الحنفية أم الإناء؟

[محمد قاسم أحمد]

الكثير منا، أثناء غسل وجهه أو أثناء الوضوء للصلاة، يبذر من الماء ما يتجاوز حاجته بأضعاف:
يحتاج كأسا للوضوء ولكنه يبذر لترين أو ثلاثة أو أكثر
لأنه يترك الحنفية تسيل ... وبقوة... من البداية للنهاية..
ولو اننا نستعمل إناء لاقتصدنا الماء...
لاا تحدث عن نسائنا أثناء غسل الأواني... خليها على الله
ما قولكم؟

[سلاف26]

منذ الصغر ابي كان دائما يقول لنا التبذير حرام و تعلمنا دائما نتوضأ بالإناء و نستعمل فقط الكمية التي نحتاجها
و كما قلت و الله غير مرات قلب الواحد يولي يوجع كي يشوف الناس يخلو الماء يسيل باطل
مشكور على الطرح أخي محمد و ربي يهدينا و يهدي الجميع

[صالح القسنطيني]

هذه سببها ان العين كاينة 24/24 ساعة نستعملو غير عين و بدون شفقة

حنا سعات كما يقطعو عين لأشغالهم نبقو يوم واحد و نشيحو في رايك علاه ؟؟؟؟؟؟؟؟؟


لخطر الوالدة الماء لي كاين في يوم تخلصو موالفة بالعين و الحنفية 24/24

كما تروح تقولنا منعرش نخدم بلا بيها

صح تبدير و الله تبدير

[rafika1988]

انا واحدة من الناس ما نعرفش نخدم بلا الحنفية على خاطر العين عدنا 24 على 24 ........صح هو تبدير بصح الله غالب
تقبل مروري

[le fugitif]

التبذير جزء من حياتنا وهذا لقلة ايماننا اوجد الايمان في القلوب ينتهي التبذير

[*أنسام*الجنة*]

صح خاصتا حنى النسا نبذروا ياسر

يعني كما أنا كون ما تكونش العين تجري ما نغسل لماعن

ونهارات الي تروح نولي قريب نهبل

الماء نعمة ومانعرفولها غير نهار الي تروح

رغم أن والدينا ديما يوصونا ما نبذروا

لكن حنى هاد الجيل نحبوا كلشي ساهل يعني بلا ما نتعبوا

[أمـ جيجل ــال]

السلام عليكم ورحمة الله وبركاته :

حقيقة أنا من المبذرات للماء لا أستطيع الوضوء ولا الغسيل إلا من الحنفية لكن حقيقة أثرت في أنشودة للعفاسي في هذا المجال أثرت في أكثر من أي كلام يقال في ثانية في القنوات الفضائية خلاتني أعيد التفكير في هذه النعمة التي لا نعرف قيمتها إلا بعد أن يتم قطعها عنا شكرا لك

[حمـ 0418 ــزة]

سلام
انا دائما في خصام مع اهل الدار بسبب تبدير الماء
رغم ان الحنفية 24/24 كما قال الاخ صالح

سلام

[virus47]

يا اخي حنا مهنيين اصلا الماء عندنا قليل بالسيف علينا نقتصدو