طلب خاص للاخت الوهرانية وطلب مساعدة من جميع الأخوات

[أم أحمد معاذ]

السلام عليكم ورحمة الله وبركاته حياكن الله جميعا اخواتي

اختي الوهرانية جربت لامونة وبالخطوات لكن جاتني معجنة شوي وكي جيت نقسمها تفتت لي اما بخصوص الكريمة درتها مين دفعت لامونة في الفرن كي طابت وبردت وجيت نحشيها لقيتها ثقيلة بزاف وما تمشتش لي ارجوا افادتي لاني ساكررها الى ان تنجح ان شاء الله وجزاك الله خيرا

أما طلبي الخاص لجميع الاخوات هو خاص بالملوي لاني جربت جميع انواع السميد لكن ما لقيتش سميد مليح فيه العلك رغم انني ندير معاه الفرينة وجربت جميع الوصفات باش يجي مورق وهشيش لم اترك وصفة هنا في النتدى الا جربتها وحتى وصفات للمغربيات لكن الله المستعاان فضلا من تعرف نوعية ممتازة للسميد و مجرباته تخبرني واجرها على الله
بارك الله فيكن جميعا أخواتي وسلمت أناملكن وأيديكن ماااشاء الله عليكن كل وصفاتكن راائعة

[أم يحي صهيب]

ان شااء الله تساعدك ويساعدوك لبنات اللي جربوها
انا ما جربتهاش الصراحة

[أم يحي صهيب]

بما انني مغتربة والله ما نعرف وينو السميد اللي مليح
ولكن يا الغالية ممكن انت تعرفي بروحك عينك ميزانك اختاري سميد اللي يكون رقيق كامل لوني باهي
يعني اصفر صح انا سميد البلاد يمرضني ويحب العلك والعجين بزاف وتطلقيه بزااف
ان شااء الله يعاونوك الصبايا الله معاكي ومرحبا بيك معانا في المنتدى

[أم أحمد معاذ]

ربي يحفظك يا غالية
ان شاء الله مع انه دايما نحي الغليظ لان الوصفة تحتاج للرقيق فقط وهو مسمن فقط ما يتقلاش في الزيت ويجي مورق

[ام طيري الجنة]

المشاركة الأصلية كتبت بواسطة المعتزة بنقابها

السلام عليكم ورحمة الله وبركاته حياكن الله جميعا اخواتي

اختي الوهرانية جربت لامونة وبالخطوات لكن جاتني معجنة شوي وكي جيت نقسمها تفتت لي اما بخصوص الكريمة درتها مين دفعت لامونة في الفرن كي طابت وبردت وجيت نحشيها لقيتها ثقيلة بزاف وما تمشتش لي ارجوا افادتي لاني ساكررها الى ان تنجح ان شاء الله وجزاك الله خيرا

أما طلبي الخاص لجميع الاخوات هو خاص بالملوي لاني جربت جميع انواع السميد لكن ما لقيتش سميد مليح فيه العلك رغم انني ندير معاه الفرينة وجربت جميع الوصفات باش يجي مورق وهشيش لم اترك وصفة هنا في النتدى الا جربتها وحتى وصفات للمغربيات لكن الله المستعاان فضلا من تعرف نوعية ممتازة للسميد و مجرباته تخبرني واجرها على الله
بارك الله فيكن جميعا أخواتي وسلمت أناملكن وأيديكن ماااشاء الله عليكن كل وصفاتكن راائعة

السلام عليكم
بالنسبة للامونة جربتها عدة مرات و تخرج هايلة
ربما ما خلتيهاش تطيب مليح اة انك زيدتي النار اما المقادير ايلا التزمت بيها تخرج هااايلة و الكريمة تقدري توجديه حتى تقربي تخرجي الخبزة او كي تخرجيه تخليها تبرد و توجدي الكريمة و يلا حصل و تقالتلك بزاف نظن تقدري تزديلها شوي حليب دافي ة تحركيها او انا احيانا نزيدلها دانيت شكولا و تجي بنينة
بالنسبة للملوي انا نديره غي بالفرينة و يجي شباب و مةرق نخاف من السميد
ارجو ان اكون قد افدتك

[أم أحمد معاذ]

المشاركة الأصلية كتبت بواسطة ام طيري الجنة

السلام عليكم
بالنسبة للامونة جربتها عدة مرات و تخرج هايلة
ربما ما خلتيهاش تطيب مليح اة انك زيدتي النار اما المقادير ايلا التزمت بيها تخرج هااايلة و الكريمة تقدري توجديه حتى تقربي تخرجي الخبزة او كي تخرجيه تخليها تبرد و توجدي الكريمة و يلا حصل و تقالتلك بزاف نظن تقدري تزديلها شوي حليب دافي ة تحركيها او انا احيانا نزيدلها دانيت شكولا و تجي بنينة
بالنسبة للملوي انا نديره غي بالفرينة و يجي شباب و مةرق نخاف من السميد
ارجو ان اكون قد افدتك

بوركت اخيتي ان شاء الله ساتتبع نصائحك فيما يخص لامونة اما الملوي فجربت الفرينة وبالفعل جا رووعة الله يحفظك ويبارك فيك ياارب