إلى الأخت sara1982 طريقة عمل البونشو

كرااميلا85 · 2013-12-12, 21:36

اختي اسمحيلي طولت عليك
هذي اول مرة نشرح طريقة عمل حاجة خاطر راني مبتدئة
ان شاء الله توصلك الفكرة
اولا البداية راح تكون من الرقبة
تعملي سلسلة بالقياس اللي تحوسي عليه
ونبعد تغلفيها وتعمريها بامنزلقات
وتطلعي بثلاثة سلسلة كاول عمود

في نفس المكان تعملي 2اعمدة هكا يولو 3 ثم 3 سلسلة ثم 3 اعمدة في نفس العين
باش نشكلو اول ركن

ومن بعد تتركي 2 سلسله .. ثم تعملي 3اعمدة ... وتتركي 2 سلسله وتعملي 3اعمدة وهكذا الى ان تصلي
بالجهه المقابله ... للست اعمدة الاولى وتعملي نفس الشكل ... 3 اعمدة ثم 3 سلسلة ثم 3 اعمدة بنفس المكان
.... وتكملي بعدها تتركي 2 س ثم تعملي 3اعمدة
هكا تكوني شكلتي حرف vمن الامام ومن الخلف

وبعدها راح نكمل نفس الطريقه ولما تجي عند الوسط نعمل 3 اعمدة و3 س و3اعمدة نفس الغرزة
اللي تحتها باش نحافظ على v وهكذا نتابع طريقة العمل حتى نصل الى الطول المطلوب

بالنسبة للشراشب ساهلين نقص مجموعه من الخيوط باطوال متساويه ... وممكن تلفي الخيط على كتاب او كرتونه وتقصيها منجهه وحده وراح تكون عندك اطوال متساويه من الخيوط
ثم نمسك الخيوط من الوسط وندخلها بهذا الشكل

ثم نسحب الخيوط لنكون منها عقده

ونسحب الخيوط بالاصابع حتى تضيق عليه العقده
ان شاء الله نكون افدتك

miss w19 · 2013-12-12, 23:06

ما شاء الله
روووووووووووووعة اختي مشكورة

كرااميلا85 · 2013-12-13, 15:31

اقتباس:

المشاركة الأصلية كتبت بواسطة miss w19

ما شاء الله
روووووووووووووعة اختي مشكورة

العفوة اختي شكرا على مرورك

sara1982 · 2013-12-16, 10:08

سلام أختي بارك الله فيك وجزاكي كل خير على المجهود المبذول
وشكرا ألف شكر على الشرح المبسط وجعل الله عملكي في ميزان حسناتك
وشكرا مرة أخرى لكي ولكل المبتدئات والمحترفات في هذا المجال
ربي يعطيك ما تتمناي في الخير إنشاء الله

كرااميلا85 · 2013-12-16, 10:23

اقتباس:

المشاركة الأصلية كتبت بواسطة sara1982

سلام أختي بارك الله فيك وجزاكي كل خير على المجهود المبذول
وشكرا ألف شكر على الشرح المبسط وجعل الله عملكي في ميزان حسناتك
وشكرا مرة أخرى لكي ولكل المبتدئات والمحترفات في هذا المجال
ربي يعطيك ما تتمناي في الخير إنشاء الله

العفو اختي والله فرحني ردك ربي يوفقك ان شاء الله