كسرة الرخسيس..قاطو...من مطبخي ,,,,

[ام اسحاق.]

السلام عليكم و رحمة الله و بركاته
اليوم جبتلكم كسرة الرخسيس على طريقتي وبما ان كل من ياكلها
دون فخر تعجبوا حبيت نجيب هالكم



المقادير
3كيلات و نص دقيق (سميد) من النوع الممتاز
نص كيلة فرينة
نص كيلة زيت عادي
ربع ملعقة قهوة بيكاربونات
2ملعقة قهوة خميرة كيميائية
3ملعقة قهوة ملح (عينك ميزانك ..تقدري تزيدي)
1ملعقة اكل خميرة الخبز (ماهيش معمرة)
ملعقة اكل كبيرة (زرارع) خليط من حبة حلاوة و سينوج و جلجلانية
تفركي جيدا بين الاصابع حتى تدخل كل المقادير في بعضها
ثم تلميها بحوالي 2 كاس ما دافىء او اكثر شوي حسب السميد (كاين السميد لي يشرب) ...تضيفي بشوي و تلمي حتى تتحصلي على عجينة ملساء ...تميل انها تكون يابسة
المهم ماشي طرية تعجنيها غار شوي ثم
تغطيها بكيس بلاستيكي او film alimentaire لمدة نصف ساعة





ثم تقسميها الى اقسام متساوية على شكل كرات و تعاودي تغطي و تخليها ترتاح شوي
في هذه الاثناء تسخني الطاجين جيدا و تخلي النار قاوية
تمدي هذه الكرات الى قرصات و تطيبي

مهم انك ماتقلبيش ياسر بش ما تيبسش طيبي الوجه الاول مليح و مبعد قلبي...بش تجيك هك





اتفضلوا بالصحة و الهناء




ملاحظة انا الكيلة لي كيلت بيها غرفية تاع flan كبيرة تهز نصف باطة زبدة لابال

[~اسيل ريحانتي~]

امممم يعطيك الصحة حنونة

[ام اسحاق.]

المشاركة الأصلية كتبت بواسطة ام زكريا2

امممم يعطيك الصحة حنونة

الله يسلمك ام زكريا ....ربي يبارك فيك

[ام محمد78]

يعطيك الصحة

[نيفرتيتي.]

بارك الله فيك

[عطرالذهب]

ما شاء الله حوايجك كامل يهبلوا وعلاش ما تلتحقيش بينا في واش طيبتي اليوم رايحة تفيدينا كثيرا

[أم إناس]

ماشاء الله يعطيك الصحه

[miinoucha25]

بارك الله فيك

[راجية عفو الله]

يعطيك الصحة

[انا حبة سكر]

يعطيك الصحة
وبارك الله فيك رخسيس وعليه لكلام

[Fatima fato]

امممممممممممممم يعطيك الصحة
يسلمووووووووووووو

[zahra30]

بارك الله فيك

[ام خديجة1]

ما شاء الله فختي ام اسحاق رخسيس تشهي بارك الله فيك

[صابرة2013]

ما شاء الله يعطيك الصحة

[sarra5]

merciiiiiii khtii