غيرتي من زوجة اخ زوجي

[مشكلتي]

السلام عليكم

انا فتاة متزوجة بعقد شرعي ومدني لكن العرس مازال

مشكلتي هي غيرتي من زوجة اخ زوجي

سبب هذا الشعور هو زوجي طبعا

في العام الاول من زواجهم كانت لاترتدي الحجاب امام زوجي وكل يوم عندما يكلمني يقول لي لماذا لا ترتدين هدا النوع من الملابس مثلما ترتدي فلانة

اريدك ان تتكلمي وتعاملي افراد عائلتي مثل فلانة

اريد ان تكوني متل فلانة حيوية ومضحكة........... وهذا لانها تقوم بالتهريج وتضحك جميع من بالمنزل لكن شخصيتي تختلف تماما عنها بالرغم من انني اصغرها سنا


لماذا لا تقومين بصبغ شعرك باللون الفلاني اولماذا لاتقومين بعمل التسريحةالفلانية وطبعا هذا لان زوجة اخيه قامت بكل هذا

اصبح قريب جدا منها يحكي لها عن شجارنا وعن الكلام الذي قاله لي وقلته له تخيلو انه قال لي في ااكثر من مرة لولا فلانة لكنت قطعت صلتي بك لكن هي من قالت لي **ساعفها ***

لو كانت اكبر سنا منه لقلت راه دايرها كي ختو الكبيرة لكن هي تصغره ب 4 سنوات

هل يعقل ان يكون مصيري معه متعلق بكلمة من امراة

كي نكون نتكلم معاه في الهاتف وتدخل هي يخليني ويبقى يحكي معاها ويجبد كل المواضيع ليطيل الكلام

لما كانت مش دايرة الخمار امامو قالي عادي ممكن ما تديريش خمار قدام اخي لكن انا قتلو لا لازم ندير
لكن لما هي دارت الخمار امامو قالي الخمار اجبااري في المنزل



واخر حاجة كنت نفكر انو يقولها وهي الحمل تخيلو قالي انا مادا بيا هي تجيب اولاد قبلك كي قتلو علاش قالي خوفا

على مشاعرها ********واين مشاعري من كل هذا.

الامومة حلم اي امراة هل يعقل انو خمم عليها وما خممش ولو للحظة بلي قادر يجرحلي مشاعري بهذاالكلام

وغيرو وغيرو وغيرو

كل هذا خلاني ما نحملش سيرتها لما نسمع صوتها اجن

واكيد رايح ياثر علي بعد زواجي خاصة انو رايحين نسكنو في منزل

واحد وما فيش اي امكانية نغيرو المنزل

وهو تفطن مؤخرا اني ما نحملش يحكي عليها كل ما يجبدها نغير الموضوع

خلاص خبيت خبيت لكن طفح الكيل


ساعدوني كيفاش نتعامل مع هذا الامر

[/زهرة عصفور الجنة/]

غيرتي في مكانها اختي وعليكي ان تفهمي خطيبك على حدود العلاقة بينه وبين زوجة اخيه ذكريه بحديث رسول الله صلى الله عليه وسلم الحمو الموت
يعني يقوللها السلام عليكم فقط الهدرة الزايدة قاع حرام وانصحك هيئي نفسك جيدا لهكذا نمط من الحياة لان التاقام معها صعب جدا جدا وهذا عن تجربة
حاولي ان تكوني انت فقط محور اهتمامه ولاتدعيه يحدثك عن اية امراة
وكنصيحة مني حاولي ان تعيشي معه حياتك وانسي ماوراءه
لانك لو ركزت على هذه الامور والمشاكل الناجمة عن العيش هكذا ستجنين هي تفاهات تتحول الى مشاكل تنغص حياتنا
طبقي مبدا انا افعل الخير........ي. متى استطعت وهوني عليك كل الامور وربي يسعدك ويهنيك

[قطر الندى13]

ربي يفرج هم كل مكروب

[مواطنة]

اختي لازم بلعقل توريلو بلي مالزموش يكثر الهدرة معاها و تاني بلي اسراركم لازم تبقى بيناتكم و اذا يعجبو الامر لوكان انت عندك راجل اختك تحكيلو و داصريه كيما هو يداصر مرت خوه؟ وعدا ذلك يبقى يحكيلك عليها و ديري بحالها انا نقولك خليه يهدر و قولي انشاء الله و نسمي نفسي كيما هي اذا حبيت هكذا بالك يبدى يفطن يمكن عجبتو طريقتها لكن نهار تروحي انت تتبدل ميولاتو لانك تولي طرقتك جديدة عليه و يمكن افضل من طريقة مرت خوه و كوني متاكدة انك باذن الله تعالى كي تروحي تحبسيلو هذي الدصارة بلعقل انا مانكذبش عليك نكره الدصارة مع السلف و السلفة بلا تكبر ما نكثرش الهدرة واذا نقدر نعاون ولا نونس عادي لكن الدصارة لالا و اذا شفت كلام او وضحكات زايدين ندير الملاحظة لنفسي و لزوجي

[نجوى لحلوة]

حبيبتي هذي حاجة خطيرة مارانيش نزيد عليك بصح حاولي انتي تقنعيه بشخصيتك وتفرضيها عليه باللملاحة واجبديه ليك
انا تاني خطيبي عندهم مرت خوهم وحدة برك كان يشتيها بزاف بصح ماشي يتوصل كيما درجتك انتي يعني كلش يشبهني ليها بصح درك الحمد لله فهمتو بلي راهي مرت خوه مايجوزلوش يهدر معاها بزاف والا يقعد معاها في الدار وحدو والا والا.... يعني غلبتو بقال ربي والنبي-عليه الصلاة والسلام-
ربي يهديه

[yousra14]

السلام عليكم
يظهر لي أنّ زوجك معجب بها كأخت فقط والحمد لله وهذا نتيجة الاختلاط وعندك الحق تغيري فمهما كانت درجة الاعجاب مش لازم يكلمك عنها .
مش مهم عقدتي أم لا المهم ضعي النقاط على الحروف من الآن إمّا يتوقف عن هكذا سلوك أو افسخي العقد خاصة وأنّك راح تسكني معها والحياة مازالت طويلة ومازال المشاكل القدام خاصة وانها متخافش رب ولا تضع الخمار أمامه ...
لا كلام لاعنها ولا عن غيرها وإلا كل واحد في طريق ورب يخلفلك ماخير ..
هل يرضى هو أن تكلّميه عن محاسن أخيه أو ابن عمه ؟

فكّري مليح قبل الزواج ورب يسعدك وتتفاهموا

[محمد جديدي التبسي]

بيتك وحدك هو الحل النساء ما تحملوش بعضاكم وحتى كونك صبورة واعية لن تتحملي السكن معها في نفس البيت
زوجك متساهل في أمور دينه انصحيه وعظيه وكونك أوعى منو لازم تساعفيه أنت مش هو اللي يساعفك
هذا يحكيلك على زوجة خوه وقريب منها ويشوف فيها عادي وما يعرفش النساء وعالمهم وأحكام الشرع في هكذا أمور !! سبحان الله
ربي يفتح عليك أختي

[غريبة الوطن]

في الشرع الاسلامي لا يجوز له النظر لمحاسنها فزوجة الاخ امراة اجنبيةهدا تمادى كثيرا قوليلو يرجع لدينه و الله يهديه

[○•ميسون•○]

هو لو كان جا عندو شخصية ميحكيش مع زوجة خوه و يبقى يشوف فيها واش تدير واش تلبس كيفاه تتصرف

ربي يصبرك معاه

[زينة نور]

هاذي نتيجة الاختلاط اختي فهميه حدود العلاقة مع زوجة اخوه وزيد حاولي تفرضي روحك وتكوني انتي محور اهتمامو
ربي يهنيك اختى

[knives66]

خلاص ولي كيما فلانة وضورك يحبك اصبغي شعرك و ضحكيه العبي معاه ديري واش يحب منك وخلاص امور بسيط

[عذراء الجبل18]

Rabi ykoun fi 3OUnk 3endek l7a9 tghiRi bayeniLou beli Raw tmada fi had l2amer

[جوهرة بلادي]

رببببببببببببببي معاااااااااااااااااااااااااك

[Napia]

الله يهديه

[MERIEM SETIF-2-]

ربي يهديه و يهديها ، في حقك أختي تتحيري كون أنا في مكانك راني مت بالحمقة ربي يفتحها في وجهك و لي فيه خير يديرولك ربي.