مشكلتي

[مشكلتي]

[لسلام عليكم ورحمة الله وبركاته.

المشكل كيفاه يدير واحد حب وحدة وعشق فيها و كان كل الحلم و التمنيات تاعه تكون زوجته ( كان حب الأول في حياته وحب صادق وتاع زواج وتقدم يخطب ورفضوه بسبب العمل pré emploi )ودار المستحيلات باش يكون معاها وهي قالت عمري ولا نسمح فيك وكان داير أنها كيما كانت تقول نموت على جالك ومنسمحش فيك وبعد أكثر من سنتين علاقة قالت جاو خطبوني وصراو مشاكل وتفارقو وماعرفش أخبارها..والشخص ماقطعش الامل وبقى يحوس على عمل وبعد سنة لقى خدمة مليحة وجمع بعض المال وراح يحوس على البنت باش يخطبها لكن كانت الصدمة كبيرة البنت لقاها تزوجت من 6 أشهر وسمحت فيه عادي وكل الوعود كانت كدب في كدب حثى عرف أنها تزوجت من واحد يخدم معاها وأختها هي لخبراته و سمع كلام يجرح وعرف انو نخدع وكدبو عليه.هنا حبيت نهبل وصرا فيا العجب غير ربي سبحانو يعلم بيه تعذبت ومرضت على جالها لولا ربي لطف بيا.
المشكلة درك هي أني بعد 4 سنوات وأنا نحلم بهديك البنت والله غير كنت داير غير هي نتزوجها 100% وعطيتها كل حبي وقلبي وفكري وفي هدا اليوم لراني نكتب في الموضوع راني في 3 أشهر ملي عرفت بلي تزوجت وما قديش ننسى ومازلت مهموم وحياتي مخلطة عليا.
ياخاوتي راه عندي 32 سنة وأهلي جبدولي على الزواج وأنا راهي مخلطة عليا راني نقول هي راهي متزوجة وعايشا حياتها وأنا مزلت نخمم فيهالأني مازلت نعشق فيها ومتحسر على خسارتها رغم أنا جرحتني بزاف.
أنصحوني بارك الله فيكم كيفاه أندير غير يقولولي أهلي لقينالك وحدة ولا نخمم أني نخطب بنت أخرى ونتزوج بيها قلبي يتزير وتجيني الضيقة وننهم راني خايف اذا نضلمها معايا وحثى فقد ت الثقة في النساء.
سمحولي لطولت عليكم وأخر شيئ ننصح كل أخ و أخت خطيكم من أي علاقة والله الانسان الصادق بنت أو ولد راح يتعذب بزاف ونعلم أنا من أحب شيئ لغير الله عذب به .الله يغفرلنا ويهدينا

[حضنية28]

يا اخي لوكان من الاول جيت بالحلال ومعملتش علاقة لو كان ربي سبحانه وتعالى سهلكم في زواجكم ولكن قدر الله وماشاء فعل يا اخي ننصحك ترجع لربي سبحانه وتعالى وتبني حياتك من جديد انسى اللي فات وابني صفحة جديدة الدنيا لا تتوقف على شئ خسرته هاته الفتاة لم تكن من نصيبك لامر لايعلمه الا الله
وربي يرزقك ببنت الحلال ان شاء الله

[رحمة من المولى]

الله يرزقك اللي تنسيك و تعيش معاها حياة هانية و عسى ان تكرهو شيئا و هو خير لكم ثق في الله تعالى ما منعك من شيء حتى راه مخبيك أحس منو
ان شاء الله يفرج عليك عن قريب

[ains]

السّلام عليكم ورحمة الله ..بعد أن صارت تلك الفتاة في عصمة رجل آخر لا يجوز لك أخي الكريم
أن تتكلم عنها بمثل كلامك هذا أحسن الله إليك (نقول هي راهي متزوجة وعايشا حياتها وأنا مزلت!!!!!!)
لا يجوز لك إطلاقا هذا أخي الكريم فيقينا أننا جميعا لا نرضى أن يقال هذا في عرضنا فأيضا
لا نقبله في أعراض إخواننا ..

نتفهم مشاعرك أخي الكريم ونعلم أن الأمر صعبٌ عليك ..لكن هذا قضاء الله وقدره والخيرة فيما اختاره الله لنا
ولو كنا نعلم الغيب لاستكثرنا من الخير وما عليك الآن إلا أن تقطع تفكيرك حالا في تلك الفتاة فهي صارت زوجة وعرضا
وحرمة لرجل مسلم مثلك ثم لتشرع في البحث عن من تناسبك في دينها وخلقها وتسأل الله العون والرّشاد
والهداية للصواب والسّداد
أسأل الله تعالى لي ولك وللمؤمنين والمؤمنات أن يشرح صدورنا ويكفينا ما أهمّنا وييسر لنا من لدنه فرجا عاجلا
إنه سميع الدّعاء وهو أهل الرّجاء وهو حسبنا ونعم الوكيل ولا حول ولا قوة إلا بالله العليّ العظيم..

[البيت السلفي]

ربي يفتح عليك، الآن العمل هو الرِضا بما كتب الله لك والتوبة
وأن تبدأ حياتك من جديد ، وتعلم أن ما أصابك لم يكن ليخطئك

ربي يعوّضك خير و يرزقك الزوجة الصالحة

[نورالهدى بيولوجيست]

يا اخي الانسان افكارو هي اللي تتحكم فيه انت ماكش حاب تنساها مش ماكش قادر لانو الناس والديهم راحو و نساوهم فمابالك بالناس الاخرى صدقني لوكان تنوي تنسى والله غير تنسى برك حاااااااااااااااااول مرة و زوج و ثلاثة برك كون قوي ماتكونش ضعيف و ثاني خويا اسمحلي نقلك بلي علاقتكم بااااااااااااطلة بالعكس حاول ترضي ربي سبحانو و تتزوج تحت اسس سليمة باش يصلحلك الزواج

ربي يسهل عليك

[TINZA2]

صدقني مكانش لي تستاهل
فيق لروحك و ربي يعينك
إنساها

[orchid violet]

ربي يصبرك اخي و يعوضك لي خير منها ....

[ايمان ايمانو]

يا أخي الكريم كلش بالمكتوب ، حاول تبني حياتك من جديد بما انك راك خدام لاخطارش لحياة ما تتوقفش عندها و بالاضافة راهي متزوجة ، تقبل مروري .

[عصـــام]

رُبّما تَعتقدْ أنّ هُنالگ شَخص مُناسب لگ فِي حيَاتگ ،
ولگنْ في النّهايہَ يختارُ الله لگ الشّخصْ الأنسَبْ .

[طيبة نفس]

لي بدلك بالفول بدلو بقشورو لو كان تحبك حتى لو قليلا كانت صبرت وسناتك ربي يعوضك خير منها خلي عندك كرامة وانسى لي نساك الايام كفيلة بذلك

[hodahodahoda]

انظر للحقيقة
المراة تزوجت و انتهى
و لا تلومها في ذلك ليس بمقدورها انتظارك و لا تعلم كم من الوقت و الله اعلم كم عانت من ضغوطات و مشاكل من اجلك

عندك امر وحيد اعطي لنفسك فرصة حتى تنسى هذه البنت
و لا تتسرع في الزواج تظلم الزوجة المستقبلية

[ابتغي الجنة]

صح كاين راجل يحب لهاد الدرجة ...........راني مستغربة
على كل حال مابني على باطل فهو باطل
عيش حياتك ونساها

[ranou gigi]

ربي يهديك ياأخي راك بعيد ياسر على ربي لذلك ننصحك قرب لربي و اخطاك من الحكايات هذوم نحبك و مانحبكش روح اتزوج من وحدة بنت فاميلا و عيش حياتك حتى انت و لوكان جات تحبك راي استناتك
حط حاجة في راسك بلي باعك بيعوا هذا ماكان
ربي يرزقك الزوجة الصالحة

[worodalmalak]

اخويا الطفلة هادي راهي متستاهلكش وربي درك يخرج فيها بالاك ربي مشا فلكش معاها لخير بالاك ضروفها لزتها باه تتزوج كلشي محتمل المهم راهي ماضي وفا راهي مرة راجل حتى التفكير فيها ميزوجش انساها ومحيها من حياتك راك كبير الله يبارك ماكش مراهق حنا بكل حبينا كي كنا صغار والحب الاول ديما مينجحش غير قليل انا نقلك حوس علا بنت اصل لي تصونك وتخاف ربي روح اخطبها وراهي كل طفلة تختلف علا لخرى