|
|
|
|||||||
| قسم التفصيل و الخياطة ورشات - مجلات - ازياء |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2013-07-12, 11:01
|
رقم المشاركة : 1 | ||||
|
سطايفية.. 12 عبايات
السلاام عليكم
 صباحكم بالخير نهاركم مبروك و صح رمضانكم تصوموه بالصحة و العافية انا واش نقولكم يحكم فيا مايجي يلحق لفطور حتى تزورني الموت ههههههه ماعليناش ربي يقدرنا نشالله سامحزني على الغيبه الله غالب فوق يدي  المهم نوليو لموضوعنا كيما تعرفو كي يجي رمضان باش نخرجو منا للهيه نوليو نضرحو نلبسو قشنا مع السخانة هاذي و هاتي نلقاو حاجة نلوحوها برك و منها سترة و منها توفري الوقت ونتي مقابلة لخزانة واش نلبس ؟؟ وااااش نلبسسس؟؟؟؟؟كي حالتي هههه انا بالنسبة ليا الخدمة نتاعي مانقدرش نروح بالعباية بصح كااااين الطرق الدنيا ونتي ثاني تقدري تلبسيها كي تروحي تقضي  اااااا ميخليكش تخرجي معليناش ياسيدي روحي بيها للتاراويح هههههه ولا في سهريات رمضان عند العايلة ولي يحبو يخرجو يتمشاو في الكورنييش (بصحتهم) هههه ولا في الجرده نوووورماااال يااا سيدي ماعندكش وين تلبسيها البسيها و ريحي في الدار المهم خيطيها برك خيييرمن تشريها بفففففف هاذوين وصلنا لمربط الفرس اليوم جبتلكم عبايات خيطتهم وقت فات ليا و لخواتاتي مالقيتهمش كامل صورتلكم غييير واش لقيت المانكان راهي زوليخة و ختي و بنت خويا العباية الاولى شريتلها لي بروش و لصقهم كي شغل قفايل و خدمت بيناتهم لي نو بالدبلة نتاع لورغونزا  و كتانها اسمو برج الخليفه  ههههه ماعلاباليش منين راهم يجيبو في الاسماوات نروحو للثانية هادي خدمتها بالبيزو بيزو الخاص بالعبايات يدير 60 الف للميطرة يبريي و خفيف و الطرف لي زدتو في المونش و لومبييسمون نتاع الامام شريت 60 سم   و لحجار هاذوك الرقاااق شريتهم و لصقتهم بالحديد  نروحو للعباية الثالثة هادي نتاعي بنفس الكتان لي سبق بيزو بيزو وشنهي انا قلبتو على الوجه الثاني لي ما يبرييش خاطر يصلح في الجيهتين و نتي اااااز يوو لااايك السانتورة لي في النص شريت قالو هو هكذا يتباع و حطيتو وخيطتو و درت فوقو سانتورة كانت عندي كومسي تسكر وهي غيير ديكوور و الخدمة جي من الامام فقط  و الدرعين طولتهم شوي على جال نخدم لاستيك كيما راكم تشوفو  هاذي درتها رادكو و نسكرها بالفيرميتور من الكتف راكم تشوفوو؟؟؟؟؟  و ااخر وحدة الرابعة رايحة تكون بالساتان خفيييف خاص بالعبايات ثاني درتلها كول طالع شوي و من الامام ديكوريها بستراس كبيير و لي مونش درتهم بوفونت و من تحت سيريتهم ب كتان كي سومي كوير ايلاستيك باش نقدر نطلعها اونسي جامي نحب نتهاوش لااازم نطلع لي مونش هههههه  هاه وهادي درتها لبنت خويا تحب تتقلش شوي هههههه تسمعني تقتلني    و هاذي روبة خيطتها لختي سرقت المودال من العبايات لي راهم يدورو في المرشي كان عندي طرف مخبي و طرف الكتان نتاع التيقري فضلي من روبة خيطتها الصيف لي فات لمرت خويا قالك خبي تلقا هههههه  و بنفس الطريقة نتاع لي بيار لصقتهم   و هادي جلابة خفيفة خيطت و حدة ليا و لخرى درتها بلي مونش و الكتان ملف جبتو من توقرت (حييلي صحاب تقرت و منهم لجين لعزيزة ) نتاع خي درتها بيج و القالون بريك و لقفايل بليكولور و نتاعي حبيتها سون مونش نلبس معاها بودي ازرق ولا مارون ولا اي لون تعرفو ختكم ستييل  هيا خلاصو صواردكم روحو كشما تقضيو و انا كشما نخيط علابالكم كي العادة القعدة غييير بالجمعة و صح فطوركم و راني معاكم على المباشر منديكونكتيش غير لا دارتها النت و راحت المصيبة هياسلاااام
|
||||
|
|
2013-07-12, 12:10
|
رقم المشاركة : 5 | |||
|
|
|||
|
|
|
2013-07-12, 12:15
|
رقم المشاركة : 6 | |||
|
yhabloo aichek ouarcha pour la robe blanche |
|||
|
|
|
2013-07-12, 12:32
|
رقم المشاركة : 8 | |||
|
روووووووووووووعة خصوصا |
|||
|
|
|
2013-07-12, 12:33
|
رقم المشاركة : 9 | |||
|
يعطيك الصحة اختي مودلات في غاية الروعة بارك الله فيك و صحة رمضانك |
|||
|
|
|
2013-07-12, 12:34
|
رقم المشاركة : 10 | |||
|
يعطيك الصحة اختي موديلات روعة و صح رمضانك و كل العائلة الكريمة .. |
|||
|
|
|
2013-07-12, 13:03
|
رقم المشاركة : 14 | |||
|
سلام روعة يعطيك الصحة وين تعلمت الخياطة |
|||
|
|
|
2013-07-12, 13:15
|
رقم المشاركة : 15 | |||
|
الله عليك فنانه شكرا شكرا وربي يخليك |
|||
|
|
|
| الكلمات الدلالية (Tags) |
| سطايفية.., عبايات |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
