تفضلي اكلة بسيطة سلكي بيها روحك

[yara djoumana]

السلام عليكم و رحمة الله و بركاته سيدتي نقدملك و صفة ساهلة ماهلة انا نطيبها عندما اكون مشغولة باعمال المنزل و مانكوش عندي الغداء نوجد هذه الاكلة الساهلة في 10 دقائق او اقل نسلك بيها راسي و خاصتا الي عندها اطفال يعودو من المدرسة كيفيتي بسيطة و اقتصادية
جيبي 3 او 4 حبات طماطم متوسطة و رابيهم في المقلات +و رابي عليهم 2 سننات ثوم انا نحب الثوم درت 3 سنينات + رشة ملح و رشة فلفل اسود + 3 او 4 ملاعق زيت و خليهم على نار متوسطة و كي تشوفي الطماطم طابت و تقريبا جفت من الماء تاعها اضيفي عليها علبة طون زيت او طماطم انا حطيت تاع الزيت باش ماتجيش حامضة لاني ديجا استعملت الطماطم و قطعي فوقها 5 فرماجات و كسري عليها 5 بيضات و ما تحركيش بزاف فقط قيس ما تحركي غير شوي البيض باش يمزج مع الطماطم و غطي عليها و عاء او غلاق و خليها اتطيب اقل من 10 دقائق تكون واجدة و طعمها روعة خفيفة و اقتصادية جربيها عندما تكوني مشغولة تسلكي بيها راسك مع الاولاد و ماتحكمش اليد
انا تفكرتكم روطار في الصورة صورت غداء بنتي ههههههه المهم تشوفو فقط انا قدمتها مع سمك نخليكم مع الصورة هذا ما قدرت نصور
اترككم في امان الله و حفظه