الغربال

[راعي الخير]

الله يا كريم بالعزّا تتجـــــــــــــــــلْ*****سبحلك ذا الكون رعدو وسحابــــــــــــو

الصلاة عليك يابدر الكامـــــــــــــلْ*****صلّو عل الحبيب هو واصحابــــــــــــــو

غربل ياغربال غربل واتمهّــــــــل*****وضّح النفيس أنفض اترابـــــــــــــــــــو

بين ياغربال ذهبو تحت رْمـــــــــلْ*****امعيرْ صافي معروف انسابـــــــــــــــــو

أعطيني ميزان الوقت أتحـــــــــوّل*****سبحانو باني الدهر وقلابــــــــــــــــــــو

الدنيا بندير مولاه ايطبـــــــــــــــــل*****والرقاصا اكثير عنها ماغابــــــــــــــــو

ماتعرف انثا ماتعرف راجــــــــــــل*****حاكمهم مهبول هو او قصابـــــــــــــــو

هاذا ساهي ذا بحالو يتحلحــــــــــل*****لا من لاهي بيه ضيع شبابــــــــــــــــــو

ياغربالي زيد خمم واستعقـــــــــــل*****أعطيني النفيس وانفض اترابــــــــــــو

انطقلي او قال ذا السوق ايهبــــــل*****غربالك مسكين اتوسع اثقابــــــــــــــــو

قتلو يا غربال اتكلم يا عاقــــــــــــل*****زلزل هاذ الناس لي قاع أصعابــــــــــو

أنتايا معروف ماتحمل الـــــــــــــذل*****والقالط منهم يرجع لصوابــــــــــــــــــو

غربلها جميع خليها تشعـــــــــــــــل*****الريش ايذا طال يلزم تقصابـــــــــــــــو

أبدا بالتاريخ عنو ماتغفـــــــــــــــــل*****واعطينا ومضات صفحات كتابـــــــــــو

سياسا والمال قي عنهم ســــــــــوّل*****الكاسب مليار والناس اتهابــــــــــــــــو

ما تنسا إيمام والمير امقابـــــــــــــل*****ماتنسا أديب شاعر اعقابــــــــــــــــــــو

أنطقلي كي الرعد يبرق فوق اجبـل*****كي مثل الطوفان رعدو وسحابـــــــــو

غربل ياغربال غربل واتمهـــــــــــل*****بين النفيس أنفض اترابـــــــــــــــــــــو

كلّمني بكلام بلسان ايفصــــــــــــــــل*****وصلى عل الحبيب هو واصحابـــــــــو

من بعد السلام احكا متأمــــــــــــــــل*****كل واحد منهم نعطيك احسابــــــــــــــو

أنظر للتاريخ في صفحاتو طــــــــــل*****أقرا في التراث تعرف اشعابــــــــــــــو

تاريخ الأجداد بشعاعو يشعــــــــــــل*****امخضب بالدم تعرف أنسابـــــــــــــــــو

ساكن فلقلوب عنّو مانغفـــــــــــــــــل*****ماتنساه فرانسا بالدهر اتهابـــــــــــــــو

اللي يزور فيه ميت ومغســــــــــــــل*****حاشاكم احمار قطّاعْ ارقابــــــــــــــــــو

هاذا خاين عهد واكتابو هامـــــــــــل*****هاذا مثل الذيب طاحت أنيابـــــــــــــــــو

غربل ياغربال غربل واتمهــــــــــــل*****بين النفيس انفض اترابــــــــــــــــــــــو

مولا منصب راه عشّا يسترجـــــــــل*****والكرسي لو طال ينزل رَكّابـــــــــــــــو

وعد الحق ايجيه ملكو يتزلــــــــــزل*****راه ايجيه انهار ويشوف اعذابــــــــــو

كل واحد ظلوم لابد يتحــــــــــــــــول*****يستخلا ينفوه أهلو واقرابـــــــــــــــــــو

مافكر ليتام واعجايز كهّــــــــــــــــــل*****مافكر فمريض هالك بعطابــــــــــــــــــو

يصبح ذا البزناس ايشاور مقـــــاول*****والقبر ايناديه مفتوح أبوابــــــــــــــــــو

والبطانا اتزيد تلثم واتقبّـــــــــــــــــل*****يتفاخر ويزيد يلحس اكلابـــــــــــــــــــو

دعوة المظلوم لابـــــــدّا تـــــــــــنزل*****واليابس مل العرف يلقا حطابـــــــــــــو

غربل ياغربال غربل واتمهــــــــــــل*****وضح النفيس وانفض اترابــــــــــــــــو

نستعجب إيمام بالدين امجمــــــــــــل*****يتفاخر ويزيد ينظر لجنابــــــــــــــــــــو

آيات القرآن راها تهد اجبـــــــــــــــل*****واعسلها زلال يروي شرّابــــــــــــــــــو

كيفاش الحرام يفتي وايحلــــــــــــــل*****غدوا عند الله تعرف جوابـــــــــــــــــــو

يا ظالم مولاك بالعزّا يتجــــــــــــــــل*****سبحلو ذا الكون رعدو واسحابـــــــــــو

حكّم يا مسكين قرآن امنـــــــــــــــزل*****خير الخطائين هوما من تابـــــــــــــــــو

غربل ياغربال غربل واتمهــــــــــــل*****بين النفيس وانفض اترابــــــــــــــــــــو

غربلت الكُتّاب وانا نتأمـــــــــــــــــــل*****وانعيط مجروح عنهم كي سابــــــــــــو

هاذ خلق اكثير أعمى وامكحـــــــــــل*****منهم الأمير فارس بركابـــــــــــــــــــــو

منهم البعير صنفتو ملْبــــــــــــــــــــلْ*****أجرب ولقطران امطيح ركّابــــــــــــــــو

يتمرمد مسكين واكلامو مـــــــــــردل*****يبني فلقيفار تديه اشعابـــــــــــــــــــــــو

منهم الأصيل مل لبعاد ايطـــــــــــــــل*****كل واحد معروف أهلو واقطابــــــــــــو

منهم فارس زين منهم مترجـــــــــــل*****منهم ميت حي كثرو نُدّابـــــــــــــــــــــو

[COLOR="red"]غربل ياغربال غربل واتمهـــــــــــــل*****بين النفيس وانفض اترابــــــــــــــــــــو

ننظر فلغربال اتقطع واتبهـــــــــــــدل*****هلكني مسكين دموعو كي رابــــــــــــــو

أنايا غربال نشتي نتغـــــــــــــــــــــزل*****او راني مهموم وجنابي طابـــــــــــــــو

الدنيا للخلق كي سجن امسركــــــــــل*****واحد متبسم اوذا لاهي بعذابــــــــــــــــو

أنا خشبا امْعوْجَا واحديد امصلصـــــل*****زلزال الحياة هاجم بخرابــــــــــــــــــــو

نختم بالصلاة ونزيد انكمــــــــــــــــل*****نصلى عل الحبيب هو واصحابـــــــــــو

الشاعر معروف ساكن فل الهامـــــــل*****يطلب من مولاه يضاعف مكتابـــــــــــو

[COLOR="Teal"]صلو عل الحبيب في يوم المحفــــــــل*****صلو ع الرسول آلو واحبابـــــــــــــــــوا
[
من ديوان /*مأثر الاجداد/ ب/ راعي الخير / يمنع النقل