قناة النهار تهين الجامعيات

[jomana jiham]

وليت نخاف من قسم المجتمع كل ما ندخل نلقى مواضيع تتكلم غير على شرف المراة و عمل المراة , خفت نتعقد بطلت ما بقيتش نشوف هذا القسم حتى اليوم بغيت نشوف كاش اخبار على الحصة لي عرضوها في قناة النهار.

أنا كنت في إقامة جامعية درست مدة 4 سنوات فيها.و الحمد لله كانت اقامة للبنات فقط,ما نكدبش كانوا قسمين.

منظمة المتبرجات و كانوا يقدموا حفلات و غناء الراي الخخخخ

و منظمة المتحجبات كانوا يقدموا ندوات و محاضرات دينة و اناشيد و مرات صيام و افطار جماعي.

و كل وحدة تختار الطريق لي تحبها.

و ثاني كانت هناك بنات منحرفات بمعنى الكلمة متلايمين في غرفة واحدة و معروفين في الاقامة و ربي فضحهم مرة كامل الناس سمعت بيهم و درك تابوا ربي هداهم طبعا بعدما تم طردهن من الإقامة.

كونوا واقعيين هل في أحيائكم السكنية و العمارات جميع الجيران عندهم نفس الأخلاق???

كي تجي داخل عمارة و تلقى جار هابط و في يده قارورة شراب هل معناه جميع الجيران لي في الحي مثله????

و هل اذا قامت بنت من بنات العمارة بفضيحة ينطبق الامر على الجميع????

بعدما تخرجت من الجامعة تحصلت على شهادة ليسانس كلاسيك,بغيت نزيد ماستر رفضوني و كل شي حرمونا منه

و درك كي زادوا قالوا بنات الاقامة كامل منحرفات ندمت لي قريت في الجامعة ما درت والوا بالديبلوم غير درت بيه الشوايع برك.

الى أين سيصل الجزائريون بهذه العقلية بعدما كانوا شعب واحد اصبحوا في جدالات لا مخرج منها

ما رأيكم????