تطبيقي لقريوشات أم اماني 77

[سميحة.لد]

السلام عليكم .
انشاء الله تكونو بخير ...هاد المره جربت قريوشات ام اماني ربي يحفظها ..الي فيه 24 خط وجا هايل من حيث الطعم ...والوصفه الي درتها:
3كيلافرينة + نص كيلة نشا +لافاني + ونخلطهم مع بعض ثم أضفت مغرف صغيرة ونصف خميرة الحلوى وخلطتهم مع بعض ثم درت نص كيلة سمن ذايبه وبارده ثم درت حفرة في الوسط وفرغت فيها بيضة كاملة ..الاخت اماني دارت صفار برك +هي حلحلت بالماء وماء الزهر انا حلحلت بالحليب مخلط مع القليل من الماء وماء الزهر+قرصة الملح ولميت لعجينة خليتها طريه . وغطيتها باه مايدخلهاش لهوا ....
قسمتها 5قرصات صغار وحليتها في رقم1-2 من بعد رشيت النشا وطبقتها كيما العجينة المورقة
ثم عاودت حليتها 1-2-4-5 انا حبست في 6 حتى وكانت الماشينة تحبس في 9 لانو في 6 جاتني رقيقه ولو نكمل كيفاه
درت مستطيل عرضه 12 سم ودرت 24 خط ونحبس كل مره هكدا
انا طبقت الطريقة التانية نتاع الاخت اماني 77 وطبقت 24 على 2 ثم زدت طبقت على 2 ومن بعد حكمت الجهة العلويه للقريوش وخرجتها من المنتصف قرصت على الحواشي نتاوع القريوشا ...
بصح راني دامرتش مع كل الحبات 24 خط عياتني مره ندير 24 ومره 20 وصلحت اكيد بصح الحبة الي تديري فيها 24 تجي احسن ..قليتهم في زيت سخون ونار ناقصة ثم من بعد مابردو عسلتهم ورشيت فوقهم الجلجلانية ...ان شاء الله تجربوها لانها تجي مورقه وهشيشه حاجه 4444444..