راني في حيرة

[مشكلتي]

السلام عليكم .. راني في حيرة من أمري و ما حبيتش نتصرف حتى نستشيركم لأني متأكدة أني راح نلقى عندكم الرأي الصائب
أنا بنت عاقدة منذ عام و نص و زواجي بعد سنة لضروف معينة .. تخطبت أخت زوجي و أقاموا حفلة الفاتحة في بيتهم الأسبوع الماضي لكن لي حيرني أنهم ما عرضوش حتى أمي على الأقل ؟؟ ولا هو عيط لبابا يحضر معاه في المسجد ... أنا متعجبة جدا,, جاتني ما قيموش عائلتي إطلاقا ,, كيفاه فرح كبير قايم في دارهم و ميفخروناش خلاص؟؟؟
ما تضنوش انه تفكيري تافه لكن والله حزت في نفسي ,, من ناحية القدر برك مش من منطلق الاهتمام بالتفاصيل لأني أكثر انسانة تمقت هذه الصفة,
رغم أنو التصرف هذا ماعجبنيش إلا أنني كلمت زوجي عادي و باركتلهم ولا عائلتي تعلم شيئا عن الموضوع
ساعات نحس روحي ساكتة بزاف مش ضعف مني والله لكن من باب الطاعة لزوجي و الإحترام و الترفع عن سفاسف الأمور,, بصح حاسة بلي أهلو فهموني غلط ولازم نوضح أمور رغم أنني راح نسكن وحدي و ننتقل معاه إلى مقر عمله في الجنوب يعني مش راح نحتك بيهم أبدا,
ساعات الإنسان يضيع في تفاصيل الحياة اليومية و مايعرفش الصح من الخطأ
باختصار عندي حق نتحسس من تصرفهم أو لا؟؟
في رايكم نبقى على تجاهلي للموضوع ولا نلمحلو بلي يجول بخاطري دون ما نجرحو؟؟

[chromato]

لعل عائلة زوجك ليس من عادتهم دعوة الغير في مثل هذه المناسبات

[النجمة القطبية]

شوفي اختى قلتيها بنفسك انا مترفعة عن سفاسف الامور اذن الجواب في مشكلتك الله يباركلك في عقالتك
وحسب ما اعرف والله اعلم الفاتحة من الامور الشخصية جدااا يعني احيانا العروس نفسها تقرر من يحضر باش متكلفش نفسها بزاف فكما هو معروف الفاتحة ماشى مفروض انو الناس يديرو حفلة عليها والله اعلم يعني المهم في الفاتحة الرجال وليس النساء
كمثال صديقتي دارت فاتحتها منذ فترة وعرضتنى ولما رحت بيتها لم اجد احد سوى اهل العريس لا عماتها ولا بناتهم ولا بنات الاخوال يعني مثل هذه الامور راهي منتشرة جدااا في وقتنا الله يبارك
متعمريش راسك ولا تفتحي الموضوع لزوجك وربي يوفقك في حياتك المقبلة

[ام رجاء 09]

السلام عليكم اولا ربي يكملك ويهنيك تانيا نظن ناسك ميعرظوش الانساب في فاتحة الا في الاعراس كل واح وعقليتو لكن الاهم من هذا تجاهلي الامر حتى مع زوجك مدام ماتسكنيش معاهم ما يهمك حتى شيء يجي من عندهم ربما بعد زواجك تفهمي تقاليدهم وعقليتهم وربي يسعدك

[غربة أهل السنّة]

المشاركة الأصلية كتبت بواسطة مشكلتي

من باب الطاعة لزوجي و الإحترام و الترفع عن سفاسف الأمور,, بصح حاسة بلي أهلو

و عليكم السّلام و رحمة الله و بركاته
أنظري إلى ما إقتبستُهُ من موضوعك!
أنت على حقّ فيما قُلتِ و لا تسهّلي على الشيطان الدخول إلى علاقتك مع زوجكِ و أهله
لا تتحدّثي عن شيء فلربّما تكون لديهم ظروف خاصّة..
إهتمي بما هو أهم في حياتك يا أختي
و أسأل الله تعالى أن يبارك لكما و أن يجمع بينكما في خير

[الحلم الجميل]

السلام عليكم
هو صح مادارش مليح بصح بلاك اهلوا صعاب و ما حبوش يعرضوكم و هو ما حبش يدخل روحوا
خاف لا تحتكوا بيهم و تصرى كانش حاجة..
و تاني حاجة في العرضات تلقي الرجال ما يتولهوش لشي صوالح ماشي كيما النساء
انا لو كان جيت في مكانك صراحة منسقسيهش الله يسهل عليهم يعرسوا و لا يقعدوا
و راكي رايحة تسكني وحدك ..و هاذي حاجة مليحة

[wafa16]

hadi fat7a 7anouna machi chert ya3ardou ga3 cha3b
balak darou 7afla 9isshom fel 3orss nchallah ya3ardoukom w hada houwa l wajib
w koul 3ayla kifach

[" أبو عبود"]

صراحة مش عارف انت واهلك واش دخلكم في خطبة اخت زوجك. اذا يعرضوكم انتم يزيدو يعرضوا جيرانهم وزيد انسابهم وزيد خالاتهم وانساب خالاتهم. هذا ولى عرس. املا صراحة الموضوع اصلا ما يستاهلش. وانت مش زوجته في داره وزديي لو عرس يكون معاك بعض الحق مش كل الحق. املا انسي الموضوع وهذا امر امر شخصي حتى زوجك مش من حقه يعرض . توكلي على الله ولا تفكير بطيرقة سلبية دائما. ربما لديهم ظروف لم تسمح لهم بتوسيع العزومة الى الجميع. مليون مبروك مسبقا واعلمي ان الزواج الناجح والعلاقت البشرية تعتمد على التنازلات. يجب ان يتنازل كل طرف شوية حتى يتم الاتفاق.

[khawlita.dz]

هم احرار وخصوصا انك ما زلت مادخلتيش عروس
خصوصا ان كان حفلة صغيرة بها فقط اقرب المقربون

[doba]

ربي يهديه فقط

[hodahodahoda]

انتظري انتظري انتظري
اراك متحمسة جدا لخلق المشاكل
و كاني اتصور حياتك مستقبلا
كيف تقولين اني ساكتة ومطيحة من قيمتي

يا اختي انت مازلت لم تدخلي بيتهم و اسرتكما ليست اسرة واحدة بعد صحيخ انكما الان في تقارب لكن مازلتم في البداية
انتظري حتى تدخلي بيتهم و تتلاقى قلوب العائلتين ثم لومي كما تريدين

احذري تريدين ان تكرهي روحك و انت مازلت ما دخلتيش