galon عقدني

mabir · 2014-01-02, 21:11

السلام عليكم
انا مبتداة في الخياطة جربت القالون تاع الجلابة تاع المغرب في قندورة و جاتني مخزمطة اي مكمشة ارجو من الاخوات نصيحة لكيفية استعماله لانني اريد خياطة قفطان بسيط

stayfiya · 2014-01-02, 21:24

شوفي اولا حدي القالون مليح و من بعد ارخفي رجل المشينه راهي عندها منين تريقليها و كبري النفدة تاع لخياطه و لكان لقماش رقيق ديريلو الجرنان من تحت او الفيزلين و ماتشبحيهش كي تعودي تخيطي خليه على راحتو هههههه

*منى* · 2014-01-02, 21:27

شوفي اختى انا ثانى مبتدئة في الخياطة لي تعلم فينا قالت شمخوه وحدوه قبل وكي تعوي تركبي فيه ابداي بالجهة الدخلانية ثم الجهة لي على الحاشية

mabir · 2014-01-02, 21:38

شكرا حبوباتي السطايفية و منى و الله قنعتني افكاركن درك نطبقهم في زوج نشمخو و نحددو و كي نخيط نرخف الرجل و نكبر النفذة هههههه
بارك الله فيكن

ديشة · 2014-01-04, 11:08

القالون يشرب على هادي نحطو في الما اما لخياطة لازم ترحقي القالون وتدزي شوية يعني دزي شوية القدام ماشى تجبدي

mabir · 2014-01-04, 11:28

الاخت ديشة قلتي دزي واش ندز القالون ؟

فوزية1975 · 2014-01-04, 15:59

انا ثاني عندي نفس المشكل بغيت يجيني كيما الجلابية الي يتباع لكن يجي مرخوف و ماهوش متحوف

ايناس10 · 2014-01-14, 23:46

حدي الفيزلين من تحت على الطريق الي راح تعدي عليها بالقالو ةكي تخيطي ارخفي القالو متجبديهش كي تخيطي واثناء الخياطة راح السنين يكسلوهولك تلقائيا

الصمت حكمة · 2014-01-15, 11:00

شكرا كن جميعا على المعلومات رانا كامل نستفادوا