اللون الدهبي في هدا الوقت زيدي زوج كيسان اينوكس من الارز البسمتي او العادي تكون نقعتيعم في الماء العادي نتاع الحنفية مدة نصف ساعة وتصفيهم وتقطريهم مليح تكملي تحركيهم مع الدويدة حتى يولي لون الارز شفاف في هدا الوقت زيدي ثلاث كيسان ماء عادي وربع عود قرفة وحبة قرنفل ورشة زعفران بودرة وحبة هيل ممكن تستغناي عن الهيل وتستعكلي زوج حبات فلفل اسود غير مطحونة وشوية ملح ماتكتريش الملح باش مايجيش الارز معجن وكي يطيب زيدي حسب الرغبة حركي الخليط فوق النار حتى يغلي كباشرة نقصي النار وغطي الطنجرة بساشي او ورق المنيوم خطوة وهمة ثم حطي فوقها الغطاء عادي خلي الكل على نار هادئة جدا من عشرة الى ربع ساعة نحي الغطاء والساشي بحدر لان البخار المتصاعد قادر يحرقك حركي بفرشيطة من فوق لتحت وفرغيه في بلاطو ولا صحن واسع حتى مايكملش الطياب ويبرد وما يعجنش وقدميه مع دجاج محمر او لحم فيليه مع صلصة ولا حسب الرغبة
ملاحضة انا دائما نستعمل لكل كاس ارز كاس ونصف ماء يجي روعة وكل حبة وحدها
كل كيلو ارز يعمل اربع كيسان اينوكس مليانين ويلزمهم 6كيسان ماء
خطوة مهمة حدا انك لما تصبي الماء فوق الارز تحركي بملعقة الخشب حتى الغليان ثم تنقصي النار وتغطيه حتى تطيب كل الحبات مع بعضها وفي نفس الوقت
انقعي الارز في الماء قبل الاستعمال وصفية هكدا يروح كل النشاء الموجود فيه ومايعجنش
طريقة تحميص الارز تخليه مايعجنش وتجي كل حبة وحدها
ممكن تستغناي على كل التوابل السابقة فقط حمصي الارز في الزبدة وتزيدي لحم مفروم مقلي نصف استواء ومداوي بثوم وفلفل اسود ومعدنوس على الارز مباشرة بعد ماتزيدي الماء وخلي الكل يطيب اممممممممممممممممممم يعطيك دوق رائع وقدميه لوحدو من دون اضافات
ممكن تستغناي على الدويدة وتستعملي الارز مباشرة وممكن تحطي معاه جزر مقطع مربعات وجلبانة يكونو مفورين وتزيديهم فوق الارز كي تمرقيه بالماء لكن زيدي نصف كاس ماء معاهم لان الخضرة تتشرب الماء وكملي نفس الخطوات
مابقالي غير نتمنالكم التوفيق وراني نستنا تطبيقاتكم