راني ضايعة اعينوني

مشكلتي · 2013-12-15, 13:42

السلام عليكم اخوتي
انا جد خجلة من كتابة الموضوع و خائفة جدا جدا الموضوع يتعلق بعدريتي كيما كنت صغيرة طحت طيحة مش مليحة خلاص من بعد البلوغ مازلت نشفى عليها كيما ضرك و لكني لم اعر للامر اهمية و حتى امي لكن كيما كبرت و عرفت بهادا الموضوع تفكرت طول الطيحة هاديك و بقيت في الوسواس علابالي كان لازم نشارك امي في هدا الموضوع لكن خفت كثيرا و الان جاي انسان يتقدملي و راني رايحة نروح للطبيبة اللي راني خايفة بزاف من النتيجة خايفة مانكونش عدراء و لتم كيفاه رايحة ندير انا مانحب نغش ولا نخدع حتى انسان و الله التخمام قتلني ضرك كيفاه ندير كون تضهر النتيجة سلبية علابالي نتحطم كلية زيادة على تحطمي ضرك و كيفاه ندير مع الانسان هادا , انا مانقدرش نكدب عليه و لا نغشو فهل تشوفو من الصواب اني نصارحو بالموضوع
نتمنى تدعيولي بزاف و الله راني محتاجة دعاؤكم

/زهرة عصفور الجنة/ · 2013-12-15, 14:33

اختي كان على امك اخذك الى الطبية في نفس اليوم
لكي تقدم لكي تقريرا ان لا قدر الله حصل شيء معكي لتكون دليلا لشرفكي
ان شاء الله ستكونين بخير
حتى وان كان العكس حاولي مصارحة الخطيب
الامر ليس بيدك
ربي يسهلك اختي وتكون امورك بخير

نوال لطيفة · 2013-12-15, 14:52

اختي ماتخفيش ربي يكون الخير روحي وتوكلي علىربي انشاء الله نجيوك في العرسك

الحلم الجميل · 2013-12-15, 15:04

و عليكم السلام
ما تخافي ما والوا هذا الشئ حدث و انت لا دخلك لكي به
فلا تخافي ابدا في راي روحي للطبيبة باه تقلعي الشك
و ربي يستر عليك و يفرج همك و زواج مبارك
نستناو القاطوا تاع العرس

خربشة ناعمة · 2013-12-15, 15:54

اختي ان شاء الله ما يكون غير الخير..اول حاجة خبري الام انتاعك..
روحي للطبيبة تكشف عليك احسن ما تبقاي في هاد التوسويس اللي راه محطمك قبل ما تعرفي النتيجة..اذا كان لقاتك مازلتي كيما لبنات كامل راكي تتهناي..و اذا قالتلك العكس من الاحسن تعطيلك تقرير يثبت انك فقدت هاداك الامر من جراء طيحة ماشي من حاجة اخرى..الطبيبة راهي تقدر تميز مليح السبب..لانه اثر فقدان الشيء هاداك بسبب طيحة يظهر في المعاينة..و في هاذي الحالة من الاولى تصارحي خطيبك..و اذا خفتي منوا ما يقبلش و يفضحك عند الناس من الاحسن ترفضيه..
الله يستر عليك و يرزقك الزوج الصالح

~~أندلس~~ · 2013-12-15, 16:47

يا اختي العذرية ليست كأسا ينكسر حتى تفقديها لمجرد سقوط فكلنا سقطنا
العذرية تفقد في حالات خاصة و ليطمئن قلبك زوري الطبيبة

~~مراد سابقا2~~ · 2013-12-15, 18:16

بصراحة من كثرة هذه المواضيع

أصبحت أشك في جميع الفتيات

ryma221 · 2013-12-15, 18:45

أختي ماتعمريش راسك انا قريت في كتاب انو ماكانش منها واحدة طيح والا تركب حصان بعنف مثلا تفقد عذريتها هذا طبيب و دكتور اقر بيها لانه الغشاء راه جاي داخل المهبل مش برا و ماتخافيش حنونة ما يكون غي لخير ان شاء الله

مريم07 · 2013-12-15, 19:00

اقتباس:

المشاركة الأصلية كتبت بواسطة مراد سابقا2

بصراحة من كثرة هذه المواضيع
أصبحت أشك في جميع الفتيات

اهلا اخي. البنت في حالة ربي يعلم بيها وانت تزيد تجرح فيها
اصلا هاذ الموضوع لا يخصك وانت تشك لان نيتك ناقصة وكاين بنات العائلة بزاف
ولي دارو غلطاات بينهم وبين ربي وكذلك بسبب رجل مخادع

knives66 · 2013-12-15, 19:09

مكانش حاجة تتغبي للأبد

برك ركي ضيعي وقت و تمرضي روحك روحي عند طبيبة تملك فحص وأن شاء الله نتائج أجابية و ترتاحي

اذا بقتي هكذا ممكن ضري روحك كثر وكثر ولا خوف ولا شيئ كما جات جات

مريم07 · 2013-12-15, 19:29

ربي يكون معاك أختي وان شاء الله خير وطمنينا عليك
ماتخافيش

sara-sarora · 2013-12-15, 19:54

متخافيش ختي الوحدة متفقدش عذريتها من الطيحة شوفها في الانترنت وغادي تعرفي روحي عند الطبيبة ومتقلقيش روحك وبلبارك عليك وعرضنا للعرس متنسيش

sara-sarora · 2013-12-15, 19:57

متقلقيش روحك ختي متفقدش الوحدة عذريتعا من مجرد طيحة متلقيش روحك وتستعجلي وروحي عند الطبيبة باش تطمني وبلباراك عليك

samara lara · 2013-12-15, 20:12

ختي مكانش منها سورتو نتع الطيحة و نتع ركوب الحصان بعنف كيما قالت الاخت

ماديريش في بالك و متخميش بزاف روحي للطبيبة و ارتاحي
ربلباراكة عليك العرس و متنسايش تعرضينا

جروح الليل · 2013-12-15, 20:16

اقتباس:

المشاركة الأصلية كتبت بواسطة مراد سابقا2

بصراحة من كثرة هذه المواضيع

أصبحت أشك في جميع الفتيات

هههههههههههههههههه ضحكتني والله