راني حاس روحي معقد نقسا اشيرو علي

mouloud85 · 2013-10-25, 13:24

اخوتي الكرام راني باغي نتزوج بصح كاين مشكل باش نعرف عقلية الطفلة اللي راح نديه لازمني نهدر معاها وانا في حياتي جامي هدرت مع طفلة في موضوع الزواج لا في البورطابل ولا جها لوجه الله غالب كاين شي صوالح نحوس يكمون فيها وفي تخمامها اي لازم يكون تفكيرها كيما تفكيري ولكن كيفاش نهدر معاها وياي صفة فهذا ليس من طبيعتي ولا من اخلاقي
باغي نهبل كيفاش ندي نشالله تكونو فهمتوني

~~مراد سابقا~~ · 2013-10-25, 14:01

شوف يا أخي إذا كانت لديك نية صافية فالأمر بسيط

تحدث ولكن إذا لم تعجبك ينتهي الأمر

لولا تتمادى

مرابط · 2013-10-25, 16:31

زادك الله عفة فانك لم تتكلم مع فتاة من قبل فكمل خيرك و سيرزقك الله طيبة مثلك و ان اردت ان تتكلم مع من خطيبتك فبوجود محرم فان اتفقتما و الا فسيغني الله كلا من سعته اما بعد العقد الشرعي فلا حرج في ذلك و الله اعلم
رزقك الله امراة عفيفة طاهرة
ارجو ان تقبل مروري

mouloud85 · 2013-10-25, 16:56

اقتباس:

المشاركة الأصلية كتبت بواسطة مراد سابقا

شوف يا أخي إذا كانت لديك نية صافية فالأمر بسيط

تحدث ولكن إذا لم تعجبك ينتهي الأمر

لولا تتمادى

كيف لا اتمادى قلتلك جامي في حياتي هدرت مع طفلة في هذه المواضيع ولا لمحتلها فانا خجول وserieux في الوقت نفسه
باش نهدر معاها لازم الهدرة تكون face a face بصح وين تهدر فالخدمة الخداما راك تعرف الهدرة والاشاعات الهدرة فالبورطابل خاطيني
المواعيد الغرامية في الكافيتيريات والبيتزيريات jamaissssss

sali-sali · 2013-10-25, 17:00

السلام عليكم
يا اخي كاين لقاء شرعي تقدر تشوفها وممكن تسالها بعض الاسئلة المهمة .. عادي جدا من حقك

+ مستحيييييييل تلقا واحدة كاملة الاوصاف.... خلقنا لنكمل بعضنا / الانثى و الرجل

المهم اسال عن اهلها و دينها و خلقها

وفقك الله

ABDOU ELE · 2013-10-25, 19:01

ســـــــــــــــــــلام
انا ايضا يهمني هذا الطرح...ساتابع معك الاقتراحات

mouloud85 · 2013-10-25, 20:01

طبعا ساسال عن اهلها و دينها و خلقها وهناك امور اريد ان اعرفها قبل التقدم لخطبتها مثلا طموحاتها في هذه الحياة...لا ادري كيف اشرح
ماذا تحب ما ذا تكره هل تعرف تهدر ف الجماعة اهلي او اهلها هل تعرف الطبخ........ فن الديكور في البيت ...تربية الابناء
طبعا لن تكون كاملة الاوصاف فانا لست كذلك

هناءع · 2013-10-25, 21:20

ماشاء الله انت عمله نادررره ربي يوفقك

ريم الوداع · 2013-10-25, 21:25

عادي كي تروح تشوفه اهدر معاه وحاول انك تعطيه اسئله باه تعرف عقليه تاعه وين راهي واصله انا نقلك اعتمد على شبحه لانه الوسيله الوحيده الي من حقك الشرعي لانه كما تعلم برطابل في فترة الخطوبه محرم ونت اكمل عفافه تاعك ربي يسترك ويعطيك غير بنت حلال

soha1987 · 2013-10-25, 21:40

اقتباس:

المشاركة الأصلية كتبت بواسطة mouloud85

طبعا ساسال عن اهلها و دينها و خلقها وهناك امور اريد ان اعرفها قبل التقدم لخطبتها مثلا طموحاتها في هذه الحياة...لا ادري كيف اشرح
ماذا تحب ما ذا تكره هل تعرف تهدر ف الجماعة اهلي او اهلها هل تعرف الطبخ........ فن الديكور في البيت ...تربية الابناء
طبعا لن تكون كاملة الاوصاف فانا لست كذلك

ههههههههههه والله قتلتني بالضحك باغيها كاملة وين تلقاها ماشي هاكا اخي
بصح مافهمتش كيفاه راح تعرفها تعرف تهدر فالجماعة ولا راح تديها لداركم وديرلها تاست هههههه
ربي يعطيك قد قلبك راح تلقا فيها عيوب ماشي عيب واحد برك كيما انت غفيك عيوب راني نقولك باه ماتتصدمش بالواقع
اما الطريقة قول لا ختك لي تكون قريبة ليك وموضع سرك وقولها واش حبيت في زوجتك وقولها دبريهالي درك تحوسلك وتلقالك لي حبيتها ان شاء الله
ولا انت شوف لروحك خير هكا يرتاح ضميرك احسن
موفق اخي

المنديل الابيض · 2013-10-25, 22:00

اخي.. ربي يرزقك الزوجة الصالحة

بالنسبة للعقلية صعب تعرفها الا بالمعاشرة الطويلة
صدقني البنات يعرفو يمثلو مليح ماشي كامل لكن كلهن حافضات و قاريات علم الرجال
تلقاها خفيفة و تمثل دور الثقيلة لانها تعرف ان معظم الرجال يحبون المراة الرزينة
تلقاها ماتعرف والو في الطبخ و تقلك اليوم انا درت لعشا
تلقاها ماشية كونتر الدين و تقلك انا نخاف ربي و نصلي و الله اعلم اذا صلات في حياتها
لا تتكل كثيرا على ذكائك و لكن اتكل على الله سبحانه و تعالى
الزواج مكتوب حبينا و لا كرهنا نديرو رواحنا نخيروا
لكن الحقيقة انه مكتوب مع الرزق و نحن في بطون امهاتنا

بالتوفيق

naamane3 · 2013-10-25, 22:12

تذكرل قوله تعالى الطيبون للطيبات

marwa kan · 2013-10-26, 10:06

اقتباس:

المشاركة الأصلية كتبت بواسطة mouloud85

طبعا ساسال عن اهلها و دينها و خلقها وهناك امور اريد ان اعرفها قبل التقدم لخطبتها مثلا طموحاتها في هذه الحياة...لا ادري كيف اشرح
ماذا تحب ما ذا تكره هل تعرف تهدر ف الجماعة اهلي او اهلها هل تعرف الطبخ........ فن الديكور في البيت ...تربية الابناء
طبعا لن تكون كاملة الاوصاف فانا لست كذلك

شووف اخي أنا عندي خويا تقريبا نفس عقليتك و هو دركة راهو ميتزوج و عندو زووج ولاد ...هو طلب المساعده من الأشخاص القريبين منوو مثلا أطلب المساعده من وختك و ومك و أو اخووك أو حتى صديقك المقرب باللي كاش ما يعرفو وحده و نتا تروح تشوفها رؤية شرعيه ثم تبدا تيتعرف عليها فتره الخطوبه ين أعجبتك و لكن أنصحك يا اخي ب حكم تجربه تشوفها راكزة ولا لا و تعرف تهدر في الجماعه ولا لا و الطبخ تبعان اهم حاجه لك من هآادو الحويج ما تفوتش لأنك ما تقدرش تحكم على أي فتاه في تربية الأبناء و فن الديكور في البيت و حتى في الأسره لأنو أي وحده مازال ماتزوجتش أكيد مش راح تكوون فيها كل الصفات الكامله للمرأه ...فالمرأه بعد الزواج تتغير و تصبح ناضجه اكثر يعنيي الصفات اللي راك تبحث عليها ممكن جدآ تبان بعد الزواج و ليس قبله ...عذرا على الإطاله و ربي يرزقك بنت الحلال إن شاء الله .

مريم الصابرة · 2013-10-26, 10:29

السلام عليكم اخي
اولا ربي يكملك بأخلاقك يا رب وما نقولكش ردود مثالية وندلخها حرام وحلال لانك الله يبارك عارف صوالحك جيدا وراك عارفة الحلال من الحرام بلاما انا نوريهولك لانو كلنا نغلطو
إنت ماراك لا معقد ولا أي شي إنت رجل متربي وتحشم لكن خويا لو تحشم ما راحش تتزوج بين الرجل وزوجتو او خطيبتو ما تكونش حساسيات بمعنى إنت لما تهدر معاها لازم تكون خاطبها وإنت تقول باه نخكب لازمني نعرفها بمعنى حلقة مفرغة تخلى على شرط واحد إما تعرفها ومن بعد تخطبها وإما تخطب وتتكل على ربي وتحدث مع خطيبك وتعرف عقليتها وتفكيرها إنت لازم تتخلى شوي على الحشمة هذي مش نقولك احكي مع بنات الناس لازم تفهم كلامي إنت دور في حلقة مفرغة تخطب ومن بعد تحكي او تحكي ومن بعد تخطب وحتى تحكي قبل الخطبة لازمك تنحي الحشمة أولا إنت شوف الفتاة اللي ناوي تخطبها وشوف وسيلة توصلك تحكي معاها احكي فالأامور الاساسية اللي ناوي تعرفها وانا نشجعك تخطب حتى تفتح باب ومجال تحكي مع خطيبتك
موفق

mouloud85 · 2013-10-26, 14:56

شكرا لكم اخوتي واخواتي الكرام على هذه الردود الجميلة والمشجعة والحمد لله انكم وصلتكم الفكرة وفهمتوني واش راني قاصد واخيرا رجاء اخير انكم تدعولي معاكم في صلاتكم باش ربي يعطيني زوجة صالحة على حساب قلبي وبارك الله فيكم