طريقة جديدة في تقديم و تزيين لي كريب

[حكايات لؤلؤة]

السلام عليكم

اني جبت لخواتاتي حاجة ما نعرف و لا جديدة عليكم و لا لا المهم جرتها قلت نقوللكم عليها باش تجربو و الله غير هاااااااااااايلة و ان شاء الله قاع رانا هنا باش نتعاونو و وحدة تفيد وحدة
هي الكريب بالكراميل و حلوة الترك
تحضري لي كريب باي طريقة تنجحلك و موالفة تخدمي بيها و رايحة نمدلكم طريقة تاني
و مبعد السر و البنة فالحشوة
لي كريب :
المقادير:

نصف لتر حليب
مغرف زبدة
2 بيض
مغرف سكر
كيس لفاني
225غ فرينة
التحضير :
نحطو لحليب و الزبدة و البيض و السكر و لفاني و الفرينة و نخلطو جيدا لمدة 10 دقايق
نخلوها ترتاح لمدة ساعة و مبعد نطيبوها و نخلوها تبرد
الحشوة :
المقادير

علبة نيسلي
مغرف كاكاو
ملعقة زبدة
100غ حلوة الترك

التحضير :

نضع علبة النيسلي في كوكوت لمدة ساعة و مبعد نطلعوها لما تبرد نضيفولها الكاكاو و الزبدة نضيفوها باش ما تتشكلش كويرات من الكاكاو و نضيفو حلوة الترك
نحطو الحشوة فوسط الحبة تاع لي كريب و نلفوها و نحطو في صحن لتقديم و نزينها بالشوكولاطة المدابة على شكل خطوط
صححححححححححححححححححححححححححة