قضاء

[فاطمة شلف]

نهضت الصباح مثل الناس الملاح
قلبي مقبوض و مهوش مرتاح
قيس لفطور دقدق جاري فالباب
قالي ماتخفيش بنت الناس الكبار
زوجك اصيب بحروق
جبتلك جاه رسول الله تقول الحق
قالي راه مليح نديك تشوفي صحيح
راني مهول وعلى بابا ولادي نتسول
رحت للمستشفى وأنا قلبي مقطوع
نظرتو وقتلو واش حالك يا سند الضلوع
قالي انت شكون و معرفنيش
بكيت الدموع والجسم يرتعش
قلت راني خايف راه اعمى و ميفرزش
يارب تكون لي معين و فالقلب تفتش
نصيب الوجه مغطي والعينين مغمضين
قلبي نحرق و اتكوى على جمرين
قالي ماتتحيريش مجرد دوى و هذا مكتوب
وقالي الفرملي تهدني يامدام قتلو راني معطوب
قتلو هذا بابا ولادي و اخي و صديقي و تاج راسي
ورجعت نبكي و نبببببببببببببببببببببببببببببببببكي
استقبلت غاشيا و عيطت لأهلي و ماليا و جواريني و الناس لعزاز عليا
تعايطو خاوتي و لحقوني فالساعة و الحين
لي مشرق و لي مغرب أصحاب القلب الحنين
حضروا هما و زواجهم كاملين
واقفين يقارعوا يشوفوا عبد القادر في الحين
كي وصل غاضهم و غاض الجوارين
ولاوا خاوتي يدفقوا فالحين
وقلوب الناس جامدين
عيونهم حصرة و راهم باهتين
حصرتي على بنتي و مسمعتش
شافت منام ومعرفتش
قطعت الماكلة قبل الحادث بيومين
ياربي شتا راك مخبي سمعنا خبر زين
كي شافت باباها مقدرة تتكلم
قريب تعقدة المسكينة و لات اتمتم
قالت حسيت ومن جنبي نضريت
يا بابا معندناش من غيرك في هاذ الدنيا مليت

بقلم فاطمة من شلف