الرجاء النصيحة

[مشكلتي]

السلام عليكم ورحمة الله
اود ان شكرلكم على هذا الصرح الذي فيه نبوح بيه من اسرارنا دون خجل

انا فتاة ابلغ من العمر 33 الحمد لله بنت فامليا مقبولة الشكل ومتدينة ولا مرة عملت اي علاقة مع اي شخص بحكم قناعتي بلي راهي حرام
لكن لم يجرء اي شخص على خطوبتي انا ولا اخوتي ولا اعرف السبب ذلك هل هو اابتلا من الله ام شئ اخر
تعرفت على شاب على طريق الفيس بوك كنت معه اتكلم بكل احترام ولم اخلط ابدا ولهذا اعجبتو وحب يتقدم اليا لكن انا في حيرة كبيرة
قال لازم تبعثلي الصورة تاعك قبل مانشي لان المسافة بنانا كبيرة انا اسكون في الجنوب وهو في الغرب وهو باين متدين بزاف
قالي اذ عجبتني في الصورة نشي انا والدي واختي نخطبك
معرفتش واش ندير انا ولا مرة بعثت صورت لاي شخص وكيف نقول لاهلي على اني تعرفت عليه عن طريق الفيس بوك اعرف اانهم صعاب جدا في التفكير صليت الاستخارة لكن لم ايحدث اي شئ لاحد الساعة
تمنيت اني لا اغادر بلادي واهلي لاني لا اقدر على الغربة الاهل والاحباب لكن في نفس الوقت اقول في نفسي بلاك انو فرصة اليا بلاك ميجيش واحد اخر ويخطبني من بلادي
افكاري مشوشة جدا اتمنى ان اكون زوجة وام قبل مايفوت العمر
يارب تساعدوني باأرايكم وتدوعولي بان يرزقني بزوج الصالح وجزاكم الله كل خير ريكم يهمني جدا اخواتي واخواني

[عفوك يا رب]

السّلآم عليكم و رحمة الله تعالى و بركاته

أختي في الحقيقة طريقة تعرفك على هذا الرجل ربما تكون غير مرضيه لله ثم إنك قلت أنه متدين من أدراك أنه متدين ؟

لا تنسي الكل يجيد التمثيل و خاصة وراء الشاشات ....

أختي أنا أنصحك و بقوة بعدم إرسال صورتك لأي شخص كان لا تلعبي بالنار!

دعي عنك هذه المواقع الإجتماعية أو بالإحرى الكوارث و المفسدات الإجتماعية

بالنسبة لي افضل أن أبقى عازبة مكرمة في بيت أبي على أن أتعرف على شخص في الإنترنيت لا اعرف لا أصله ولا فصله ....


الزواج رزق من الله فلا تستعجلي رزقك ربما هو الطريق أتِِ إليك لذا لا تتعجلي الأمور، و عليك أن ترضي بالقسمة التي قسمها لك الله لكي تسعدي في الدنيا و الآخره

رزقك الله وكل بنات المسلمين الزوج الصالح

وفقك المولــى
~

[khalil31]

[QUOTE=عفوك يا رب;1055438385][center]السّلآم عليكم و رحمة الله تعالى و بركاته

أختي في الحقيقة طريقة تعرفك على هذا الرجل ربما تكون غير مرضيه لله ثم إنك قلت أنه متدين من أدراك أنه متدين ؟

[font=amiri][size=4][b][color=indigo]لا تنسي الكل يجيد التمثيل و خاصة وراء الشاشات ....

أختي أنا أنصحك و بقوة بعدم إرسال صورتك لأي شخص كان لا تلعبي بالنار!

دعي عنك هذه المواقع الإجتماعية أو بالإحرى الكوارث و المفسدات الإجتماعية

بالنسبة لي افضل أن أبقى عازبة مكرمة في بيت أبي على أن أتعرف على شخص في الإنترنيت لا اعرف لا أصله ولا فصله ....


الزواج رزق من الله فلا تستعجلي رزقك ربما هو الطريق أتِِ إليك لذا لا تتعجلي الأمور، و عليك أن ترضي بالقسمة التي قسمها لك الله لكي تسعدي في الدنيا و الآخره

رزقك الله وكل بنات المسلمين الزوج الصالح

وفقك المولــى[

أنا راني مع الأخت كفات ووفات أخطيك من المواقع والله غير ضيعت ناس أخيار بزاف واصبري واثقي الله وادعي ربي وستفرج والله يفتح عليك ويرزقك بالزوج الصالح.نصيحة من أخ

[مريم الصابرة]

السلام عليكم أختي
أولا ما تقوليليش كلمة هو مدين بزاف اختي لو مدين ما يحكيش معاك هذي صراحة وإسمحيلي قولي رجل عادي وخلاص
شوفي أختي بلاكي تمدي صورتك مهما كان وتحت اي ظرف راهم وراء الشاشات انواع بزاف من الناس
إنت قوليلو يدير حسابو ويجيب معاه امور الخطبة لما يشوفك منها رؤية شرعية ومنها خطبة حنا مثلا لما جي راجل يشوف مرا رؤية شرعية كان عجباتو يمدلها خاتم منو خاتم الشوفة او خطبة أولية هناك هذا دليل إنك عجبتيه وإنو موافق يبقاو اهلك لما يقبلو بعدما يروح كي يرجع لعندكم يرجعو بغرض الخطبة الرمسية رغم بعد المسافة لكن عادي لازم يتحمل
اما إنو ما تتزوجيش وغربة ما غربة علاه راحا تتزوجي بهندي ياخي راكي في بلاد وحدة عدة ساعات وإنت كنت في داركم وزيدي أختي لو تقعدي تستناي اللي قدامكم علاه ما جاوش من قبل من رأي لو فعلا ناويك قوليلو يتقدم اما اهلك لاقيلهم أي حجة قال صحبتي قال كذا من المفروض اهلك يهمهم الراجل عاقل ومتربي ما يهمش كان تعرفيه او لا وخاصة ما راكيش تخرجي من الدار وفالامور هذي احك مع امك لكن لازم ديري فيه ثقة كبيرة جارتي وعدها واحد بالزواج وقالها خلاص يوم فلاني راني جاي تخيلي تبهديل القطو وعرضت خوالها وعمومها ويستناو الراجل يجي مع اهلو ومع العلم الأربعاء عيط يأكد الخبر وجدو رواحهم وكل شي ماجاش ب وغالق تلفون بعد مدة فتح تلفونو فالاخير ظهر السيد متزوج وكان يكذب عليها يعني النت واعرة بزاف خذي حذرك وبلاكي من الصور قوليلو تشوفني في دارنا كان مدين كيما راكي تقولي يعرف قيمة هذا الشي كان لالا خلاص ربي يعوض عليك

[pharma-93]

المشاركة الأصلية كتبت بواسطة مريم الصابرة

السلام عليكم أختي
أولا ما تقوليليش كلمة هو مدين بزاف اختي لو مدين ما يحكيش معاك هذي صراحة وإسمحيلي قولي رجل عادي وخلاص
شوفي أختي بلاكي تمدي صورتك مهما كان وتحت اي ظرف راهم وراء الشاشات انواع بزاف من الناس
إنت قوليلو يدير حسابو ويجيب معاه امور الخطبة لما يشوفك منها رؤية شرعية ومنها خطبة حنا مثلا لما جي راجل يشوف مرا رؤية شرعية كان عجباتو يمدلها خاتم منو خاتم الشوفة او خطبة أولية هناك هذا دليل إنك عجبتيه وإنو موافق يبقاو اهلك لما يقبلو بعدما يروح كي يرجع لعندكم يرجعو بغرض الخطبة الرمسية رغم بعد المسافة لكن عادي لازم يتحمل
اما إنو ما تتزوجيش وغربة ما غربة علاه راحا تتزوجي بهندي ياخي راكي في بلاد وحدة عدة ساعات وإنت كنت في داركم وزيدي أختي لو تقعدي تستناي اللي قدامكم علاه ما جاوش من قبل من رأي لو فعلا ناويك قوليلو يتقدم اما اهلك لاقيلهم أي حجة قال صحبتي قال كذا من المفروض اهلك يهمهم الراجل عاقل ومتربي ما يهمش كان تعرفيه او لا وخاصة ما راكيش تخرجي من الدار وفالامور هذي احك مع امك لكن لازم ديري فيه ثقة كبيرة جارتي وعدها واحد بالزواج وقالها خلاص يوم فلاني راني جاي تخيلي تبهديل القطو وعرضت خوالها وعمومها ويستناو الراجل يجي مع اهلو ومع العلم الأربعاء عيط يأكد الخبر وجدو رواحهم وكل شي ماجاش ب وغالق تلفون بعد مدة فتح تلفونو فالاخير ظهر السيد متزوج وكان يكذب عليها يعني النت واعرة بزاف خذي حذرك وبلاكي من الصور قوليلو تشوفني في دارنا كان مدين كيما راكي تقولي يعرف قيمة هذا الشي كان لالا خلاص ربي يعوض عليك

Rabi yahffadh hadak lfom wybarak fhadak la39al baraka allaho fik khti hada howa lklam swab zinat l3a9l macha2 allh ana rayi man ray okht meriem ya khtii balaki wbalaki madiri laman fhata wahad wmadam rraki tkoli anti mdayna raki ta3rfi bali kolchi balmaktoubb wnchlh rabi yarz9ok bzawj salah

[sali-sali]

السلام عليكم

و اذا يحبك يجي يشوفك في بلااادك و يروح لداركم

[Angleeyes]

راكي نية بزاااااااااااااااف

[~ السلطانة ~]

انت سيدة القرار ... هناك امور لا يجب ان نأخذ فيها النصح و خصوصا الامور الشخصية جدا ...
لكن ملاحظة تفيدك و تنور طريقك ::: اذا دخلت الفيس بهدف التعرف لشخص فلك ما اردت و لتكن لك الشجاعة لمواصلة القصة ههههه علاه خفتي ههههههه
و اذا دخلتي لغرض آخر بكل بساطة هذا الشخص راه يعطلك عن هدفك ازيحيه عن الطريق من اول مراسلة ههه.

[doba]

رزقك الله وكل بنات المسلمين الزوج الصالح

[ابوبكر17.00]

السلام عليكم :
فائدة: الإستخارة تكون في الأمور المباحة و ليست المحرمة
قاعدة : (النية الصالحة لا تصلح العمل الفاسد)
إذا راهو يشوف فيك مليحة ...تبعثيلو الصورة يشوفك ما كيش مليحة ( بالنسبة لي كرجل)
إذا كان ناوي صح... يجيك لداركم (لو كنت مكانه أقسم بالله لتكلفت عناء السفر...)
ماتزعفيش من كلامنا ...
لكل أجل كتاب
والله ولي التوفيق

[hloukaman]

السلام عليكم ورحمة الله وبركاته
أختي الحبيبة،كل ردود أخواتي صائبة هناك الكثيرات تأخرن ورزقهم الله خير الأزواج
ربي يفتح على كل مسلم ومسلمة الزوجة والزوج الصالح

[loulou02]

شوفي اختي ادا صح ناوي الحلال قوليلو يجيك لولايتك و تتلاقو في مكان عام ويشوفك و تشوفيه و ادا كان اعجاب متبادل الله يكمل بالخير ان شاء الله .

[djazia87holi]

ربي يصلح الامور لكن اختي لا انصحك ببعث صورتك راها واعرة يزاف ادا كان ناوي صح يجي يشوفك في بلادك من بعيد بعيدا عن الشبهات هذا الحل في رايي وربي يكون الخير

[رُواء]

عن الحسن بن علي سبط رسول الله وريحانته رضي الله عنه قال حفظت من رسول الله صلى الله عليه وسلم ( دع ما يريبك إلى ما لا يريبك ) رواه النسائي وقال الترمذي حديث حسن صحيح .

[امونة الشاوية]

يا اختي نصيحة ليك عندك تبعثي صورتك اللي عينو في وحدة يجيها من اخر الدنيا
قادر حتى يكون ماشي بعيد وهو جاركم ومن بعد يبتزك عندك لا تطيحي في اكثر مشكلة منتشرة
وتخسري كلش